Category: អន្តរជាតិ

រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា

April 4, 2025 Mah Khmer

ប្រព័ន្ធផ្សព្វផ្សាយរបស់មីយ៉ាន់ម៉ា ថ្មីៗនេះបានរាយការណ៍ថា ក្រុមអ្នកជួយសង្គ្រោះបានរកឃើញសាកសពអតីតជ័យលាភីបវកញ្ញាទេសចរណ៍ឆ្នាំ២០១៨ នៅក្រោមគំនរបាក់បែកនៃអគារខុនដូ Sky Villa នៅទីក្រុង Mandalay ប្រទេសមីយ៉ាន់ម៉ា បន្ទាប់ពីរងគ្រោះរញ្ជួយដីដ៏ធ្ងន់ធ្ងរកាលពី១សប្ដាហ៍មុន។ នេះបើយោងតាមការចេញផ្សាយរបស់សារព័ត៌មានVN Express នៅថ្ងៃទី០៤ខែមេសានេះ។ ពេលរកឃើញសាកសពនាងបានពាក់អាវពណ៌ស និងខោជើងវែងនិងនៅតែកាន់កាបូបលុយក្នុងដៃ។ តាមរយៈដំណើរការកំណត់អត្តសញ្ញាណសាកសព នាងគឺជា Sili Mee ដែលបានឈ្នះការប្រកួតបវរកញ្ញាទេសចរណ៍មីយ៉ាន់ម៉ាឆ្នាំ ២០១៨ ដែលជាបវកញ្ញាតំណាងប្រទេសមីយ៉ាន់ម៉ាក្នុងកម្មវិធីប្រកួត Miss Tourism World 2018 និង Miss Tourism World Intercontinental 2019 នៅប្រទេសចិន។ Blessed Entertainment អ្នករៀបចំកម្មវិធី Miss Tourism Myanmar បានបញ្ជាក់ព័ត៌មាននៃការស្លាប់នេះ និងចូលរួមរំលែកទុក្ខដល់គ្រួសារបវកញ្ញារូបនេះផងដែរ ខណៈសព Miss Tourism Myanmar 2018 នឹងត្រូវយកទៅទីក្រុង Yangon ហើយធ្វើបុណ្យតាមពិធីសាសនា។ យោងតាមកាសែត The New York Times អគារ…

អានបន្ត “រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា” »

អន្តរជាតិ

ចំនួនជនរងគ្រោះបាត់បង់ជីវិតបានឡើងជាង២៧០០នាក់ និងរបួសជាង ៤៥០០នាក់ ព្រមទាំងបាត់ខ្លួនជាង៤៤១នាក់នៅភូមា

April 2, 2025 Mah Khmer

ប្រំាថ្ងៃក្រោយគ្រោះរញ្ជួយដ៏មរណៈដ៏កំណាចបំផុតមិនធ្លាប់មាន ពលរដ្ឋភូមាបន្តស្នាក់នៅតាមទីវាល តាមផ្លូវថ្នល់ ឬចំការ ក្នុងភាពតក់ស្លុត ដោយខ្លាចជួបការបំផ្លិចបំផ្លាញថ្មីទៀត ព្រោះដីនៅតែបន្តរញ្ជួយឥតឈប់។ ចំនួនជនរងគ្រោះបាត់បង់ជីវិតបានឡើងជាង២៧០០នាក់ និងរបួសជាង ៤៥០០នាក់ ព្រមទាំងបាត់ខ្លួនជាង៤៤១នាក់។ នេះបើតាមតុល្យការផ្តល់ដោយអាជ្ញាធរភូមា នៅព្រឹកថ្ងៃអង្គារទី ១មេសា។ ឯអ្នកជំនាញ យល់ថាចំនួនអ្នកស្លាប់អាចមានជាច្រើនពាន់នាក់បន្ថែមទៀត។ ប្រតិបត្តិការសង្គ្រោះប៉ុន្មានថ្ងៃមកនេះ បានស្រោចស្រង់ជីវិតមនុស្សបានប្រមាណ៦៥០នាក់។ ក្នុងក្របខ័ណ្ឌជ្រោមជ្រែងអន្តរជាតិ ក្រុមសង្គ្រោះបរទេសជាង១០០០នាក់ បានទៅដល់ភូមាដើម្បីជួយក្រុមការងារតាមមូលដ្ឋានដែលគ្មានមធ្យោបាយធំ។ ប៉ុន្តែ ជាមួយសីតុណ្ហភាពឡើងក្តៅខ្លាំងដល់៤០អង្សាតាំងពីថ្ងៃចន្ទម្សិលមិញមកក្តីសង្ឃឹមរកឃើញជនរងគ្រោះនៅមានជីវិតកាន់តែស្តួចស្តើងឡើងៗ។ អង្គការសុខភាពពិភពលោក បានប្រកាសចាត់ទុករញ្ជួយដីនៅភូមានេះ ជាភាពបន្ទាន់ខ្ពស់បំផុត។ ចំណែកអង្គការកាកបាទក្រហមអន្តរជាតិបានប្រកាសអំពាវនាវថា ប្រជាពលរដ្ឋនៅក្រុងម៉ង់ដាឡៃ ដែលហិនហោចខ្លាំងជាងគេ ត្រូវជាចាំបាច់នូវ ជម្រក ស្បៀងអាហារនិងទឹក ជាបន្ទាន់ តែសង្គ្រាមស៊ីវិលដឹកនាំដោយរបបសឹកតាំងពីឆ្នាំ២០២១មក ទំនងជាឧបសគ្គរារាំងមិនឱ្យជំនួយបានទៅដល់ជនដែលត្រូវការខ្លាំង។ នេះជាពាក្យព្រមានរបស់កាកបាទក្រហមដដែល។ នៅប្រទេសថៃ ដែលរងគ្រោះមរណៈដោយរញ្ជួយដីកាលពីថ្ងៃសុក្រទី២៨មីនាដែរ ទាហានសង្គ្រោះកំពុងបន្តស្វែងរកជនរួចពីស្លាប់ក្នុងគំនរអគាររលំ។ មានស្លាប់យ៉ាងហោចណាស់២០នាក់ និងជាច្រើនសិបនាក់ទៀតកំពុងបាត់ខ្លួននៅឡើយ។ នេះបើតាមតុល្យការផ្តល់ដោយអាជ្ញាធរបាងកក នៅថ្ងៃអង្គារទី១មេសានេះ៕ដោយ៖ លឹម សំបូរ

