Category: ព័ត៌មានជាតិ

ភ្នំពេញ៖ មេបញ្ជាការរងកងរាជអាវុធហត្ថខេត្តកំពង់ស្ពឺម្នាក់ និងមេបញ្ជាការមូលដ្ឋានកងរាជអាវុធហត្ថស្រុកភ្នំស្រួច ព្រមទាំងអាវុធហត្ថសរុបចំនួន៦នាក់ ត្រូវបានកម្លាំងកងរាជអាវុធហត្ថខេត្តព្រះសីហនុ ចាប់ខ្លួនជាបន្ដបន្ទាប់ បញ្ជូនទៅកាន់សាលាដំបូងខេត្តព្រះសីហនុ ក្រោយរកឃើញពាក់ព័ន្ធករណីទទួលផលបទល្មើសគ្រឿងញៀន។ លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានប្រាប់បណ្ដាញព័ត៌មាន ឲ្យដឹងនៅព្រឹកថ្ងៃទី៣១ ខែតុលា ឆ្នាំ២០២៣នេះថា ប្រតិបត្តិការនេះ ធ្វើឡើងដោយអនុវត្តតាមបទបញ្ជារបស់នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស។ លោកឧត្តមសេនីយ៍ត្រី អេង ហ៊ី បានបញ្ជាក់ថា កាលពីនៅថ្ងៃទី២៦ ខែតុលា ឆ្នាំ២០២៣ កម្លាំងជំនាញកងរាជអាវុធហត្ថខេត្តព្រះសីហនុ បានធ្វើការបង្ក្រាបបទល្មើសគ្រឿងញៀន និងបានធ្វើការស្រាវជ្រាវបន្តរកឃើញបុគ្គលពាក់ព័ន្ធមួយចំនួន។ កម្លាំងជំនាញ ក៏បានធ្វើការពន្លាតដែនសមត្ថកិច្ចដល់ខេត្តកំពង់ស្ពឺ តាមនីតិវិធីដោយរាយការណ៍ជូន ព្រះរាជអាជ្ញាអមសាលាដំបូងខេត្តព្រះសីហនុ និងតាមឋានានុក្រម។ នៅថ្ងៃទី២៧ ដល់ថ្ងៃទី២៩ ខែតុលា ឆ្នាំ២០២៣ កម្លាំងមន្ត្រីនគរបាលយុត្តិធម៌ កងរាជអាវុធហត្ថលើផ្ទៃប្រទេស និងកងរាជអាវុធហត្ថខេត្តព្រះសីហនុ បានធ្វើការស្តាប់ចម្លើយបុគ្គលពាក់ព័ន្ធនឹងបទល្មើស ចំនួន៦រូប ដែលជានាយទាហាន នៃកងរាជអាវុធហត្ថខេត្តកំពង់ស្ពឺ។ តាមការសារភាព បុគ្គលទាំង៦រូប អាចពាក់ព័ន្ធនឹងករណីទទួលផលពីបទល្មើសគ្រឿងញៀន។ លោកបន្ដថា តាមលទ្ធផលនៃការធ្វើតេស្តសារធាតុញៀន បុគ្គលសង្ស័យទាំង៦រូបនេះ ពុំមានផ្ទុកសារធាតុញៀន…

អានបន្ត “មេបញ្ជាការរងអាវុធហត្ថខេត្តកំពង់ស្ពឺ និងមេបញ្ជាការស្រុកភ្នំស្រួច រួមទំាងអាវុធហត្ថសរុប៦នាក់ ត្រូវបានចា.ប់ខ្លួនបញ្ជូនទៅតុលាការ ពាក់ព័ន្ធទទួលផលបទល្មើសគ្រឿងញៀន” »

