Category: ព័ត៌មានជាតិ

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងណែនាំដល់អភិបាលរាជធានីខេត្តទាំងអស់ រួមជាមួួយនឹងសមត្ថកិច្ចពាក់ព័ន្ធ ត្រូវរឹតបន្តឹងនិងចាត់វិធានការឱ្យបានម៉ឺងម៉ាត់បំផុតចំពោះក្រុមក្មេងទំនើង ទាំងវិធានការរដ្ឋបាលនិងវិធានការច្បាប់ ក្នុងការបង្ការទប់ស្កាត់ដោយគ្មានការបន្ធូរបន្ថយ និងគ្មានការលើកលែងនោះឡើយ ដើម្បីការពារសណ្តាប់ធ្នាប់សាធារណៈ និងសន្តិសុខសង្គម។ សម្តេចមហាបវរធិបតី ហ៊ុន ម៉ាណែត បានថ្លែងយ៉ាងដូចនេះនៅព្រឹកថ្ងៃទី២៣ ខែឧសភា ឆ្នាំ២០២៤នេះ នាឱកាសដែលសម្តេចបានអញ្ជើញប្រកាសដាក់ឱ្យអនុវត្តជាផ្លូវការ ផែនទីបង្ហាញផ្លូវ ឆ្ពោះទៅការគ្របដណ្តប់សុខភាពជាសកលនៅកម្ពុជាឆ្នាំ២០២៤-២០៣៥។ សម្តេចធិបតី ហ៊ុន ម៉ាណែត បានថ្លែងដូចនេះថា «ខ្ញុំសូមភ្ជាប់មួយទៀតរឿងបងធំបងតូចកាប់គ្នាច្រើនណាស់អត់កើតទេ សូមពង្រឹងកិច្ចការងារនេះ​, ក្នុងនាមប្រមុខរាជរដ្ឋាភិបាល ខ្ញុំសូមចេញបញ្ជារទៅអភិបាលរាជធានីខេត្តទាំងអស់ ជាមួយនឹងសមត្ថកិច្ចពាក់ព័ន្ធត្រូវរឹតបន្តឹង និងចាត់វិធានការឱ្យបានម៉ឺងម៉ាត់បំផុត ចំពោះក្រុមក្មេងទំនើងជាពិសេសក្រុមដាវសាំម៉ូរ៉ៃ កាប់គ្នាបំផ្លាញនូវទ្រព្យសម្បត្តិ និងបង្ករឱ្យមានការភ័យខ្លាចដល់ប្រជាពលរដ្ឋ»។ សម្តេចធិបតី ហ៊ុន ម៉ាណែត បានបន្ថែមថា កម្លាំងអាជ្ញាធរ កម្លាំងសមត្ថកិច្ចនៅទូទាំងប្រទេស ត្រូវធ្វើឱ្យបានម៉ឺងម៉ាត់បំផុតចំពោះក្រុមក្មេងទំនើង ដោយធ្វើទាំងវិធានការរដ្ឋបាល និងវិធានការច្បាប់ក្នុងការបង្ការទប់ស្កាត់ ដោយគ្មានការបន្ធូរបន្ថយ និងគ្មានការលើកលែងនោះឡើយ ដើម្បីធ្វើយ៉ាងណាការពារសណ្តាប់ធ្នាប់សាធារណៈ និងសន្តិសុខសង្គម និងត្រូវអនុវត្តន៍ឱ្យបានម៉ឺងម៉ាត់បំផុតទៅតាមច្បាប់ជាធរមាន។ សម្តេចធិបតី ហ៊ុន ម៉ាណែត បានបញ្ជាក់ថា សន្តិសុខសង្គម សុវត្ថិភាពនៅតាមភូមិឃុំ…

អានបន្ត “សម្ដេច ហ៊ុន ម៉ាណែត បញ្ជាឱ្យអាជ្ញាធរចាត់វិធានការដោយគ្មានការលើកលែងចំពោះក្រុមក្មេងទំនើង” »

(កណ្តាល)៖ កម្លាំងនគរបាលនៃស្នងការដ្ឋាននគរបាលខេត្តកណ្តាល សហការជាមួយកម្លាំងនគរបាលស្រុកវាលវែង ខេត្តពោធិ៍សាត់ នៅថ្ងៃទី២១ ខែឧសភា ឆ្នាំ២០២៤ បានរួមគ្នាស្រាវជ្រាវឃាត់ខ្លួនជនសង្ស័យម្នាក់ ដែលបានយកកាំបិតផ្គាក់កាប់សម្លាប់ស្ត្រីម្នាក់ជាម្ចាស់បំណុលនៅស្រុកស្អាង ខេត្តកណ្តាល ក្រោយស្ត្រីរងគ្រោះទៅតាមទារលុយដល់ផ្ទះ។ នេះបើយោងតាមលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បញ្ជាក់ប្រាប់បណ្តាញព័ត៌មាន ។ បើតាមលោកឧត្តមសេនីយ៍ទោស្នងការ, នៅពេលនេះកម្លាំងនគរបាលរបស់លោក បាននិងកំពុងទៅទទួលជនដៃដល់រូបមកសួរនាំ ដើម្បីចាត់វិធានការបន្តទៀត។ សូមជម្រាបថា ករណីកាប់សម្លាប់នេះ បានកើតឡើងកាលពីថ្ងៃទី១៩ ខែឧសភា ឆ្នាំ២០២៤ វេលាម៉ោង១៧៖៣៥នាទី នៅផ្ទះជនសង្ស័យឈ្មោះ ឡុង ឈាវ ស្ថិតនៅភូមិពោធិលើ ឃុំត្រើយស្លា ស្រុកស្អាង ខេត្តកណ្ដាល មុខរបរជាងដែក។ ក្រោយធ្វើសកម្មភាពសម្លាប់ហើយ រត់គេចខ្លួនបាត់។ ជនរងគ្រោះស្លាប់ឈ្មោះ ហាន មី ភេទ ស្រីអាយុ៣៣ឆ្នាំ ជនជាតិខ្មែរ មុខរបរ កសិករ មានទីលំនៅភូមិពោធិ៍លើ ឃុំត្រើយស្លាស្រុកស្អាង ខេត្តកណ្ដាល។ ករណីឃាតកម្មនេះត្រូវបានជនសង្ស័យប្រើកាំបិតផ្គាក់ កាប់ចំក្បាល និងកញ្ជឹងក ចំនួន ៣កាំបិត បណ្ដាលឱ្យស្ត្រីនោះស្លាប់ភ្លាមៗតែម្ដង៕

សំណេរបស់សម្ដេចធិបតី ហ៊ុន ម៉ាណែត៖ ជូនដល់បងប្អូនប្រជាពលរដ្ឋដែលរងគ្រោះនៅក្នុងគម្រោងរបស់អតីតឧកញ៉ា ឡេង ចាន់ណា, ឆ្លើយតបទៅនឹងសំណូមពររបស់ប្រជាពលរដ្ឋដែលរងគ្រោះក្នុងករណីគម្រោងរបស់អតីតឧកញ៉ា ឡេងចាន់ណា ដែលបានស្នើសុំកិច្ចអន្តរាគមន៍ពីខ្ញុំ, ខ្ញុំបានសម្រេចប្រគល់ភារកិច្ចជូនឯកឧត្តម គី តិច ប្រធានក្រុមមេធាវីរបស់រាជរដ្ឋាភិបាល ដើម្បីការពារប្រជាពលរដ្ឋ និងធ្វើជាតំណាងប្រជាពលរដ្ឋនៅក្នុងសំណុំរឿងទាំងឡាយដែលកំពុងចាត់ការដោយស្ថាប័នអយ្យការ និង ស្ថាប័នតុលាការ។ ខ្ញុំសូមយកឱកាសនេះ ដើម្បីបញ្ជាក់អំពីចំណាត់ការជាបន្តបន្ទាប់របស់រាជរដ្ឋាភិបាល និងរបស់រូបខ្ញុំផ្ទាល់ពាក់ព័ន្ធនឹងករណីនេះ។ ក្រោយពេលដែលឃើញមានផ្សព្វផ្សាយតាមប្រព័ន្ធបណ្ដាញសង្គមអំពីករណីទាមទារសំណងរបស់ប្រជាពលរដ្ឋដែលបានវិនិយោគនៅលើគម្រោង ប្រ៊ីលានស៊ីធី នៅខេត្តសៀមរាប របស់អតីតឧកញ៉ា ឡេង ចាន់ណា, នៅក្នុងអំឡុងពាក់កណ្តាលខែកុម្ភះឆ្នាំ២០២៤ ខ្ញុំបានប្រគល់ភារកិច្ចជូន ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគររូបនីយកម្ម និងសំណង់ ក៏ដូចជា ជូនឧត្តម ប្រាក់ សោភ័ណ្ឌ អភិបាលនៃគណៈអភិបាលខេត្តសៀមរាប និងក្រុមជំនួយការច្បាប់របស់ខ្ញុំដើម្បីស្រាវជ្រាវ ក៏ដូចជារិះរកដំណោះស្រាយលើករណីនេះ។ តាមការប្រគល់ភារកិច្ច, ឯកឧត្តម សាយ សំអាល់ បានព្យាយាមធ្វើការសម្របសម្រួលជាមួយក្រុមហ៊ុន ក្នុងគោលបំណងរកដំណោះស្រាយជូនប្រជាជនវិញ ទៅតាមលទ្ធភាពដែលអាចទៅបាន និងទៅតាមជំហានដែលអាចធ្វើទៅបាន ប៉ុន្តែ ដំណោះស្រាយតាមវិធីនេះ ពុំអាចធ្វើទៅបាន។ ជាមួយគ្នានេះ, សមត្ថកិច្ចក៏បានធ្វើការស៊ើបអង្កេត…