អន្តរជាតិ

ទីបំផុត តុលាការកូរ៉េខាងត្បូង ចេញដីកាចាប់ខ្លួនប្រធានាធិបតីព្យួរតំណែង យូន ស៊ុកយោល

January 2, 2025January 2, 2025 Mah Khmer

តុលាការកូរ៉េខាងត្បូង បានសម្រេចចេញដីកាបង្ខំឲ្យនាំខ្លួន ប្រធានាធិបតី យូន ស៊ុកយោល ឲ្យចូលបំភ្លឺចំពោះមុខច្បាប់ ក្នុងសំណុំរឿងប្រកាសច្បាប់អាជ្ញាសឹក កាលពីដើមខែធ្នូ ឆ្នាំ២០២៤។ ការចេញដីកាបង្ខំចាប់ខ្លួននេះ ក្រោយពីលោកបានបដិសេធមិនចូលខ្លួនបំភ្លឺ ចំនួន ៣ ដង។ មេធាវីការពារប្រធានាធិបតី លើកឡើងថា ដីកានោះ មិនត្រឹមត្រូវ និងខុសច្បាប់។ ចំណែក ការិយាល័យស៊ើបអង្កេតប្រឆាំងអំពើពុករលួយរបស់ឥស្សរជនជាន់ខ្ពស់ បញ្ជាក់ថា ដីកាបង្ខំឲ្យនាំខ្លួននេះ មានសុពលភាព រហូតដល់ថ្ងៃទី៦ ខែមករា ២០២៥។ ជាអតីតរដ្ឋអាជ្ញា ចេះសូត្រច្បាប់ហូរដូចទឹក ប្រធានាធិបតីក្នុងវ័យ៦៤ឆ្នាំ លោក យូន ស៊ុកយោល បានបដិសេធមិនចូលខ្លួនបំភ្លឺចំពោះមុខតុលាការ តាមដីកាកោះហៅ រហូតដល់ ៣ លើកទៅហើយ។ ពេលនេះ សាលាជម្រះក្តីកូរ៉េខាងត្បូង បានប្រើធម៌ក្តៅចេញដីកាបង្ខំឲ្យចូលខ្លួនតែម្តង។ ដីកានាំខ្លួនលោកប្រធានាធិបតីព្យួរតំណែងនិងដីកាឆែកឆេរ ត្រូវសម្រេចដាក់ចេញនៅព្រឹកថ្ងៃអង្គារ ទី៣១ធ្នូ។ នេះបើតាមអាជ្ញាធរស៊ើបអង្កេតកូរ៉េខាងត្បូង ដែលប្រកាសបញ្ជាក់នៅក្នុងសេចក្តីថ្លែងការណ៍ ដោយលម្អិតថា ដីកាចាប់ខ្លួននេះ ពុំទាន់បញ្ជាក់ពីកាលបរិច្ឆេទថាត្រូវអនុវត្តនៅថ្ងៃណាឲ្យច្បាស់ទេ តែវាមានសុពលភាព រហូតដល់ថ្ងៃទី ៦ មករា ឆ្នាំថ្មីឯណោះ។ បន្ទាប់ពីទទួលដំណឹងដីកាចាប់ខ្លួនកូនក្តី…

អានបន្ត “ទីបំផុត តុលាការកូរ៉េខាងត្បូង ចេញដីកាចាប់ខ្លួនប្រធានាធិបតីព្យួរតំណែង យូន ស៊ុកយោល” »

អន្តរជាតិ

ប្រជាជន ១លាននាក់ ក្នុងតំបន់ហ្កាហ្សា ភៀសខ្លួនចេញពីផ្ទះសម្បែង ខណៈអ៉ីស្រាអែលត្រៀមធ្វើសង្រ្គាមជើងគោក