នៅព្រឹកថ្ងៃទី២៦ ខែតុលា ឆ្នាំ២០២៣នេះ មន្ទីរព័ត៌មានខេត្តសៀមរាប បានរៀបចំពិធីសំណេះសំណាលជាមួយអ្នកសារព័ត៌មានក្នុងខេត្តសៀមរាប ក្រោមអធិបតីភាពឯកឧត្តម ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន និង លោកស្រី ម៉ននី រង្សី អភិបាលរងខេត្តតំណាងឯកឧត្តម ប្រាក់ សោភ័ណ អភិបាលខេត្តសៀមរាប ដោយមានការចូលរួមពីសំណាក់ឯកឧត្ដម លោក លោកស្រី ជាប្រតិភូអមដំណើរ ថ្នាក់ដឹកនាំ និង មន្ត្រីរាជការមន្ទីរព័ត៌មានខេត្ត និងអ្នកសារព័ត៌មានក្នុងខេត្តជាច្រើនរូបទៀត ។ មានប្រសាសន៍ក្នុងឱកាសនោះ ឯកឧត្ដម លីវ សុខុន ទីប្រឹក្សាក្រសួង និង ជាប្រធានមន្ទីរព័ត៌មានខេត្តសៀមរាប បានសម្ដែងនូវក្ដីសោមនស្សរីករាយក្រៃលែងចំពោះវត្តមានឯកឧត្តមរដ្ឋលេខាធិការក្រសួងព័ត៌មាន និង លោកស្រីអភិបាលរងខេត្ត ដែលអញ្ជើញជាអធិបតីក្នុងពិធីសំណេះសំណាលជាមួយអ្នកសារព័ត៌មានក្នុងខេត្តសៀមរាប ដើម្បីបញ្រ្ជាបការយល់ដឹង និងអភិវឌ្ឍន៍ធនធានសមត្ថភាព អំពីតួនាទី ភារកិច្ច និងក្រមសីលធម៌វិជ្ជាជីវៈអ្នកសារព័ត៌មាន សម្រាប់រក្សាសន្តិភាព និងសណ្ដាប់ធ្នាប់សង្គម ពិសេសគឺការបង្កើនការទំនាក់ទំនងឱ្យមានភាពស្និទ្ឋស្នាលរវាងអ្នកសារព័ត៌មានជាមួយថ្នាក់ដឹកនាំនិង អាជ្ញាធរមូលដ្ឋានគ្រប់លំដាប់ថ្នាក់ ក្នុងន័យបង្ខិតឱ្យកាន់តែកៀកជិតគ្នា សហការល្អ សំដៅរក្សាបាននូវភាពសុខដុមរមនាក្នុងសង្គម ។ ឯកឧត្ដមសង្ឃឹមថា តាមរយៈពិធីសំណេះសំណាលនេះ នឹងធ្វើឲ្យអ្នកសារព័ត៌មានយើង បានយល់ដឹងកាន់តែច្បាស់បន្ថែមទៀត អំពីសិទ្ធិ…

អានបន្ត “ពិធីសំណេះសំណាលជាមួយអ្នកសារព័ត៌មានក្នុងខេត្តសៀមរាប” »