អានបន្ត “សម្ដេចធិបតី ហ៊ុន ម៉ាណែត៖ ក្រុមរបស់ ឡេង ចាន់ណា មានលក្ខណៈជាប្រព័ន្ធឆបោកតាមរូបមន្ត Ponzi Scheme” »

ភ្នំពេញ ៖ គ្រូបង្រៀន២នាក់នៅខេត្តតាកែវ និងអនុប្រធានការិយាល័យម្នាក់នៃក្រសួងផែនការ ត្រូវ​បាន​អង្គភាពប្រឆាំងអំពើពុករលួយឃាត់ខ្លួន និងបានកសាងសំណុំរឿង​បញ្ជូន​ទៅ​ស្ថាប័ន​តុលាការ​។ ឯកឧត្តម សយ ច័ន្ទវិចិត្រ អ្នកនាំពាក្យអង្គភាពប្រឆាំងអំពើពុករលួយ បានប្រាប់ទូរទស្សន៍ BTV នា​ព្រឹក​ថ្ងៃទី១០ ខែឧសភា ឆ្នាំ២០២៤ថា កាលពីថ្ងៃទី៩ ខែឧសភា ម្សិលមិញ អង្គភាព​ប្រឆាំង​អំពើ​ពុក​រលួយ​បានបញ្ជូនសំណុំរឿងមួយដែលមានជនសង្ស័យ៣នាក់ ទៅកាន់​សាលា​ដំបូង​រាជ​ធានី​ភ្នំពេញ ហើយកំពុងស្ថិតក្នុងចំណាត់ការបន្តរបស់សាលាដំបូងរាជធានីភ្នំពេញ។ ឯកឧត្តម សយ ច័ន្ទវិចិត្រ បានបញ្ជាក់ថា សំណុំរឿង​ដែល​អង្គភាព​ប្រឆាំង​អំពើ​ពុក​រលួយ​បាន​កសាង​បញ្ជូន​ទៅ​សាលាដំបូងនោះ គឺពាក់ព័ន្ធនឹងបទ រំលោភអំណាច ដោយសារ​ជន​សង្ស័យ​ទាំង​៣​នាក់​ ក្នុងនាមជាអ្នករាជការសាធារណៈ បានស្វែងរកប្រយោជន៍ គឺការរៀបចំ​ធ្វើ​នូវ​សញ្ញាបត្រ​ក្លែងក្លាយ និងរត់ការយកមនុស្សចូលធ្វើការតាមក្រសួងស្ថាប័នផ្សេងៗ។ អ្នករាជការសាធារណៈដែលត្រូវបានអង្គភាពប្រឆាំងអំពើពុករលួយឃាត់ខ្លួនបញ្ជូនទៅសាលាដំបូង​រាជធានីភ្នំពេញមាន ១.លោក នង វុន គ្រូបង្រៀនវិទ្យាល័យសុខអានព្រៃសណ្ដែក ២.លោក ស៊ុន ពេជ្រសុម៉ាលី គ្រូបង្រៀនសាលាបឋមសិក្សាធន់មន់ និង៣.លោក ហ៊ុយ ពិសិដ្ឋ អនុ​ប្រធាន​ការិយាល័យ​អភិវឌ្ឍន៍​ជនបទនៃក្រសួងផែនការ។ គិតមកដល់ព្រឹកថ្ងៃទី១០ ខែឧសភា ឆ្នាំ២០២៤នេះ អ្នកនាំពាក្យតំណាង​អយ្យការ​អម​សាលា​ដំបូង​រាជធានីភ្នំពេញមិនទាន់បានបញ្ជាក់ពីចំណាត់ការបែបណានៅឡើយនោះទេ ចំពោះ​សំណុំ​រឿង​ពុក​រលួយមួយនេះ៕

ខេត្តសៀមរាប៖ ព្រៃលិចទឹកនៅចំណុចកប៉ាល់ផ្កាប់ សង្កាត់ចុងឃ្នៀស ក្រុងសៀមរាប ខេត្តសៀមរាប ត្រូវបានឆេះ ៤យប់ ៤ថ្ងៃ មកនេះអស់ទំហំប្រមាណជាង២៥ហិកតាហើយ នៅមិនទាន់គ្រប់គ្រងបាននៅឡើយទេ គិតត្រឹមម៉ោង ២២ ១៥នាទី ថ្ងៃទី ០៦ ខែឧសភា ឆ្នាំ ២០២៤។ យោងតាមសំណេររបស់ ក្រសួងកសិកម្មរុក្ខាប្រមាញ់និងនេសាទ ដែលបានបង្ហោះនៅលើទំព័រ Facebook ផ្លូវការរបស់ខ្លួន នៅថ្ងៃទី ៦ ខែឧសភា ឆ្នាំ ២០២៤ ដែលដាក់ចំណងជើងថា «សកម្មភាពចុះទប់ស្កាត់និងពន្លត់ភ្លើងឆេះព្រៃលិចទឹកនៅចំណុចកប៉ាល់ផ្កាប់ សង្កាត់ចុងឃ្នៀស ក្រុងសៀមរាប ខេត្តសៀមរាប»។ សំណេររបស់ក្រសួងកសិកម្មរុក្ខាប្រមាញ់និងនេសាទ៖ «ថ្ងៃសុក្រ ទី០៥ ខែឧសភា ឆ្នាំ២០២៤ លោកទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប លោកធិននី សុទ្ធី នាយខណ្ឌរដ្ឋបាលជលផលសៀមរាប និងសហការី បានអមដំណើរឯកឧត្តម ប៉ែន ផល្លីកា អនុរដ្ឋលេខាធិកាក្រសួងកសិកម្ម រុក្ខាប្រមាញ់និងនេសាទ ដោយសហការជាមួយស្នងការនគរបាលខេត្ត រដ្ឋបាលក្រុងសៀមរាប ការិយាល័យអគ្គីភ័យ…

អានបន្ត “ព្រៃលិចទឹករាប់សិបហិចតាត្រូវបានឆេះនៅសង្កាត់ចុងឈ្នៀសខេត្តសៀមរាប” »

ខេត្តកំពង់ស្ពឺ ៖ ករណី​ផ្ទុះ​គ្រាប់​ធុន​ធំ​តូច បណ្តាល​ឱ្យ​ឆេះ​ឃ្លាំង​ស្តុក​គ្រាប់ ក្នុង​ទីបញ្ជាការ​យោធភូមិ​ភាគ​ទី​៣ នៃ​ខេត្តកំពង់ស្ពឺ ពេល​នេះ​សមត្ថកិច្ច​គ្រប់គ្រង​ស្ថានការណ៍​បាន​ហើយ ដោយ​សមត្ថកិច្ច​ជំនាញ បាន​ចូល ដើម្បី​បាញ់​ទឹក​ពន្លត់​អគ្គិ​ស​ភ័យ ដែល​កំពុង​តែ​ឆាបឆេះ ហើយ​ឈាន​ទៅ​គ្រប់គ្រង​ស្ថានការណ៍ ឱ្យ​មាន​លក្ខណៈ​ប្រក្រតី​ឡើង​វិញ​ហើយ នេះ​បើ​យោង​តាម​ការ​ឱ្យ​ដឹង​ពី​មន្ត្រី​សមត្ថកិច្ច​នៅ​កន្លែង​កើតហេតុ ។ សមត្ថកិច្ច​ប្រាប់​ក្នុង​លក្ខខណ្ឌ​មិន​បញ្ចេញ​ឈ្មោះ បានឱ្យ​ដឹង​ថា នៅ​ម៉ោង​ប្រមាណ​ជា​០៤​និង​៤០​នាទី​រសៀល​ថ្ងៃ​ទី​២៧ ខែមេសា ឆ្នាំ​២០២៤ ស្នូរ​គ្រាប់​បាន​ស្ងប់ស្ងាត់​ទៅ​វិញ (​លែង​ផ្ទុះ​ទៀត​ហើយ​) ក្នុង​កិច្ច​អន្តរាគមន៍ របស់​សមត្ថកិច្ច​ជំនាញ មាន​កម្លាំង​កងរាជអាវុធហត្ថ នគរបាល និង​យោធា​អង្គភាព​៧១១ ដែល​ត្រៀម​បង្ការ បាន​សម្រុកចូល​ទៅ​ចំណុច​ទីតាំង​ឃ្លាំង​ស្តុក​គ្រាប់​នោះ ដើម្បី​ធ្វើការ​បាញ់​ទឹក​សន្ធាប់​ឱ្យ​ភ្លើង​រលត់​។ ស្រប​ពេល​នោះ​ផង​ដែរ​មេឃ ក៏​បាន​បង្អុរ​ធ្លាក់​ភ្លៀង​ហាក់បីដូចជា​ជួយ​ស្រោចស្រព និង​បាញ់​ពន្លត់​ជាមួយ​សមត្ថកិច្ច​ផង​ដែរ ទើបបាន​គ្រប់គ្រង​ស្ថានការណ៍​បាន ។ ទន្ទឹម​នឹង​ការ​គ្រប់គ្រង​ស្ថានការណ៍​បាន ប្រភព​ក៏​បាន​បង្ហើប​ដែរ​ថា មាន​មន្ត្រី​យោធា​យ៉ាងតិច ២០​នាក់ បាន​បាត់បង់​ជីវិត នៅ​ក្នុង​ហេតុការណ៍​នោះ ខណៈ​ដែល​ពួក​គេ​កំពុង​រៀបចំ​ទុកដាក់​គ្រាប់ ដែល​ចល័ត​មក​ពី​ខេត្តកោះកុង និង​ប្រជាពលរដ្ឋ​ជិតខាង​ជា​ច្រើន​នាក់ រួម​ទាំង​កុមារ​ផង​ដែរ បាន​រង​របួស ហើយ​កំពុង​ទទួល​ការ​សង្គ្រោះ​ពី​ក្រុម​គ្រូពេទ្យ​។ ចំនួន​អ្នក​ស្លាប់​នេះ​ដែរ នឹង​អាច​មានការ​កើនឡើង​បន្ថែម​ទៀត ខណៈ​ដែល​សមត្ថកិច្ច​គ្រប់គ្រង​សភាពការណ៍​បាន​ទាំងស្រុង និង​កំពុង​ស្រាវជ្រាវ​រក​អ្នក​ដែល​ស្ថិត​នៅ​ក្បែរ​កន្លែង​កើតហេតុ​នោះ ។ សូម​បញ្ជាក់​ផង​ដែរ​ថា ឃ្លាំង​ផ្ទុក​គ្រាប់​យុទ្ធភណ្ឌ នៅ​ក្នុង​ទីបញ្ជាការ​យោធភូមិ​ភាគ​ទី​៣…