October 17, 2023 Mah Khmer

(ហ្កាហ្សា)៖ ប្រជាជនក្នុងតំបន់ហ្កាហ្សា ជាង១លាននាក់បានរត់ភៀសខ្លួនចេញពីផ្ទះសម្បែងរបស់ពួកគេ នៅក្នុងស្ថានភាពច្របូកច្របល់ និងអស់សង្ឃឹម ខណៈ អ៉ីស្រាអែល បន្តការទម្លាក់គ្រាប់បែកលើតំបន់ហ្កាហ្សាគ្រប់គ្រងដោយក្រុមហាម៉ាស និងប្រមូលផ្ដុំកងទ័ពនៅតាមតំបន់ព្រំដែន នៅថ្ងៃចន្ទ ទី១៦ ខែតុលានេះ ជាការត្រៀមលក្ខណៈបើកសង្រ្គាមជើងគោក។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ អ៉ីស្រាអែល បានប្រកាសសង្រ្គាមលើក្រុមហាម៉ាស មួយថ្ងៃបន្ទាប់ពីក្រុមសកម្មប្រយុទ្ធប៉ាឡេស្ទីនមួយនេះបើកការវាយប្រហារដ៏ភ្ញាក់ផ្អើលមួយលើអ៉ីស្រាអែល ដោយសម្លាប់មនុស្សច្រើនជាង ១,៤០០នាក់ ភាគច្រើនជាជនស៊ីវិល។ ចំណែក អ៉ីស្រាអែលបានបើកការវាយប្រហារសងសឹកលើតំបន់ហ្កាហ្សា អស់រយៈពេល ជាងមួយសប្ដាហ៍មកហើយ ដោយសម្លាប់មនុស្សយ៉ាងហោច ២,៦៧០នាក់ ភាគច្រើនជាជនស៊ីវិល។ ប្រជាជនប៉ាឡេស្ទីន បានប្រមែប្រមូលឥវ៉ាន់គ្រប់យ៉ាងដែលពួកគេអាចយកតាមខ្លួនបាន ដោយដឹកតាមយានជំនិះមានម៉ូតូកង់បី រថយន្ដ និងសត្វលា។ ពលរដ្ឋក្នុង តំបន់ហ្កាហ្សាម្នាក់ឈ្មោះ ម៉ូណា អាប់ដែល ហាមីត (Mona Abdel Hamid) មានអាយុ ៥៥ឆ្នាំ ដែលបានរត់ភៀសខ្លួនចេញពីទីក្រុងហ្កាហ្សា ឆ្ពោះទៅកាន់ ទីក្រុងរ៉ាហ្វាស់ (Rafah) ស្ថិតនៅភាគខាងត្បូង បានប្រាប់ AFP ថា «គ្មានឡើយអគ្គិសនី ទឹក និងអ៉ីនធើណិត។ ខ្ញុំមានអារម្មណ៍ថា…

អានបន្ត “ប្រជាជន ១លាននាក់ ក្នុងតំបន់ហ្កាហ្សា ភៀសខ្លួនចេញពីផ្ទះសម្បែង ខណៈអ៉ីស្រាអែលត្រៀមធ្វើសង្រ្គាមជើងគោក” »

អន្តរជាតិ

អ្នក ស្លា.ប់ កើនឡើងលើស ១,១០០នាក់ ទាំងនៅក្នុងអ៊ីស្រាអែលនិងតំបន់ហ្កាហ្សា ខណៈអាមេរិក បញ្ជូនកងនាវាផ្ទុកយន្ដហោះចម្បាំង ទៅគាំទ្រអ៊ីស្រាអែល

