- Advertisement -

ចោរលួចកាប់ឈើគ្រញូងអាជ្ញារធរជាតិអប្សរា មិនដែលចាប់បាន តែបើពលរដ្ឋធ្វើទ្រុងមាន់រកឃើញភ្លាម!

70

ខេត្តសៀមរាប៖ ដើមគ្រញូងដ៏ធំមួយដើមមានមុខកាត់០.៤០ម៉ែត្រ ប្រវែងជិត ៥ ម៉ែត្រនៅភូមិមណ្ឌុ ៣ក្នុង សង្កាត់ស្លក្រាម ក្រុងសៀមរាប ខេត្តសៀមរាប ជាប់ផ្លូវក្រវ៉ាត់ឧទ្យានអង្គរ ត្រូវបានជនមិនស្គាល់អត្តសញ្ញាណលួចកាប់អារយកទៅបាត់ដោយសុវត្តិភាពបន្សល់ទុកនៅតែចុងហើយនិងគល់។

នេះបើតាមប្រភពរាយការណ៍ពីពលរដ្ឋនៅយប់ថ្ងៃអាទិត្យព្រឹកថ្ងៃចន្ទទី២១ខែសីហា២០២៣ បានឱ្យដឹងថាក្រញូង១ដើមមានជនខិលខូចមិនស្គាល់អត្តសញ្ញាណបានលួចអារកាត់ដឹកនាំយកទៅបាត់ស្រមោល។ ហើយ ដើមឈើគ្រញូងទាំងនោះ គ្រប់គ្រងដោយ អាជ្ញាធរជាតិអប្សរា។

ជុំវិញករណីការលួចអារកាត់ដើមគ្រញូងនេះ គេនៅពុំទាន់ឃើញស្ថាប័នអាជ្ញាធរជាតិអប្សរាចេញសេចក្ដីបំភ្លឺនៅឡើយទេ។

ហើយក៏សូមបញ្ជាក់ផងដែរថា ជនខិលខូចដែលតែងតែលួចកាប់ដើមក្រញូងនៅក្នុងព្រៃឧទ្យានការពារអង្គរនេះ ពុំមានជាលើកទី១នោះទេគឺរាប់ភ្លេចដងហើយដែលគេលួចកាប់។

ក៏ប៉ុន្តែមិនដែលឃើញសមត្ថកិច្ចឬអាជ្ញាធរណា.? ជាពិសេសគឺអាជ្ញាធរអប្សរាតែម្តង វែកមុខបង្ក្រាបចាប់ខ្លួនជនដែលប្រព្រឹត្តមកផ្ដន្ទាទោសបានម្ដងណានោះឡើយ។

តាមប្រភពពលរដ្ឋលើកឡើងថា បើពលរដ្ឋស្លូតត្រង់វិញ កុំថាឡើយដល់តែលួចកាប់ដើមឈើរស សូម្បីតែចូលរកអុសងាប់ក៏មិនបានដែរ ហើយបើធ្វើខ្ទមឬរោងបន្តិចបន្តួចនៅកៀនកោះចន្លោះណាក៏អាជ្ញាធរអប្សរាដឹងឮចុះមករូសរើខ្ទិចខ្ទីអស់ដែរ។

ចុះហេតុអ្វីដើមឈើក្រញូងជាច្រើនដើមដែលត្រូវគេលួចកាប់អារជាបន្តបន្ទាប់កន្លងមកក៏ដូចជាបច្ចុប្បន្នពុំដែលឃើញអាជ្ញាធរអប្សរាចាប់ឃាត់នាំខ្លួនជនទាំងនោះមកដាក់ទោសទាន់តាមច្បាប់ចឹង.ហេតុអ្វីទៅ.ឬ.?

មហាជនសូមស្នើរដល់អាជ្ញាធរនិងមន្ត្រីជំនាញពាក់ព័ន្ធនិងអាជ្ញាធរអប្សរាជួយទប់ស្កាត់ផងទាន បើទុកនៅបណ្ដែតបណ្ដោយតែយ៉ាងនេះបន្តទៀតព្រៃឈើក្នុងតំបន់ឧទ្យានអនុរក្សការពារប្រាសាទអង្គរច្បាស់ជាវិនាសហិនហោចអស់ជាពុំខាន៕

IFRAME SYNC

- Advertisement -