អានបន្ត “ករណីឆេះឃ្លាំងស្តុកគ្រាប់​ ក្នុងទីបញ្ជាការយោធភូមិភាគទី៣ នៃខេត្តកំពង់ស្ពឺ​ សមត្ថកិច្ចគ្រប់គ្រងស្ថានការណ៍បានហើយ” »

នៅព្រឹកថ្ងៃទី២៦ ខែមេសា ឆ្នាំ២០២៤នេះ លោកឧត្តមសេនីយ៍ឯក ប៊ុន ដា ប្រធាននាយកដ្ឋានកណ្តាលសណ្តាប់ធ្នាប់សាធារណៈ និងលោក សំកុល សុចិត្រា អភិបាលរងខេត្តសៀមរាប បានអញ្ជើញជាអធិបតី ប្រកាសតែងតាំងលោកវរសេនីយ៍ទោ ប៊ឹក បូភក្រ ជាប្រធានអង្គភាពនគរបាលទេសចរណ៍ថ្មី ប្រចាំខេត្តសៀមរាប ជំនួសលោក ទី សុខឡែន ដែលត្រូវបានបញ្ចប់មុខតំណែង។ ថ្លែងក្នុងពិធីនេះ លោកឧត្តមសេនីយ៍ឯក ប៊ុន ដា បានផ្ដោតសំខាន់ទៅលើពង្រឹងសាមគ្គីភាពផ្ទៃក្នុង និងការដឹកនាំបញ្ជា របស់លោកប្រធានទើបចូលកាន់ តំណែងថ្មី សំដៅជំរុញប្រសិទ្ធភាពការងារឲ្យកាន់តែល្អប្រសើរបន្ថែមទៀត។ ក្នុងនោះដែរ កងកម្លាំងទាំងអស់ត្រូវចូលរួមទប់ស្កាត់ការប្រព្រឹត្តបទល្មើសនានា ជាពិសេសពាក់ព័ន្ធទៅវិស័យទេសចរណ៍ និងជនបរទេស ដែលបានចូលមកកាន់ខេត្តសៀមរាប ដែលជាតំបន់ទេសចរណ៍ដ៏សំខាន់របស់កម្ពុជា។ ក្នុងឱកាសនោះដែរ លោក សំកុល សុចិត្រា ក៏បានជំរុញដល់លោកប្រធានអង្គភាពនគរបាលទេសចរណ៍ ត្រូវបន្តកិច្ចសហការជាមួយអង្គរភាពនានា ដើម្បីថែរក្សាបាននូវសន្តិសុខសណ្តាប់ធ្នាប់ជូនភ្ញៀវទេសចរជាតិ អន្តរជាតិ ក៏ដូចជាថ្នាក់ដឹកនាំគ្រប់ជាន់ថ្នាក់។ ជាមួយគ្នានេះក៏ត្រូវខិតខំយកចិត្តទុកដាក់អនុវត្តឲ្យខានតែបាននូវរាល់បទបញ្ជា ផែនការណែនាំ ក៏ដូចជាផែនការការពារផ្សេងៗដែលថ្នាក់ដឹកនាំជាតិ ក៏ដូចជាថ្នាក់ដឹកនាំគណៈបញ្ជាការឯកភាពខេត្ត បានដាក់ជូន។ លើសពីនេះ សូមពង្រឹងបន្ថែមនូវរាល់វិន័យការងារ រក្សាសាមគ្គីភាព ឯកភាព ប្រកាន់ខ្ជាប់នូវវិន័យ…

អានបន្ត “ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាបថ្មី” »

ខេត្តសៀមរាប៖ ស្របទៅតាមអនុសាសន៍ដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន កាលដែលសម្ដេចនៅជានាយករដ្ឋមន្ត្រី នៃព្រះរាជាណាចក្រកម្ពុជា និងបញ្ជាដ៏ថ្លៃថ្លាឧត្តុង្គឧត្តមរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នីតិកាលទី ៧ នៃរដ្ឋសភា និង ឯកឧត្ដមអភិសន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ បានដាក់បទបញ្ជាយ៉ាងដាច់ណាត់ ឱ្យលុបបំបាត់នូវល្បែងស៊ីសងគ្រប់ប្រភេទទំាងនោះ។ ប្រជាពលរដ្ឋបានសង្កេតឃើញថា ថ្នាក់ដឹកនាំរាជធានី-ខេត្ត និងអាជ្ញាធរមូលដ្ឋាន បាននឹងកំពុងមមាញឹកតាមលុបបំបាត់នូវល្បែងស៊ីសងគ្រប់ប្រភេទ។ នៅក្នុងនោះទូទាំងខេត្តសៀមរាប ប្រជាពលរដ្ឋក៏សង្កេតឃើញផងដែរថា មានការលុបបំបាត់នូវល្បែងស៊ីសងខុសច្បាប់គ្រប់ប្រភេទមួយចំនួនធំ រួចមកហើយ។ ប៉ុន្តែរហូតមកដល់ពេលនេះ ប្រជាពលរដ្ឋនៅតែសង្កេតឃើញថា នៅតែមានការលក់និងលេង ល្បែងឆ្នោត សៀម-វៀតណាម ដោយបើកចំហ និងលួចលាក់ របស់មេខ្លោងដែលមានរហស្សនាមលោក”ខ្លា” និងដៃជើងដែលជាមេការមើលការខុសត្រូវ ល្បែងឆ្នោតនេះ រហស្សនាម”នាគខ្មៅ” ហាក់ទទួលបាននូវសិទ្ធិផ្ដាច់មុខ ក្នុងការឲ្យមានការលក់ កត់ ឆ្នោត យ៉ាងអាណាធិបតេយ្យ ទាំងក្នុងក្រុង និងនៅតាមស្រុកទាំង ១២ ផងដែរ។ ការនេះប្រជាពលរដ្ឋ ថាជាការផ្គើនទៅនឹងអនុសាសន៍ របស់ សម្ដេចប្រមុខថ្នាក់ដឹកនាំទាំងបី…

អានបន្ត “ប្រជាពលរដ្ឋ គោរពស្នើរសុំលោកឧត្តមសេនីយ៍ទោ ហួត សុធី មេត្តាចាត់វិធានការក្ដៅ បិទទីតាំងល្បែងឆ្នោត ទាំងស្រុងនៅក្នុងខេត្តសៀមរាបផង” »