October 9, 2023 Mah Khmer

ហ្ស៊េរុយសាឡិម៖ អ៊ីស្រាអែលបានបើកការវាយប្រហារលើតំបន់ហ្កាហ្សាប៉ាឡេស្ទីន កាលពីថ្ងៃអាទិត្យចុងសប្ដាហ៍កន្លងទៅនេះដោយបានសម្លាប់ មនុស្សរាប់រយនាក់ ជាការសងសឹកទៅនឹងការវាយប្រហារដ៏បង្ហូរឈាមមួយនៅក្នុងប្រវត្តិសាស្ត្ររបស់ខ្លួន ដែលក្រុមហាម៉ាស់ (Hamas) បានសម្លាប់ ជនជាតិអ៊ីស្រាអែលជាង ៧០០នាក់ និងចាប់មនុស្សជាច្រើននាក់ធ្វើជាចំណាប់ខ្មាំង។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី៩ ខែតុលា ឆ្នាំ២០២៣។ ក្រុម Hamas កាលពីថ្ងៃសៅរ៍សប្ដាហ៍មុន បានបាញ់ស្រោចមីស៊ីលរាប់ពាន់គ្រាប់ ហើយបញ្ជូនជនសកម្មប្រយុទ្ធរបស់ខ្លួន ឆ្លងព្រំដែនដើម្បីវាយប្រហារ អ៊ីស្រាអែលដោយផ្ទាល់ ហើយនេះគឺជាការវាយប្រហារទ្រង់ទ្រាយធំមិនធ្លាប់មាន គិតចាប់តាំងពីអេហ្ស៉ីប និងស៉ីរីបានបើកការវាយប្រហារលើអ៊ីស្រាអែលនៅក្នុងសង្រ្គាម Yom Kippur កាលពី៥០ឆ្នាំមុន។ ជាការសងសឹក អ៊ីស្រាអែលបានបើកការវាយប្រហារលើតាមផ្លូវអាកាសលើអគារ វិហារ និងផ្ទះរបស់ក្រុមមន្ត្រីហាម៉ាស់នៅក្នុងតំបន់ងហ្កាហ្សា ដោយបាន សម្លាប់មនុស្សច្រើនជាង ៤០០នាក់ ក្នុងនោះមានទាំងកុមារ ២០នាក់។ ចំណែក អាជ្ញាធរអ៊ីស្រាអែលវិញមិនទាន់បានបញ្ចេញតួលេខផ្លូវការ នៅឡើយទេ ប៉ុន្តែប្រព័ន្ធផ្សព្វផ្សាយក្នុងស្រុក បានរាយការណ៍មនុស្សយ៉ាងហោច ៧០០នាក់ ក្នុងនោះមានទាំងកុមារបានស្លាប់នៅក្នុងការវាយប្រហារ របស់ក្រុមហាម៉ាស់។ មួយវិញទៀត អ្នកនាំពាក្យក្រុមប្រឹក្សាសន្តិសុខជាតិសេតវិមាន ក៏បានទទួលស្គាល់ដែរថាមានពលរដ្ឋអាមេរិកជាច្រើននាក់ត្រូវបានសម្លាប់នៅក្នុង ការវាយប្រហាររបស់ក្រុមហាម៉ាស់ និងកំពុងតាមដានស្ថានការណ៍យកចិត្តទុកដាក់ជាមួយការសន្យាផ្ដល់ការគាំទ្រដល់អ៊ីស្រាអែល។ គួរបញ្ជាក់ថា រដ្ឋាភិបាលអ៊ីស្រាអែលបានប្រកាសដាក់ប្រទេសក្នុងស្ថានភាពសង្រ្គាម រីឯសហរដ្ឋអាមេរិកបានសម្រេចចិត្តបញ្ជូនកងនាវាចម្បាំងដឹកនាំដោយ…

អានបន្ត “អ្នក ស្លា.ប់ កើនឡើងលើស ១,១០០នាក់ ទាំងនៅក្នុងអ៊ីស្រាអែលនិងតំបន់ហ្កាហ្សា ខណៈអាមេរិក បញ្ជូនកងនាវាផ្ទុកយន្ដហោះចម្បាំង ទៅគាំទ្រអ៊ីស្រាអែល” »

អន្តរជាតិ

ពិភពលោកកាន់តែជ្រួលច្របល់! រញ្ជួយដីនៅភាគពាយ័ព្យអាហ្វហ្កានីស្ថាន ស្លា.ប់ជាង២០០០នាក់

October 9, 2023October 9, 2023 Mah Khmer

គ្រោះធម្មជាតិរញ្ជួយដី កម្រិត៦,៣ រិឆទែរ បានកើតឡើងនៅខេត្ត Herat ភាគពាយ័ព្យអាហ្វហ្កានីស្ថាន កាលពី ថ្ងៃសៅរ៍ទី៧កក្កដា វេលាម៉ោងប្រមាណ១១ព្រឹក។ យោងតាមតួលេខបឋម ផ្តល់ឲ្យដោយអ្នកនាំពាក្យរដ្ឋាភិបាលតាលីបង់ យ៉ាងហោចណាស់ មានស្លាប់មនុស្សជាង២០០០នាក់។ ប្រភពដដែលអះអាងថា ចំនួនមនុស្សស្លាប់អាចនឹងកើនច្រើនជាងនេះទៀត ខណៈការរុករកអ្នកបាត់ខ្លួនកំពុងតែដំណើរការទៅ។ ព្រឹកថ្ងៃអាទិត្យ តួលេខចុងក្រោយបានបង្ហាញថា ភូមិចំនួន១៣ បានរងគ្រោះ ដោយផ្ទះប្រមាណ១៣២០ខ្នង ត្រូវបាក់ស្រុតទាំងស្រុង ដោយសារតែកម្លាំងរញ្ជួយដី។ ក្រៅពីមនុស្សស្លាប់ ចំនួន ២០៥៣នាក់ មានអ្នករបួសជាង៩០០០នាក់។ នេះបើផ្អែកតាមអ្នកនាំពាក្យ ក្រសួងគ្រប់គ្រងគ្រោះមហន្តរាយអាហ្វហ្កានីស្ថាន។ យោងតាមអាជ្ញាធរខេត្ត Herat នៅព្រឹកថ្ងៃអាទិត្យ សាកសពមនុស្សប្រមាណ ២០០នាក់ ត្រូវបានដឹកបញ្ជូនយកទៅទុកនៅតាមទីតាំងផ្សេងៗគ្នា មានទាំងមន្ទីរពេទ្យ និងបន្ទាយទាហានផងដែរ។ យោងតាមសាក្សី ដីបានរញ្ជួយចំនួន៨ដង ក្នុងរយៈពេលតែប៉ុន្មាននាទី។ ផ្ទះសម្បែងប្រជាជន ដែលភាគច្រើនធ្វើពីដីឥដ្ឋ បានដួលបាក់រលំ តាំងតែពីការរញ្ជួយលើកទី១។ គ្រួសារខ្លះ មានទាំងកុមារតូចៗ គឺត្រូវផ្ទះបាក់គ្របសង្កត់ទាំងគ្រួសារតែម្តង។ ជនរងគ្រោះ បានថ្លែងទួញសោកថាពួកគេ កំពុងតែជួបការលំបាកខ្លាំង ដោយគ្មាននរណាមកជួយទេ ក្រៅតែពីអ្នកភូមិដែលនៅរស់រានមានជីវិត។ បុរសម្នាក់បានថ្លែងថា សម្រាប់ពេលនេះប្រជាជនគ្មានអ្វីទាំងអស់ គ្មានសូម្បីតែភួយដណ្តប់។…