ខេត្តសៀមរាប ៖ លោក​ឧត្តមសេនីយ៍ទោ ហួត សុធី អតីត​ស្នងការ​នគរបាល​ខេត្តឧត្តរមានជ័យ ត្រូវ​បាន​ផ្ទេរ​ទៅ​កាន់​ជា​ស្នងការ​នគរបាល​ខេត្តសៀមរាប​ជំនួស​លោក ឧត្ដមសេនីយ៍ទោ តេ​ង ចាន់​ណា អតីត​ស្នងការ​នគរបាល​ខេត្តសៀមរាប​ផ្ទេរ​ទៅ​កាន់​ស្នងការដ្ឋាន​នគរបាល​ខេត្តកំពង់ឆ្នាំង ក្នុង​រយៈពេល​៣​ថ្ងៃ​ទៀត​ត្រូវ​នឹង​ថ្ងៃ​ទី​១៩ ខែមេសា ឆ្នាំ​២០២៤ ខាង​មុខ​នេះ ។ ពិធី​ប្រកាស​ចូល​កាន់​តំណែង​ធ្វើ​ឡើង នៅ​ព្រឹក​ថ្ងៃ​ទី​១៨ ខែមេសា ក្រោម​អធិបតីភាព​នាយ​ឧត្តមសេនីយ៍ ស ថេ​ត អគ្គស្នងការ​នគរបាល​ជាតិ នៅ​ស្នងការដ្ឋាន​នគរបាល​ខេត្តសៀមរាប ។ ចំណែក​លោក​ឧត្តមសេនីយ៍ទោ ខូ​វ លី ស្នងការ​នគរបាល​ខេត្តកំពង់ឆ្នាំង ត្រូវ​បាន​ផ្ទេរ​ទៅ​កាន់​ជា​ស្នងការ​នគរបាល​ខេត្តឧត្តរមានជ័យ​ជំនួស លោក​ឧត្តមសេនីយ៍ទោ ហួត សុធី មក​កាន់​ស្នងការ​នគរបាល​ខេត្តសៀមរាប​វិញ ។ ពិធី​ប្រកាស​ចូល​កាន់​តំណែង​ធ្វើ​ឡើង នៅ​រសៀល​ថ្ងៃ​ទី​១៨ ខែមេសា ក្រោម​អធិបតីភាព​នាយ​ឧត្តមសេនីយ៍ ស ថេ​ត អគ្គស្នងការ​នគរបាល​ជាតិ ។ លោក​ឧត្តមសេនីយ៍ទោ តេ​ង ច័ន្ទ ណាត ស្នងការ​នគរបាល​ខេត្តសៀមរាប ត្រូវ​បាន​ផ្ទេរ​ទៅ​កាន់​ជា​ស្នងការ​នគរបាល​ខេត្តកំពង់ឆ្នាំង ។ ពិធី​ប្រកាស​ចូល​កាន់​តំណែង​ធ្វើ​ឡើង នៅ​ព្រឹក​ថ្ងៃ​ទី​១៩ ខែមេសា ក្រោម​អធិបតីភាព​នាយ​ឧត្តមសេនីយ៍ ស…

អានបន្ត “៣ថ្ងៃខាងមុខទៀតនឹងមានការផ្លាស់ប្តូរស្នងការខេត្តសៀមរាបហើយ” »

សៀមរាប៖ ក្នុងពេលជួបជាមួយប្រតិភូសមាគមសហគ្រិនស្ត្រីកម្ពុជា​ កាលពីថ្ងៃទី០៦ ខែកុម្ភៈ ឆ្នំា ២០២៤ អភិបាលខេត្តសៀមរាប លោក ប្រាក់ សោភ័ណ បានបង្ហើបឱ្យដឹងថា នាពេលឆាប់ៗខាងមុខនេះ ក្នុងខេត្ត នឹងមានទីស្នាក់ការសម្រាប់ធ្វើលិខិតឆ្លងដែន ជូនប្រជាពលរដ្ឋ។ តាមលោក ប្រាក់ សោភ័ណ ការបង្ខិតទីស្នាក់ការធ្វើលិខិតឆ្លងដែនមកដល់ខេត្តសៀមរាបនេះ គឺក្នុងគោលបំណង ដើម្បីបង្កភាពងាយស្រួលដល់ប្រជាពលរដ្ឋដែលរស់នៅក្នុងខេត្ត និងពលរដ្ឋរស់នៅក្នុងខេត្តដែលនៅជុំវិញ ដោយមិនចាំបាច់ចំណាយពេលធ្វើដំណើរទៅធ្វើលិខិតឆ្លងដែននៅទីកន្លែងឆ្ងាយ។ ដោយឡែក ក្នុងឱកាសនោះ លោកអភិបាលខេត្ត ក៏បានណែនាំឱ្យសមាគមសហគ្រិនស្ត្រីកម្ពុជា ក៏ដូចជាភាគីពាក់ព័ន្ធ ត្រូវចូលរួមរក្សា ការពារ ទ្រទ្រង់ប្រពៃណី វប្បធម៌ ទំនៀមទម្លាប់របស់ខ្មែរ វប្បធម៌ ជាពិសេស នៅពេលមានពិធីបុណ្យប្រពៃណី ឬក្នុងពេលទទួលប្រតិភូជាតិ អន្តរជាតិ អ្នកបម្រើសេវាទេសចរណ៍ត្រូវស្លៀកពាក់តាមបែបប្រពៃណីដើមី្ប រំលឹកនូវពីអត្តសញ្ញាណរបស់ជាតិខ្មែរ។ ក្រៅពីនេះ លោក ប្រាក់ សោភ័ណ ក៏បានជំរុញដល់សហគ្រិនស្ត្រី ក៏ដូចប្រជាពលរដ្ឋ ត្រូវចូលរួមការពារបរិស្ថាន អនាម័យ សំដៅធ្វើឲ្យខេត្តសៀមរាប ទទួលភ្ញៀវកាន់តែច្រើនឡើង៕

ស្វាយរៀង៖ ប្រភព​ពី​ខេត្ត​ស្វាយរៀង​បានអោយដឹងថា​ សំណុំរឿង​ករណី​ គុបគិតគ្នា​នាំចូល​ជេីងមាន់ខុសច្បាប់​ ៤​ កុងតែន័រ​ ទម្ងន់​ជាង​ ១០០​ តោន​ បាន​បញ្ជូនទៅដល់​អយ្យការអមសាលាដំបូង​ខេត្ត​ស្វាយរៀង​ហេីយ​ កាលពីថ្ងៃទី​ ៦​ ខែ​ កុម្ភៈ​ ឆ្នាំ​ ២០២៤​ ។ ប្រភព​បានអោយដឹងទៀតថា​ អ្នកនាំជេីងមាន់ចូល​គឺ​ លោក​សម្បត្តិ​ ម្ចាស់​ក្រុមហ៊ុន​ Sambath Logistic Co.Ltd មាន​អាស័យដ្ឋាន​នៅភូមិ​ បាវិត​កណ្ដាល​ សង្កាត់​ បាវិត​ ក្រុង​បាវិត​ ខេត្ត​ស្វាយរៀង​ ។ ចំណែក​មន្ត្រី​ដែល​គប់គិតគ្នាអនុញ្ញាតិ​អោយ​នាំចូល​ ដោយមិនបង់ពន្ធ​ និង​ គ្មាន​លិខិត​អនុញ្ញាតអោយនាំចូល​ មានឈ្មោះ​ យី​ ថុល​ ប្រធានគយច្រកព្រំដែន​បាវិត​ លោក​ ខៀវ​ សារឿន​ មេគយ​តំបន់​ ២​ លោក​ ហេង​ សំបូរ​ មេគយខេត្ត​ស្វាយរៀង​ និង​ សមត្ថកិច្ច​ពាក់ព័ន្ធ​មួយ​ចំនួន​ទៀត​ (​ គប់គិត​ជា​ប្រព័ន្ធ​ )​ ។ ជេីងមាន់​ខូច​គុណភាព​នាំចូល​ខុសច្បាប់​នេះ​…

អានបន្ត “គុបគិតគ្នា​នាំចូល​ជេីងមាន់ខុសច្បាប់​ ៤​ កុងតែន័រ​ ទម្ងន់​ជាង​ ១០០​ តោន​” »

សៀមរាប៖ លោក អ៊ឹង គឹមលាង អភិបាលរងខេត្ត មានប្រសាសន៍ថា បច្ចុប្បន្នបញ្ហាបទល្មើសនេសាទខុសច្បាប់ក្នុងភូមិសាស្ត្រខេត្តសៀមរាប បានថយចុះជាបន្តបន្ទាប់ ព្រោះប្រជានេសាទមួយចំនួនពួកគាត់ងាកទៅប្រកបមុខរបរផ្សេងជាមួយសហគមន៍ទេសចរណ៍ ប៉ុន្តែក៏នៅមានប្រជានេសាទមួយចំនួននៅតែប្រព្រឹត្តបទល្មើសដដែល បើទោះជាមន្ត្រីយើងខិតខំបង្ក្រាបនិងទប់ស្កាត់ ជាញឹកញាប់យ៉ាងណាក៏ដោយ ។ លោកក៏បានណែនាំដល់ថ្នាក់ដឹកនាំ និង មន្ត្រីជំនាញ នៃមន្ទីរកសិកម្ម រុក្ខាប្រមាញ់ និង នេសាទខេត្ត ត្រូវបន្តចុះអប់រំ និង ផ្សព្វផ្សាយដល់បងប្អូនប្រជានេសាទទាំងអស់ ឲ្យយល់ដឹងពីការប្រើប្រាស់ឧបករណ៍នេសាទដែលច្បាប់បានកំណត់ ហើយជំហានដំបូង ប្រសិនបើរកឃើញថា គាត់បានប្រព្រឹត្តបទល្មើស ដែលនាំឲ្យបាត់បងនូវធនធានមច្ឆជាតិ ត្រូវឲ្យពួកគាត់ធ្វើកិច្ចសន្យាបញ្ឈប់ការប្រើប្រាស់ឧបករណ៍នេសាទខុសច្បាប់ ប៉ុន្តែបើពួកគាត់នៅតែបន្តប្រើប្រាស់ឧបករណ៍នេសាទខុសច្បាប់ដដែល ត្រូវកសាងសំណុំរឿងបញ្ជូនទៅតុលាការ ដើម្បីអនុវត្តតាមនីតិវិធីនៃច្បាប់ ។ លោក អ៊ឹង គឹមលាង មានប្រសាសន៍យ៉ាងដូច្នេះ ក្នុងឱកាសដឹកនាំក្រុមការងារចម្រុះខេត្ត បើកយុទ្ឋនាការចុះពិនិត្យទបទល្មើសនេសាទ និងសង្កេតការធ្វើនេសាទដោយឧបករណ៍នេសាទលក្ខណៈគ្រួសារក្នុងភូមិសាស្ត្រសង្កាត់ចុងឃ្នៀស និង ឃុំកំពង់ភ្លុក កាលពីថ្ងៃទី ២២ ខែមករា ឆ្នាំ២០២៤នេះ ។ លោក ទា គឹមសុទ្ធ ប្រធានមន្ទីរកសិកម្មរុក្ខាប្រមាញ់និងនេសាទខេត្ត បានឱ្យដឹងថា ក្នុងពេលបើកយុទ្ឋនាការចុះពិនិត្យបទល្មើសនេសាទ រយៈពេល២ថ្ងៃ គឺនៅថ្ងៃទី២២និងថ្ងៃទី២៣…

អានបន្ត “អាជ្ញាធរខេត្តសៀមរាបព្រមានចាត់វិធានការចំពោះជនល្មើសមិនរាងចាល ដែលនៅតែបន្តប្រើឧបករណ៍នេសាទខុសច្បាប់” »

បន្ទាយមានជ័យ៖ លោក លី សុវណ្ណារិទ្ធ អភិបាលរង និងជាអ្នកនាំពាក្យសាលាខេត្តបន្ទាយមានជ័យ បានឲ្យដឹងថា ក្រោយមន្ត្រីរាជការនៃមន្ទីររៀបចំដែនដីនគរូបនីយកម្មសំណង់ និងសូរិយោដីខេត្តបន្ទាយមានជ័យ បានផ្តិតមេដៃស្នើសុំទៅរដ្ឋមន្ត្រីក្រសួងរៀបចំដែនដី ដើម្បីសុំផ្លាស់ប្តូរលោក អាង ណារិទ្ធ ប្រធានមន្ទីររៀបចំដែនដីនគរូបនីយកម្មសំណង់ និងសូរិយោដីខេត្តបន្ទាយមានជ័យចេញ។ ឥឡូវនេះ មន្ត្រីចំនួន ៨រូប រួមមាន៖ ប្រធានមន្ទីរ និងអនុប្រធាន ៥នាក់ រួមទាំងប្រធានការិយាល័យ ២រូប ត្រូវផ្ទេរទៅក្រសួងរៀបចំដែនដី។ លោកបញ្ជាក់ថា តាមពាក្យស្នើសុំ និងមេដៃផ្លាស់ប្តូរចេញនេះ ដោយសារលោក អាង ណារិទ្ធ ប្រធានមន្ទីរ គ្មានភាពជាអ្នកដឹកនាំក្នុងមន្ទីរ គ្មានសាមគ្គីផ្ទៃក្នុង គ្មានសីលធម៌ គ្មានគុណធម៌ក្នុងខ្លួន និយាយស្តីទៅកាន់មន្ត្រីក្រោមឱវាទអសុរោះ មើលងាយមន្ត្រីក្រោមឱវាទ និងស៊ីដាច់លុយការងារមន្ត្រី ធ្វើការមិនទទួលការងារខុសត្រូវ ពេលមានរឿងទម្លាក់លើកូនចៅជាអ្នកទទួលខុស។ លោក លី សុវណ្ណារិទ្ធ បានបញ្ជាក់ទៀតថា ក្រោយពីមន្ត្រីរាជការក្រោមឱវាទផ្តិតមេដៃ និងធ្វើពាក្យស្នើសុំទៅរដ្ឋមន្ត្រីក្រសួងរៀបចំដែនដីបានចាត់តាំងមន្ត្រីថ្នាក់ជាតិចុះធ្វើអធិការកិច្ច និងស្រាវជ្រាវ ហើយនៅថ្ងៃទី១៨ ខែមករា ឆ្នាំ២០២៤នេះ អន្តរក្រសួង និងខេត្តបានប្រជុំសម្រេចផ្លាស់ប្តូរលោក អាង ណារិទ្ធ…

អានបន្ត “ប្រធានមន្ទីររៀបចំដែនដី ខេត្តបន្ទាយមានជ័យ រួមជាមួយ អនុប្រធាន ៥រូប និងប្រធានការិយាល័យ ២រូប ត្រូវផ្ទេរទៅក្រសួង ក្រោយមានការស្នើពីមន្ត្រីក្រោមឱវាទ” »

សៀមរាប៖ មន្ត្រីសណ្តាប់ធ្នាប់នៃអាជ្ញាធរជាតិអប្សរា ២រូប ដែលត្រូវចោទប្រកាន់ថា បានប្រើហឹង្សាលើអ្នកលក់សត្វអណ្តើកនៅមុខប្រាសាទអង្គរវត្ត ត្រូវបានសាលាដំបូងខេត្តសៀមរាប ធ្វើការដោះលែងឲ្យមានសេរីភាពវិញ នៅថ្ងៃទី១៤ ខែមករា ឆ្នាំ២០២៤។ បន្ទាប់ពីបានពិនិត្យចម្លើយជនរងគ្រោះ ចម្លើយជនសង្ស័យ ចម្លើយសាក្សី និងឯកសារជាភស្តុតាងនានានៅក្នុងសំណុំរឿង អ្នកនាំពាក្យនៃអយ្យការអមសាលាដំបូងខេត្តសៀមរាប បានបញ្ជាក់ថា ជនរងគ្រោះឈ្មោះ ណុល សំណាង ភេទប្រុស អាយុ ២០ឆ្នាំ (កើតនៅថ្ងៃទី១៩ ខែមេសា ឆ្នាំ ២០០៤) ជានីតិជន និងបក្ខពួកបាននាំគ្នាទៅចាប់សត្វអណ្ដើកនៅក្នុងកសិន្ទុអង្គរ បំពានការហាមឃាត់ ដែលធ្វើឱ្យប៉ះពាល់ដល់ភ្ញៀវទេសចរជាតិ និងអន្តរជាតិ ដែលមកទស្សនាប្រាសាទអង្គរវត្ត។ ក្នុងអំឡុង ពេលបំពេញភារកិច្ចប្រចាំការ មើលការខុសត្រូវនៅទីកន្លែងកើតហេតុ ជនសង្ស័យឈ្មោះ សុខ សៀន និង ឈ្មោះ ហៃ រដ្ឋា បានចុះទៅធ្វើការហាមឃាត់ និងណែនាំឈ្មោះ ណុល សំណាង និងបក្ខពួក កុំឱ្យប្រព្រឹត្តអំពើទាំងនេះតទៅទៀត ប៉ុន្តែជាការឆ្លើយតប ជនរងគ្រោះឈ្មោះ ណុល សំណាង មិនបានគោរពតាមការណែនាំរបស់អាជ្ញាធរនោះទេ ហើយបានជេរប្រមាថមកលើអាជ្ញាធរវិញទៀតផង ទើបធ្វើឱ្យជនសង្ស័យទាំងពីរខាង…

អានបន្ត “តុលាការសម្រេចដោះលែងមន្ត្រីអាជ្ញាធរអប្សរា ដែលប្រើហឹង្សាលើអ្នកចាប់សត្វអណ្តើកក្នុងកសិន្ធុអង្គរ” »