អានបន្ត “ពិភពលោកកាន់តែជ្រួលច្របល់! រញ្ជួយដីនៅភាគពាយ័ព្យអាហ្វហ្កានីស្ថាន ស្លា.ប់ជាង២០០០នាក់” »

អន្តរជាតិ

អ៊ីស្រាអែលប្រកាសដាក់ប្រទេសក្នុងស្ថានភាពសង្រ្គាម

October 8, 2023 Mah Khmer

អ៊ីស្រាអែលប្រកាសដាក់ប្រទេសក្នុងស្ថានភាពសង្រ្គាមបន្ទាប់ពីត្រូវរងស្រោចដោយគ្រាប់រ៉ូកែតរបស់ចលនាហាម៉ាសប៉ាឡេស្ទីន ដែលគ្រប់គ្រងតំបន់ហ្កាហ្សា នៅព្រឹកព្រលឹមថ្ងៃសៅរ៍ទី ៧ តុលា។ តាមតុល្យការបឋមរបស់កងទ័ពអ៊ីស្រាអែល ការវាយប្រហាររបស់ក្រុមហាម៉ាសទៅលើទឹកដីភាគខាងត្បូងអ៊ីស្រាអែលដែលនៅជាប់ព្រំប្រទល់ជាមួយតំបន់ហ្កាហ្សា បានសម្លាប់មនុស្សយ៉ាងតិច ២២នាក់នាក់ និងរបួសជាង ៥០០នាក់។ ក្រោយកោះប្រជុំសន្តិសុខបន្ទាន់ នៅព្រឹកថ្ងៃសៅរ៍ នាយករដ្ឋមន្រ្តីអ៊ីស្រាអែល បេនចាមីន នេតាន់យ៉ាហ៊ូប្រកាសដាក់ប្រទេសក្នុងស្ថានភាពសង្រ្គាម និងបញ្ជាឲ្យកងទ័ពបើកប្រតិបត្តិការវាយប្រហារតបទៅលើតំបន់ហ្កាហ្សា។ ប្រមុខការពារជាតិអ៊ីស្រាអែលវិញ បានព្រមានក្រុមហាម៉ាសថា កំពុងធ្វើកំហុសដ៏ធ្ងន់ធ្ងរដែលបើកការវាយប្រហារទ្រង់ទ្រាយធំលើអ៊ីស្រាអែលនៅពេលនេះ។ ការវាយប្រហារបកវិញរបស់កងទ័ពអ៊ីស្រាអែលបានសម្លាប់ប្រជាជនប៉ាឡេស្ទីនជិត២០០នាក់នៅថ្ងៃសៅរ៍ទី ៧តុលា។ តាំងពីព្រលឹមថ្ងៃសៅរ៍ទី ៧ តុលា ក្រុមហាម៉ាសប៉ាឡេស្ទីនបាញ់ស្រោចគ្រាប់រ៉ូកែតចេញពីតំបន់ហ្កាហ្សាសំដៅទឹកដីភាគខាងត្បូងអ៊ីស្រាអែល ដោយបានសម្លាប់មនុស្សយ៉ាងតិច ២២នាក់ និងរងរបួសជាង ៥០០នាក់។ នៅភាគខាងត្បូង និងភាគកណ្តាលប្រទេសអ៊ីស្រាអែល ទោះគ្រាប់រ៉ូកែតជាច្រើនរបស់ក្រុមហាម៉ាស ត្រូវប្រព័ន្ធការពារដែនអាកាសបាញ់ស្ទាក់ទម្លាក់ជាមុន ប៉ុន្តែ សំឡេងស៊ីរ៉ែនស្រែករោទិ៍ដាស់តឿនឲ្យប្រជាជនរត់រកកន្លែងពួនជ្រក ដើម្បីគេចចេញពីការវាយប្រហាររបស់ក្រុមហាម៉ាសប៉ាឡេស្ទីន៕

អន្តរជាតិ

នាយករដ្ឋមន្ត្រីថ្មីរបស់ប្រទេសថៃ! ប្រជាជនថៃគ្រប់រូប អាយុ១៦ឆ្នាំឡើង នឹងទទួលបានម្នាក់ ១ម៉ឺនបាត មុនថ្ងៃសង្រាន្តឆ្នាំថ្មី