ហួសចិត្ត បុរសម្នាក់ ខឹងបបួលសង្សារចូលងូតទឹកក្នុងបន្ទប់ទឹកជាមួយ នាងមិនព្រម ជិះម៉ូតូឡើងលើស្ពានជ្រោយចង្វារ លោតទឹកសម្លាប់ខ្លួនបានសម្រេច បុរសម្នាក់ព្រោះតែខឹងបបួលនារីជាសង្សារចូលទៅងូតទឹកក្នុងបន្ទប់ជាមួយ តែនារីជាសង្សារ ប្រកែកមិនព្រមចូល បែរជាបោក កន្ត្រកដាក់សាប៊ូចោល រួចជិះម៉ូតូម៉ាកហុងដាឌ្រីមសង់ ឡើងស្ពាន ជ្រោយចង្វារ លោតទឹកសម្លាប់ខ្លួនបានសម្រេច។ ហេតុការណ៍ខាងលើនេះដែរ បង្កឲ្យមានការភ្ញាក់ផ្អើលកាលពីវេលាម៉ោង ៨និង៣០នាទីយប់ ថ្ងៃទី១២ខែមករា ឆ្នាំ២០២៤ នៅចំណុចលើស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។ ជនរងគ្រោះ មានឈ្មោះ ប៉ែត ចាន់ ភេទប្រុស អាយុ២១ឆ្នាំ ជាបុគ្គលិក ក្រុមហ៊ុនវីរះប៊ុនថាំ ហើយបច្ចុប្បន្ន ស្នាក់នៅក្នុងក្រុមហ៊ុន ក្នុងសង្កាត់ជ្រោយចង្វារតែម្តង និងមានស្រុកកំណើតរស់នៅខេត្តកំពង់ធំ។ បើយោងតាមការបញ្ជាក់ពីនារីម្នាក់ ត្រូវជាសង្សារបុរសរងគ្រោះបានប្រាប់ឲ្យដឹងថា មុនកើតហេតុ ដោយជនរងគ្រោះ បានបបួលរូបនាងចូលទៅងូតទឹកជាមួយនៅក្នុងបន្ទប់ទឹក តែរូបនាងប្រកែក មិនព្រមចូល ស្រាប់តែពេលនោះដែរ ធ្វើឲ្យបុរសរងគ្រោះមានចិត្តខឹងយ៉ាងខ្លាំង ក៏ទាញកន្ត្រកដាក់ សាប៊ូបោកចោល រួចក៏ស្លៀកពាក់ទាញម៉ូតូមួយគ្រឿងម៉ាកហុងដាឌ្រីមសង់សេ១២៥ ស៊េរីឆ្នាំ២០២៤ ពណ៌ខ្មៅ ពាក់ផ្លាកលេខកណ្តាល១អេអេស ៨៦ ៨៩ ជិះចេញពីកន្លែងស្នាក់នៅក្នុងក្រុមហ៊ុនវីរៈប៊ុនថាំ រួច​តម្រង់ឡើងលើស្ពានជ្រោយចង្វារ…

អានបន្ត “ខឹងបបួលសង្សារចូលបន្ទប់ទឹកជាមួយ នាងមិនព្រម ឡើងស្ពានជ្រោយចង្វារ.លោ.ត.ទឹ.ក” »

សៀមរាប៖ ខាងក្រោមនេះជាចម្លើយ ដែល ប្អូនប្រុស ណុល សំណាង និងបងស្រីបានផ្តល់បទសម្ភាសន៍ឲ្យ ទីភ្នាក់ងារ សារព័ត៌មាន លឹម សំបូរ ញូស៍ & អង្គភាពសារព័ត៌មានមហាខ្មែរ មានដូចខាងក្រោម៖ កាលពីវេលាម៉ោង ៥:៣៧នាទីល្ងាច ថ្ងៃទី១១ ខែមករា ឆ្នាំ២០២៤ ប្អូនប្រុស ណុល សំណាង ត្រូវបានអាជ្ញាធរអប្សរាវាយតប់មកលើខ្លួន រួចហើយ មន្ត្រីអាជ្ញាធរអប្សរាបានដឹករូបប្អូនទៅស្នាក់ការ តំបន់ការពារទេសភាពអង្គរ ដែលប្អូនបានបញ្ជាក់ថាកន្លែងរបស់មន្ត្រីបរិស្ថាន និងបានទាមទាលុយពីខ្លូន។ ក្រោយមកបានប្អូនបានទំនាក់ទំនងទៅសាច់ញាតិដើម្បីឲ្យមកយកលុយមកលួសខ្លួន ។ ពេលនោះបងស្រីរបស់ប្អូន ណុល សំណាង បានធ្វើដំណើរមកពីស្រុកក្រឡាញ់ ខេត្តសៀមរាប ដើម្បីមកចូលដោះស្រាយលួសប្អូនប្រុសចេញទៅវិញ ហើយតម្លៃការលួសជាថ្នូរឲ្យប្អូនប្រុស ណុល សំណាង ចេញរួចខ្លួន គឺបានទារទៅលើប្អូនប្រុសចំនួន ២លានរៀល។ បងស្រីបានចរចាតម្លៃនៃការលួសប្អូនប្រុសឲ្យរួចខ្លួនបានយកប្លង់ដីដែលបានចែកនូវរុនតាឯកទៅបញ្ចាំយកលុយ១លានរៀល បន្ទាប់មកបងស្រីប្រើពេលរយៈ៤ម៉ោងក្នុងការចរចារនៅសល់លុយ១លានរៀល ទើបកន្លែងទីស្នាក់ការខាងលើ យល់ព្រមទទួលលុយ ១លានរៀល ។ រូបបងស្រីក៏បានបញ្ជាក់បន្ថែមទៀតថា ពេលដែលខ្លួនទៅចរចាលួសប្អូនប្រុសចេញពី ស្នាក់ការ តំបន់ការពារទេសភាពអង្គរ ប្អូនស្រីមិនបានដឹងថាអាជ្ញាធរអប្សរាវ៉ៃតប់ប្អូនរបស់ខ្លួននៅមុខអង្គរនោះទេ។ ទើបតែមកដល់ពេលវេលាម៉ោង…

អានបន្ត “រឿងមិនទាន់ចប់ទេ! ប្រជាពលរដ្ឋបានចោទប្រកាន់ មន្ត្រីបំរើការ ស្នាក់ការ តំបន់ការពារទេសភាពអង្គរទារលុយ ២លានរៀល ជាថ្នូរនឹងការដោះលេងក្មេង” »

សៀមរាប៖ ក្រោយបែកធ្លាយនូវឃ្លឹបវីដេអូ ក្រុមមន្ត្រីអាជ្ញាធរជាតិអប្សរា ប្រើប្រាស់អំពើហិង្សាលើកុមារម្នាក់ នៅមុខរមណីដ្ឋានអង្គសៀមរាប បង្ហោះចែករំលែកលើបណ្តាញសង្គមធ្វើឱ្យមហាជនធ្វើការរិះគន់យ៉ាងខ្លាំងចំពោះទង្វើដ៏អនុស្សធម៌នេះ និងគុណធម៌ ស្រាប់តែនៅថ្ងៃទី១២ ខែមករា ឆ្នាំ២០២៤ អាជ្ញាធរជាតិអប្សរាចេញសេចក្តីប្រកាសព័ត៌មានទទួលកំហុស និងព្រមទាំងដាក់វិន័យរដ្ឋបាល ណែនាំ និងធ្វើកិច្ចសន្យា បានណែនាំឱ្យបុគ្គលិករូបនេះ ទៅសុំទោសឪពុក ម្តាយ និងកុមាររូបនេះដោយផ្ទាល់ ដើម្បីបញ្ចាប់រឿង។ ពាក់ព័ន្ធករណីប្រើអំពើហិង្សា លើកុមារបែបនេះ ត្រូវបានមហាជនអ្នកលេងបណ្តាញសង្គមចាត់ទុកថាជាបទល្មើសព្រហ្មទណ្ឌធ្ងន់ធ្ងរបំផុតលើកុមារ ដែលមិនគួរលើកលែងដាច់ខាត ត្រូវអនុវត្តទោសតាមផ្លូវច្បាប់កំណត់មិនគួរលើកលេងឡើយ ដើម្បីធ្វើជាគំរូសម្រាប់ដល់អ្នកដទៃទៀត។ តាមសេចក្តីប្រកាសព័ត៌មាន របស់អាជ្ញាធរជាតិអប្សរា បានឱ្យដឹងថា៖ នៅរសៀល ថ្ងៃទី១១ ខែមករា ឆ្នាំ២០២៤ គណនីមួយនៃបណ្តាញទំនាក់ទំនងសង្គម Facebook បានផ្សព្វផ្សាយនូវវីដេអូ ដែលក្នុងនោះបានបង្ហាញអំពីការប្រើប្រាស់ហិង្សារបស់បុគ្គលិកសណ្ដាប់ធ្នាប់ នៃអាជ្ញាធរជាតិអប្សរា ទៅលើកុមារដើរលក់កូនសត្វអណ្ដើកចល័ត នៅបរិវេណកសិន្ទអង្គរវត្ត។ ពាក់ព័ន្ធនឹងករណីនេះ អាជ្ញាធរជាតិអប្សរា សូមបញ្ជាក់ជូនសាធារណជនទាំងអស់ មេត្តាជ្រាបដូចខាងក្រោម៖ ១- ក្រោយពីបានទទួលព័ត៌មាននេះ ថ្នាក់ដឹកនាំពាក់ព័ន្ធ នៃអាជ្ញាធរជាតិអប្សរា បានរៀបចំកិច្ចប្រជុំមួយជាបន្ទាន់ ដោយបានហៅបុគ្គលិកនោះ មកសួរនាំអំពីមូលហេតុពិតប្រាកដ នៃការឈានទៅដល់ការប្រើប្រាស់នូវសកម្មភាពមិនសមរម្យខាងលើ។ តាមរយៈនេះ អាជ្ញាធរជាតិអប្សរា បានសម្រេចដាក់ពិន័យរដ្ឋបាល និងតម្រូវឱ្យចុះហត្ថលេខាលើកិច្ចសន្យាទទួលស្គាល់កំហុស…