August 28, 2023 Mah Khmer

នាយករដ្ឋមន្ត្រីថ្មីរបស់ប្រទេសថៃ លោក សេតថា ថាវីស៊ីន រំពឹងថា រូបិយប័ណ្ណឌីជីថលតម្លៃ ១០០០០ បាត ដែលសន្យាផ្ដល់ជូនប្រជាជនថៃគ្រប់រូបមានអាយុចាប់ពី១៦ឆ្នាំឡើងទៅ នឹងត្រូវបានអនុវត្តនៅក្នុងត្រីមាសទីមួយនៃឆ្នាំ២០២៤។ គោលនយោបាយដ៏ចម្រូងចម្រាសនេះ គឺជាការសន្យាមួយ ដែលគណបក្សភឿថៃសន្យាដល់ប្រជាជន ក្នុងការបោះឆ្នោតសកលនៅថ្ងៃទី១៤ខែឧសភា។ ទោះបីជាយ៉ាងណាក៏ដោយ រឿងនេះកំពុងរងការរិះគន់យ៉ាងខ្លាំង ដោយអ្នកខ្លះចង្អុលបង្ហាញពីការខូចខាតដល់វិន័យរូបិយវត្ថុ និងសារពើពន្ធរបស់ប្រទេស។ លោក សេតថា សន្យាកាលពីថ្ងៃសៅរ៍ថា គោលនយោបាយនេះ នឹងត្រូវអនុវត្តយ៉ាងពេញទំហឹង ព្រោះវាជាវិធានការសំខាន់ ដើម្បីជួយគណបក្សភឿថៃ ក្នុងសកម្មភាពរបស់ខ្លួនដើម្បីជំរុញសេដ្ឋកិច្ចថៃ។ យោងតាមនាយករដ្ឋមន្ត្រីថ្មី, “មនុស្សដែលទាក់ទងនឹងគោលនយោបាយនេះ នឹងជួបប្រជុំនៅថ្ងៃចន្ទឬថ្ងៃអង្គារ ដើម្បីពិភាក្សាអំពីព័ត៌មានដែលពាក់ព័ន្ធ និងរៀបចំតារាងពេលវេលា។ ខ្ញុំសង្ឃឹមថាគោលនយោបាយនេះ នឹងត្រូវអនុវត្តនៅត្រីមាសទី១ ឆ្នាំក្រោយ”។ ស្របពេលជាមួយគ្នានោះ អគ្គលេខាធិការរងរបស់គណបក្សភឿថៃលោក Paopoom Rojanasakul បាននិយាយកាលពីថ្ងៃសុក្រថា “មុនថ្ងៃសង្ក្រាន្តក្នុងខែមេសាឆ្នាំ២០២៤ ប្រជាជនថៃជាង៥០លាននាក់ដែលមានអាយុចាប់ពី១៦ឆ្នាំឡើងទៅ នឹងអាចបានប្រាក់ហើយចំណាយ១០០០០បាត តាមរយៈប្រព័ន្ធឌីជីថល។ ប្រាក់ជាង៥៦០ពាន់លានបាត នឹងត្រូវចែកចាយទៅគ្រប់តំបន់ទូទាំងប្រទេស”។ លោកអះអាងថា ទឹកប្រាក់ប្រមាណ៥៦០ពាន់លានបាត ដែលទាមទារសម្រាប់គម្រោងនេះគឺនឹងមិនប៉ះពាល់ដល់វិន័យរូបិយវត្ថុនិងសារពើពន្ធរបស់រាជរដ្ឋាភិបាលទេ ហើយប្រាក់ក៏នឹងមិនយកពីកម្ចីរបស់រដ្ឋដែរ៕

អន្តរជាតិ

សូមថែរក្សាសុខភាព! ករណីឆ្លងកូវីដ១៩ នៅទូទាំងពិភពលោក កើនឡើង៨០% ដោយសារករណីបំប្លែងខ្លួនថ្មីរបស់វីរុស