អានបន្ត “ករណីក្រុមមន្ត្រីអាជ្ញាធរជាតិអប្សរាប្រើប្រាស់ហិង្សាលើកុមារមហាជនស្នើសុំឱ្យអនុវត្តច្បាប់ចំពោះអ្នកប្រព្រឹត្ត ព្រោះជាករណីព្រហ្មទណ្ឌ ខណៈអាជ្ញាធរអប្សរាសេចក្តីប្រកាសព័ត៌មានទទួលស្គាល់កំហុស” »

(សៀមរាប)៖ ករណីប្រើប្រាស់អំពើហិង្សាលើក្មេងប្រុសម្នាក់ ដែលដើរចាប់អណ្ដើកលក់ឲ្យភ្ញៀវលែងចូលទឹក ដែលបង្កដោយបុគ្គលិកសណ្ដាប់ធ្នាប់របស់អាជ្ញាធរអប្សរានោះ នៅពេលនេះជនដៃដល់២នាក់ ត្រូវបាននគរបាលខេត្តសៀមរាបចាប់ខ្លួន។ របាយការណ៍ដែលបណ្ដាញព័ត៌មាន Maha Khmer News ទទួលបាននៅព្រឹកថ្ងៃទី១៣ ខែមករា ឆ្នាំ២០២៤នេះ បញ្ជាក់ថា ការចាប់ខ្លួននេះធ្វើឡើងនៅថ្ងៃទី១២ ខែមករាម្សិលមិញ ក្នុងចំណោមជនសង្ស័យ៥នាក់ ហើយរកឃើញពីរនាក់ជាជនដៃដល់។ ជនដៃដល់ទាំងពីរនាក់នេះ ឈ្មោះ សុខ សឿន អាយុ២៣ឆ្នាំ ទីកន្លែងកំណើត និងបច្ចប្បន្ននៅភូមិរហាល សង្កាត់នគរធំ ក្រុងសៀមរាប ខេត្តសៀមរាប និងឈ្មោះ ហៃ រដ្ឋា អាយុ៣១ឆ្នាំ ទីកន្លែងកំណើតភូមិសាលាកន្សែង ឃុំស្វាយដង្គំ ស្រុក-ខេត្តសៀមរាប និងបច្ចុប្បន្នភូមិរុនតាឯកថ្មី ឃុំរុនតាឯក ស្រុកបន្ទាយស្រី ខេត្តសៀមរាប។ យោងតាមចម្លើយសារភាពបានឲ្យដឹងថា នៅថ្ងៃទី១១ ខែមករា ឆ្នាំ២០២៤ វេលាម៉ោងប្រហែល១៤៖០០នាទី ជនរងគ្រោះឈ្មោះ ណុល សំណាង ដើរចាប់កូនសត្វអណ្តើកបានចំនួន៧ក្បាលពីក្នុងទឹកទក្សិណអង្គរវត្ត ហើយដើរលក់ឲ្យភ្ញៀវសម្រាប់លែងចូលទៅក្នុងទឹកវិញ នៅមុខរៀនហាលអង្គរវត្ត ជាមួយគ្នា២នាក់ទៀតឈ្មោះ ទី នើត អាយុ១៥ឆ្នាំ និងឈ្មោះ…

អានបន្ត “រឿងរ៉ាវលម្អិត!​ បុគ្គលិកអាជ្ញាធរអប្សរា២នាក់ ត្រូវបានចាប់ខ្លួនក្រោយប្រើហិង្សាលើក្មេងប្រុសម្នាក់ នៅស្ពានហាលអង្គរវត្ត” »

ខេត្តសៀមរាប៖ ល្បែងឆ្នោតវៀតណាម និង ល្បែងភ្នាល់បាល់ខុសច្បាប់ របស់ មេធំដែលមានរហ័សនាម «ខ្លា» កំពុងមានភាពរីកចំរើនស្ទើតែពេញខេត្តសៀមរាប ខណះលោកអធិការក្រុង ឆ្លើយហាក់មិនដឹងរឿង ដូចទើបភ្ញាក់ពីគេង ហើយប្រាប់ថា ចាំបញ្ជួនកម្លាំងឱ្យទៅពិនិត្យមើល ប៉ុន្តែមិនមានវិធានការណ៍អ្វីទាំងអស់ រហូតមកដល់ថ្ងៃទី ៦ ខែមករា ឆ្នាំ ២០២៤នេះ។ ប្រភពពីសមត្ថកិច្ចបានឱ្យដឹងថា មេធំដែលមានរហ័សនាម «ខ្លា» ជាមនុស្សដ៍មានប្រជាប្រិយភាព និងឥទ្ធិពល ជាខ្លាំង នៅខេត្តសៀមរាប ក្នុងវិស័យល្បែងភ្នាល់ ជាច្រើនដូចជា ភ្នាល់បាល់ ឆ្នោតយួន-សៀម និង កាងមាន់អនឡាញ ជាដើម ហើយក៍គ្មានសមត្ថកិច្ចណា ហ៊ានចាប់នោះឡើយ ព្រោះចង្វាចិញ្ជឹមឆ្ដោ។ ប្រភពដដែលបានបន្តថា បច្ចុប្បន្ននេះ មេធំដែលមានរហ័សនាម «ខ្លា» ក៍បានចូលខ្លួនបំរើក្នុងសកម្មភាពមនុស្សធម៌មួយក្នុងខេត្តសៀមរាបផងដែរ ដើម្បីជាការបិទបាំងនូវ ជំនួញខុសច្បាប់របស់គាត់ នៅគ្រប់សង្កាត់ ក្រុង ស្រុក ទូទាំងខេត្ត។ ប្រភពដដែលបានបញ្ជាក់ថា ការពង្រីកខ្លួន នៅខេត្តសៀមរាប គោលដៅដើម្បីប្រមូលលុយពីប្រជាពលរដ្ឋ ដោយបានរត់ការជាមួយសមត្ថកិច្ចពាក់ព័ន្ធអស់ហើយ។ សូមបញ្ជាក់ជូនផងដែរតើ ក្រោយទទួលបានព័ត៌មាន ពីប្រភពដែលគួរឲ្យទុកចិត្តភ្លាម…

អានបន្ត “ល្បែងឆ្នោតវៀតណាម និង ល្បែងភ្នាល់បាល់ខុសច្បាប់ របស់ មេធំដែលមានរហ័សនាម «ខ្លា» កំពុងមានភាពរីកចំរើន ខណះសមត្ថកិច្ច ឆ្លើយហាក់មិនដឹងរឿង” »

សៀមរាប៖ក្រុមមន្ត្រីបាននាំគ្នាប្ដឹងលោកវរសេនីយ៍ទោ ទី សុខឡែន ប្រធានអង្គភាពនគរបាល ទេសចរណ៍ប្រចាំខេត្តសៀមរាប ទៅឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ដោយសុំផ្លាស់ប្តូរលោកវរសេនីយ៍ទោ ទី សុខឡែន ចេញពីប្រធានអង្គភាពនគរបាល ទេសចរណ៍ប្រចាំខេត្តសៀមរាប។ នេះបើតាមបណ្ដឹងដែលមានស្មាមមេដៃរបស់មន្ត្រីនគរបាល ដែលអង្គភាពយើងខ្ញុំទើបទទូលបាន។ ជុំវិញករណីនេះ អង្គភាពយើងខ្ញុំ នៅមិនទាន់ទទួលបានការបកស្រាយបំភ្លឺពីលលោកវរសេនីយ៍ទោ ទី សុខឡែន ប្រធានអង្គភាពនគរបាល ទេសចរណ៍ប្រចាំខេត្តសៀមរាប បាននៅឡើយទេរហូតមកដល់ម៉ោងផ្សាយនេះដោយមិនមានលេខទូរស័ព្ទ៕ សូមអានពាក្យបណ្ដឹងខាងក្រោម៖

សៀមរាប៖ យើងតែងតែឃើញអតិថិជន របស់ក្រុមហ៊ុន Metfone និងមហាជនផុសលើបណ្តាញសង្គម ហ្វេសបុក និង TiKToK រិះគន់រឿងសេវាអ៊ិនធើណើត ព្រមទំាងសេវាកម្មបំរើអតិថិជនរបស់ ក្រុមហ៊ុន Metfone ដែលមើលទៅហាក់គ្មានប្រសិទ្ធភាពសោះឡើយ។ ប៉ុន្តែកន្លងមកអង្គភាពសារព័ត៌មានយើងខ្ញុំមិនដែលជឿសោះឡើយ។ ស្រាប់ថ្ងៃនេះយើងខ្ញុំបានជួបផ្ទាល់ទើបដឹងច្បាស់ថា ក្រុមហ៊ុន Metfone គឺជាក្រុមហ៊ុនបំរើសេវាកម្មអន់បំផុតមួយនៅក្នុងព្រះរាជាណាចក្រកម្ពុជា។ ហេតុអ្វីយើងហ៊ានថាដូច្នេះ? នោះក៏ដោយសារយើងបានជួបរឿងពិតតែម្តងក្នុងថ្ងៃ ដែលប៉ះចំលើ លោកអគ្គនាយក ទីភ្នាក់ងារសារព័ត៌មាន លឹម សំបូរ ញូស៍ & អង្គភាពសារមានមហាខ្មែរ។ ក្រុមហ៊ុន Metfone បានកាត់ផ្តាច់សេវាអ៊ិនធើណើត របស់លោកអគ្គនាយក ទំាងលោកអគ្គនាយមិនបានមានកំហុសអ្វីទាល់សោះ ហើយសេវាបង់ប្រចំាខែ ក៏មិនទាន់ដល់ថ្ងៃបង់នោះដែរ ពោលគឺត្រូវបង់ នៅថ្ងៃទី២៦ ខែមករា ឆ្នំា ២០២៤ ឯណោះ។ ស្រាប់តែក្រុមហ៊ុន Metfone បានកាត់ផ្តាច់សេវាអ៊ីនធើណើត តំាងពីថ្ងៃទី២៣ ខែឆ្នូ ឆ្នំា ២០២៣ ។ នៅថ្ងៃទី ២៤ វេលាម៉ោង​៧ព្រឹក លោកអគ្គនាយកបានខលទៅសួរនំា ពេលខលទៅសួរនំាហេតុផល ផ្នែកបំរើសេវាកម្មឆ្លើយថា…