August 11, 2023 Mah Khmer

ប៉ារីស៖ អង្គការសុខភាពពិភពលោក (WHO) បាននិយាយនៅថ្ងៃសុក្រសប្តាហ៍នេះថា ចំនួនករណីឆ្លងកូវីដ១៩ ថ្មី ដែលត្រូវបានរាយការណ៍ជាសកលបានកើនឡើង ៨០% កាលពីខែមុន ប៉ុន្មានថ្ងៃបន្ទាប់ពីការកំណត់នូវ «ទម្រង់បំប្លែងខ្លួនថ្មីរបស់វីរុស»។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃទី១១ ខែសីហា ឆ្នាំ២០២៣។ អង្គការសុខភាពពិភពលោក (WHO) បានប្រកាសកាលពីខែឧសភាថា កូវីដ-១៩ លែងជាជំងឺអាសន្នសុខភាពសកលទៀតហើយ ប៉ុន្តែបានព្រមានថា មេរោគនឹងបន្តរីករាលដាល និងបំប្លែងខ្លួនថ្មី ដែលជួនកាលបណ្តាលឱ្យមានការឆ្លងរាលដាល ការសម្រាកព្យាបាលនៅមន្ទីរពេទ្យ និងករណីស្លាប់ផងដែរ។ ទីភ្នាក់ងារនេះបាននិយាយនៅក្នុងការធ្វើបច្ចុប្បន្នភាពប្រចាំសប្តាហ៍របស់ខ្លួនថា ប្រទេសនានាបានរាយការណ៍អំពីករណីថ្មីជិត ១.៥លានករណី នៅចន្លោះថ្ងៃទី១០ ខែកក្កដា ដល់ថ្ងៃទី០៦ ខែសីហាដែលជាការកើនឡើងជាង ៨០% បើធៀបនឹង ២៨ថ្ងៃមុន។ ទោះជាយ៉ាងណាក៏ដោយការស្លាប់បានធ្លាក់ចុះ ៥៧% មកត្រឹម ២,៥០០នាក់។ អង្គការសុខភាពពិភពលោកបានព្រមានថា ករណីដែលបានរាយការណ៍ និងការស្លាប់មិនឆ្លុះបញ្ចាំងពីចំនួនពិតនោះទេ។ ទន្ទឹមគ្នានេះ អង្គការសុខភាពពិភពលោកបានគូសបញ្ជាក់ថា ករណីថ្មីជាច្រើនបានកើតឡើងនៅក្នុងតំបន់ប៉ាស៊ីហ្វិកខាងលិច ដែលឃើញថាមានការឆ្លងកើនឡើងដល់ទៅ ១៣៧ភាគរយ។ ចំណែកប្រទេសជាច្រើននៅអឌ្ឍគោលខាងជើង…

អានបន្ត “សូមថែរក្សាសុខភាព! ករណីឆ្លងកូវីដ១៩ នៅទូទាំងពិភពលោក កើនឡើង៨០% ដោយសារករណីបំប្លែងខ្លួនថ្មីរបស់វីរុស” »

អន្តរជាតិ

WHO ចាត់ថ្នាក់កូវីដ១៩បំប្លែងខ្លួន «EG.5 ជាវីរុសបំប្លែងខ្លួនដែលត្រូវចាប់អារម្មណ៍»

August 10, 2023 Mah Khmer

(ហ្សឺណែវ)៖ អង្គការសុខភាពពិភពលោក WHO នៅថ្ងៃពុធសប្ដាហ៍នេះបានចាត់ថ្នាក់វីរុសកូវីដ១៩បំប្លែងខ្លួនប្រភេទ EG.5 ដែលកំពុងឆ្លងរាលដាល នៅក្នុង សហរដ្ឋអាមេរិក និងចិន ជា «វីរុសបំប្លែងខ្លួនដែលត្រូវចាប់អារម្មណ៍»។ នេះបើតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី១០ ខែសីហា ឆ្នាំ២០២៣។ វីរុសកូវីដ១៩បំប្លែងខ្លួនប្រភេទ EG.5 អាចឆ្លងរាលដាលយ៉ាងឆាប់រហ័ស និងត្រូវបានគេរកឃើញថានៅពីក្រោយករណីឆ្លងកូវីដ១៩ ច្រើនជាង១៧ភាគរយ នៅក្នុងសហរដ្ឋអាមេរិកនាពេលថ្មីៗនេះ។ វីរុសបំប្លែងខ្លួននេះក៏ត្រូវបានគេរាយការណ៍ផងដែរនៅក្នុងប្រទេសចិន កូរ៉េខាងត្បូង ជប៉ុន កាណាដា និងបណ្ដា ប្រទេសជាច្រើនផ្សេងទៀត។ ក្នុងការវាយតម្លៃពីហានិភ័យ អង្គការ WHO បានបញ្ជាក់ថា «ជារួម ភស្ដុតាងដែលមាន មិនបានសន្មត់ថាវីរុសបំប្លែងខ្លួន EG.5 បង្កហានិភ័យសុខាភិបាលបន្ថែម ឬខ្ពស់ជាងវីរុសបំប្លែងខ្លួនដទៃ ដូចជាអូមីក្រុងនោះទេ ហើយគេត្រូវការការវាយតម្លៃគ្រប់ជ្រុងជ្រោយពីគ្រោះថ្នាក់អាចបង្កឡើងដោយវីរុសបំប្លែងខ្លួននេះ បន្ថែមទៀត»។ គួរបញ្ជាក់ថា កូវីដ១៩ បានសម្លាប់មនុស្សច្រើនជាង ៦.៩លាននាក់ នៅទូទាំងពិភពលោក នៅក្នុងចំណោមករណីឆ្លងសរុបជាង ៧៦៨លាននាក់ ចាប់តាំងពី វីរុសនេះផ្ទុះឡើងមក។ WHO បានប្រកាសចាត់ទុកកូវីដ១៩ ជាជំងឺឆ្លងរាតត្បាតសកលកាលពីខែមីនា…

អានបន្ត “WHO ចាត់ថ្នាក់កូវីដ១៩បំប្លែងខ្លួន «EG.5 ជាវីរុសបំប្លែងខ្លួនដែលត្រូវចាប់អារម្មណ៍»” »

អន្តរជាតិ

ប្រទេសថៃ នៅពេលនេះកំពុងរអិលធ្លាក់ក្នុងការបែកបាក់សង្គមហើយ

July 19, 2023 Mah Khmer

(បាងកក)៖ សភារបស់ថៃ នៅថ្ងៃពុធនេះបានបដិសេធមិនឱ្យមេដឹកនាំគណបក្ស Move Forward គឺលោក Pita Limjaroenrat ឈរឈ្មោះជាបេក្ខជននាយករដ្ឋមន្ត្រី នៅក្នុង ការបោះឆ្នោតជុំទី២នេះនោះទេ។ នេះបើតាមប្រធានរដ្ឋសភាថៃ ការចេញផ្សាយដោយទីភ្នាក់ងារសារព័ត៌មាន AFP នៅថ្ងៃពុធ ទី១៩ ខែកក្កដា ឆ្នាំ២០២៣។ ប្រធានរដ្ឋសភាថៃ លោក Wan Muhamad Noor Matha បានគូសបញ្ជាក់ដូច្នេះថា «លោក Pita មិនអាចត្រូវបានតែងតាំង (ជាបេក្ខជននាយករដ្ឋមន្ត្រី) ជាលើកទី២ នៅក្នុងសម័យប្រជុំរួមនេះនោះឡើយ»។ គួរបញ្ជាក់ថា តុលាការធម្មនុញ្ញថៃ នៅថ្ងៃពុធនេះដែរ បានសម្រេចចិត្តព្យួរតំណែងសមាជិកសភាមេដឹកនាំគណបក្ស Move Forward គឺលោក Pita Limjaroenrat ជាបណ្តោះអាសន្នហើយ តបតាមអនុសាសន៍របស់គណៈកម្មការរៀបចំការបោះឆ្នោតនៃប្រទេសថៃ។ គណៈកម្មការរៀបចំការបោះឆ្នោតនៃប្រទេសថៃ កាលពីថ្ងៃទី១២ ខែកក្កដា បានផ្តល់អនុសាសន៍ទៅកាន់តុលាការធម្មនុញ្ញថៃ ឱ្យព្យួរសមាជិកភាពសភារបស់មេដឹកនាំ គណបក្ស Move Forward គឺលោក Pita Limjaroenrat ជាបណ្តោះអាសន្នសិន ជុំវិញការចោទប្រកាន់ថា…

អានបន្ត “ប្រទេសថៃ នៅពេលនេះកំពុងរអិលធ្លាក់ក្នុងការបែកបាក់សង្គមហើយ” »

អន្តរជាតិ

របៀបបង្កើនលាភសំណាងសម្រាប់ឆ្នំាទំាង១២ ក្នុងខែថ្មី សូមធ្វើតាមសេចក្តីណែនំានេះ

September 27, 2022 Mah Khmer

ខាងក្រោមនេះ យើងខ្ញុំនឹងបង្ហាញអ្នកពីរាសីរបស់ឆ្នាំទាំង១២ក្នុង ខែថ្មី ថែមទាំងបង្ហាញអ្នកពីរបៀបនាំទ្រព្យរបស់ពួកគេផងដែរ ដោយបង្ហាញតាមពណ៌ និងលេខ។ ឆ្នាំទាំង១២ អាចប្រើពណ៌ និងលេខទាំងនេះ ដើម្បីបង្កើនលាភរបស់ខ្លួន។ តើមានអ្វីខ្លះទៅ? ឆ្នាំជូត ៖ ខែថ្មីលាភផ្នែកទ្រព្យរបស់អ្នកមិនសូវល្អទេ ដោយអាចមានទ្រព្យអាចហូរចេញក្រៅដោយសារសុខភាពបាន។ ពណ៌សំណាង គឺពណ៌ក្រហម។ លេខសំណាង គឺលេខ៧។ ឆ្នាំឆ្លូវ ៖ ខែថ្មីអ្នកនឹងអាចរកឃើញឱកាសក្នុងការចំណេញបានប្រាក់ខ្ពស់។ ពណ៌សំណាង គឺពណ៌ប្រផេះ។ លេខសំណាង គឺលេខ៦។ ឆ្នាំខាល ៖ ខែថ្មីសេដ្ឋកិច្ចក្នុងគ្រួសារអ្នកនឹងមានរាងខ្វះខាតបន្តិច។ ពណ៌សំណាង គឺពណ៌កាហ្វេ។ លេខសំណាង គឺលេខ០។ ឆ្នាំថោះ ៖ ខែថ្មីអ្នកនឹងអាចសោយសុខលើគំនរលាភក្រៅអ្នកបាន។ ពណ៌សំណាង គឺពណ៌លឿងខ្ចី។ លេខសំណាង គឺលេខ៥។ ឆ្នាំរោង ៖ ខែថ្មីលាភអ្នកមានសភាពធម្មតាទេ។ ពណ៌សំណាង គឺពណ៌ស។ លេខសំណាង គឺលេខ៩។ ឆ្នាំម្សាញ់…

អានបន្ត “របៀបបង្កើនលាភសំណាងសម្រាប់ឆ្នំាទំាង១២ ក្នុងខែថ្មី សូមធ្វើតាមសេចក្តីណែនំានេះ” »

អន្តរជាតិ