អានបន្ត “ក្រុមហ៊ុន Metfone គឺជាក្រុមហ៊ុន បំពានគោលការណ៍ និងសិទ្ធអតិថិជនយ៉ាងធ្ងន់ធ្ងរ” »

សៀមរាបៈ យោងតាមកដីកាកោះមួយរបស់អយ្យការអមសាលដំបូងខេត្តបន្ទាយមានជ័យ ដែលមានតំណាងអយ្យការ ចុះហត្ថលេខា គឺ ព្រះរាជអាជ្ញារងនៃអយ្យការអមសាលាដំបូងខេត្តបន្ទាយមានជ័យ លោក សេង ផានិត។ ក្នុងដីកាកោះដែលអង្គភាពសារព័ត៌មានយើងខ្ញុំទទួលបានគឺ ឃើញថាចុះថ្ងៃ ខែ ឆ្នំា ពីច្រាសមកវិញ ពោលគឺ កោះហៅជនសង្ស័យឱ្យចូលខ្លួននៅថ្ងៃទី ២៣ ខែមករា ឆ្នំា២០២៣ វេលាម៉ោង០៩ និង៣០នាទីព្រឹក តែតំណាងអយ្យការ ដែលមានការចុះហត្ថលេខា ដោយព្រះរាជអាជ្ញារងនៃអយ្យការអមសាលាដំបូងខេត្តបន្ទាយមានជ័យ លោក សេង ផានិត ចុះថ្ងៃទី ០៦ ខែឆ្នូ ឆ្នំា២០២៣ ពីច្រាសមកវិញ។ មានន័យថា ជនសង្ស័យ បានចូលខ្លួនបំភ្លឺរួចជិត១ឆ្នំាហើយ ទើបមានដីកាកោះហៅជាក្រោយ។ ការសរសេរខុសបែបនេះ អាចនំាឱ្យមានការអនុវត្តច្បាប់ខុស ហើយអាចបណ្តាលឲ្យជនសង្ស័យដេកភ័យមិនតិចនោះដែរទេ។ ការចុះថ្ងៃ ខែ ឆ្នំា មិនច្បាស់លាស់បែបនេះ ធ្វើឲ្យការអនុវត្តច្បាប់ក៏មិនច្បាស់លាស់ផងដែរ។ យ៉ាងណាមិញមហាជនរងចំាមើលតើអយ្យការអមសាលាដំបូងខេត្តបន្ទាយមានជ័យ និងចេញសេចក្តីបំភ្លឺព័ត៌មានដែរឬអត់?

ផេកជាច្រើនរបស់ លឹម សំបូរ ញូស៍ ឯ.ក & អង្គភាពសារព័ត៌មានមហាខ្មែរ ត្រូវបានហែក សូមអានលំអិតដូចខាងក្រោម៖

សៀមរាប៖ ប្រជាពលរដ្ឋម្នាក់ក្នុងខេត្តសៀមរាបបានចោទប្រកាន់ លោក ឧត្តមសេនីយ៍ទោ វ៉ាន់ សារិទ្ធ ដែលមានតួរនាទីជាអនុប្រធាននាយកដ្នាន បំរើការនៅ អគ្គនាយដ្ឋានភស្តុភា និងហិរញ្ញវត្ថុ នាយកដ្ឋានសុខាភិបាល ក្រសួងមហាផ្ទៃ បានឆបោកប្រាក់ចំនួន១៨,០០០(មួយម៉ឺនប្រំាពាន់)ដុល្លា តំាងពីឆ្នំាពី២០១៩មក។ ដោយសន្យាធានារកក្របខ័ណ្ឌនគរបាលឲ្យកូនរបស់ខ្លូន ប៉ុន្តែក្រោយទទួលបានប្រាក់ហើយ លោក ឧត្តមសេនីយ៍ទោ វ៉ាន់ សារិទ្ធ រូបនេះ ពុំបានធ្វើតាមសន្យានោះឡើយគិតចាប់ពីតំាងពីឆ្នំាង២០១៩មក ដោយបានត្រឹមសន្យាខ្យល់ និងកុហក់ភូតភរប្រជាពលរដ្ឋស្លូតត្រង់តែប៉ុណ្ណោះ។ ទោះបីប្រជាពលរដ្ឋព្យាយាមអង្វរកយ៉ាងណាក៏ដោយ ក៏បានត្រឹមតែ លោក ឧត្តមសេនីយ៍ទោ វ៉ាន់ សារិទ្ធ បន្តភូតកុហក់ប្រជាពលរដ្ឋម្តងជាពីរដរហូតមកដល់បច្ចុប្បន្ននេះ ក៏នៅតែមិនទទួលបានអ្វីពីលោក ឧត្តមសេនីយ៍ទោ វ៉ាន់ សារិទ្ធ នោះដែរ។ មិនត្រឹមតែប៉ុណ្ណោះនោះទេ ឧត្តមសេនីយ៍ទោ វ៉ាន់ សារិទ្ធ រូបនេះបានឲ្យបក្សពួកមកភួតកុហកប្រជាពលរដ្ឋម្តងជាពីរដងរហូតមកដល់ពេល។ ហើយអ្នកដែលចូលរួមភូតកុហក់នោះ ដែលជាបក្សពួក មាន២នាក់ ទី១ គឺលោកវរសេនីយ៍ឯក អតីតនាយការិយាល័យមួយដែលបានធ្លាប់បំរើការងារនៅស្នងការដ្នាននគរបាលខេត្តសៀមរាប និងម្នាក់ទៀត គឺនាយទាហានរស់នៅមណ្ឌល៣ (តំបន់សួនសត្វ) ហើយនាយទាហានរូបនេះក៏មានរឿងច្រើនណាស់ដែរ។ ថ្លែងប្រាប់ទីភ្នាក់សារព័ត៌មាន លឹម សំបូរ ញូស៍…

អានបន្ត “តើឧត្តមសេនីយ៍ទោ វ៉ាន់ សារិទ្ធ អនុប្រធាននាយកដ្នាន បំរើការនៅ អគ្គនាយដ្ឋានភស្តុភា និងហិរញ្ញវត្ថុ នាយកដ្ឋានសុខាភិបាល ក្រសួងមហាផ្ទៃ អាងខ្នងអ្នកណាបានហ៊ានរកស៊ីបោកប្រាស់ប្រជាពលរដ្ឋ?” »

ខេត្តសៀមរាបះ សំណង់រឹងមាំ ដ៏រាំរ៉ៃ របស់ លោកស្រី ឡុង សុគន្ធា អាយុ ជាង ៣០ឆ្នាំ ម្នាក់ រស់នៅភូមិចំបក់ហែរ ឃុំពួក ស្រុកពួក ខេត្តសៀមរាប ធ្វើ ផ្ទះ សំណង់រឹងមាំ របៀប ភូមិគ្រឹះ កណ្តាលភូមិ គ្មានច្បាប់ អាង ខ្នង ធំ និង សូក ប៉ាន់ មន្ត្រី សូរិយាដីស្រុកពួក ប៉ុន្តែគ្មានអាជ្ញាធរ ពាក់ព័ន្ធ ណា ហ៊ាន ប៉ះពាល់ លើ ភូមិឋាននេះសោះ រហូតរករឿង បញ្ឈប់មេ ជាង សំណង់ និង កម្មករ ដែល កំពុងនាំគ្នាសាងសង់ ទាំង កណ្តាលថ្ងៃត្រង់ និង ហាលភ្លៀង ថែម ទាំងគេចវេស មិនចូលខ្លួន ដោះស្រាយ ភូតកុហក មន្ត្រីសាលាស្រុក…

អានបន្ត “សំណង់រឹងមាំ ដ៏រាំរ៉ៃ របស់លោក ស្រី ឡុង សុគន្ធា ធ្វើ ផ្ទះ គ្មានច្បាប់ អាង ខ្នង និង សូក ប៉ាន់មន្ត្រី សូរិយាដី ស្រុកពួក គ្មានអាជ្ញាធរហ៊ានប៉ះពាល់????????????????????” »