សៀមរាប÷ បទល្មើសនេសាទ(ឆ្នុក)ពាសពេញផ្ទៃទន្លេប្រៀបបីដូចជាក្រុងរណបដែលមានភ្លើងពណ៌បំភ្លឺរាប់រយអំពូលកំពុងដាក់ពង្រាយចាប់ត្រីល្អិតៗយកមកធ្វើនុយត្រីឆ្ដោររៀងរាល់យប់ ការប្រព្រឹត្តទៅបានក៏ ដោយសារតែមន្រ្ដីជំនាញប្រព្រឹត្តអំពើពុករលួយដើរយកលុយពីបទល្មើសហើយបើកដៃឲ្យក្រុមប្រជានេសាទប្រើប្រាស់ឧបករណ៍ខុសច្បាប់ប្រព្រឹត្តបានទៅយ៉ាងរលូនគ្មានការបង្ក្រាប មិនខុសពីពាក្យចាស់ពោលថា ខ្មោចស្រុកមិនអោយដៃខ្មោចព្រៃមិនហ៊ាននោះទេ។ ប្រជាពលរដ្ឋបានរាយការណ៍ថា មន្ត្រីជលផលមួយចំនួនប្រព្រឹត្តអំពើពុករលួយដើរយកលុយពីបទល្មើសនេសាទ គ្រប់ប្រភេទ ក្លាយទៅជាទម្លាប់ទៅហើយ ទើបពលរដ្ឋអ្នករកស៊ីដាក់បទល្មើសហ៊ានដាក់ឆ្នុកតាមតែអំពើចិត្តមិនខ្វល់ពីការបាត់បង់ពូជត្រីឡើយ។ ទន្ទឹមហ្នឹងនោះក៏មានការរិះគន់ខ្លាំងៗទៅលើលោក ធិន នីសុធី នាយខណ្ឌរដ្ឋបាលជលផលខេត្តសៀមរាប និងលោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់និងនេសាទខេត្តសៀមរាប ថាជាមន្ត្រីជើង ១០អង្គុយតែក្នុងការិយាល័យមិនហ៊ានចុះមកបង្ក្រាបបទល្មើសជលផលក្នុងរដូវត្រីពងកូន ញាស់បន្តពូជ ស្ដាប់និងយករបាយការណ៍ភូតភរពីមន្ត្រីគ្រាប់ល្ពៅដែលធ្វើរបាយការណ៍កុហកបោកប្រាស់គ្មានការពិត ។ ពាក់ព័ន្ធនឹងអំពូលឆ្នុកត្រូវបានពលរដ្ឋគាំទ្រឲ្យសមត្ថកិច្ចចុះចាប់បង្ក្រាបរាល់ឧបករណ៍នេសាទខុសច្បាប់ដែលដាក់លក់នៅតាមតូបឲ្យអស់ និងចុះចាប់ទូកអ្នកទិញត្រីនុយឲ្យអស់ និងបញ្ឈប់ការចិញ្ចឹមត្រីឆ្ដោរបែបយកនុយត្រីធ្វើជាចំណី ព្រមទាំងស៊ើបអង្កេតរឿងអាស្រូវរបស់មន្ត្រីពុករលួយដែលបើកដៃឲ្យដាក់បទល្មើសនេសាទខុសច្បាប់កុំឱ្យមានការលើកលែង។ បើតាមសម្ដីមន្ត្រីជលផលក្រោមឱវាទបានខ្សឹបខ្សៀវប្រាប់អ្នកសារព័ត៌មាននូវរឿងអាស្រូវមន្ត្រីជលផល២រូបដែលកំពុងតែដើរប្រមូលលុយយ៉ាងមមាញឹកដើម្បីបម្រើផលប្រយោជន៍ឲលោកនាយខណ្ឌរដ្ឋបាលជលផលខេត្តសៀមរាប និងលោកប្រធានមន្ទីរកសិកម្មខេត្តសៀមរាប ត្រូវបានក្រុមនេសាទបទល្មើសខុសច្បាប់រាប់រយនាក់ដែលកំពុងដាក់ឆ្នុកនិងអូសលៀសបានលើកឡើងថាខ្លួនបានបង់លុយឱ្យទៅមន្ត្រីជលផល និងបង់ឱ្យមន្ត្រីបរិស្ថានដែលគ្រប់គ្រងទីនោះ ព្រមទាំងបង់លុយឱ្យមន្ត្រីនៃអធិការខាងជើងបឹងទន្លេសាបផងដែរ ដើម្បីជាថ្នូរទៅនឹងការមិនបង្ក្រាបបទល្មើសដែលខ្លួនបានដាក់។ ជាក់ស្ដែងបទល្មើស ឆ្នុកមាននៅ= ១/ចំនុច ចង្កៀងក្ល ; រហាលវេហា ; ត្រចៀកតាមាស ក្នុងតំបន់អភិរក្ស ផ្តោលស្រោង ក្នុងភូមិមាត់ខ្លា ក្រោមការគ្រប់គ្រងរបស់លោក ឃុតគ្រី ប្រធានសហគមន៍ឃុំអន្លង់សំណរស្រុកជីក្រែង ខេត្តសៀមរាប។ ២/ ចំណុច កោះគគី ; ចំណុច…

អានបន្ត “បទល្មើសនេសាទគ្រប់ប្រភេទកំពុងបំផ្លាញកូនមច្ឆាជាតិយ៉ាងធ្ងន់ធ្ងរ ក្នុងខេត្តសៀមរាប” »

(ភ្នំពេញ)៖ អគ្គនាយកដ្ឋានពន្ធនាគារ នៅថ្ងៃទី១៧ ខែតុលា ឆ្នាំ២០២៣នេះ បានចេញសេចក្ដីបំភ្លឺមួយពាក់ព័ន្ធករណីពិរុទ្ធជនឈ្មោះ សុខ សុវណ្ណវឌ្ឍនាសាប៊ុង ហៅ William Guang អតីតប្រធានគណបក្សខ្មែរក្រោក បន្ទាប់ពីពិរុទ្ធជននេះ បានលួចប្រើប្រាស់ទូរស័ព្ទ និងបញ្ចេញសារនតយោបាយពីក្នុងពន្ធនាគារ។ តាមរយៈសេចក្ដីបំភ្លឺ អគ្គនាយកដ្ឋានពន្ធនាគារ បានសម្រេចដាក់ពិន័យពិរុទ្ធជន សុខ សុវណ្ណវឌ្ឍនាសាប៊ុង ហៅ William Guang ឲ្យនៅក្នុងបន្ទប់ដាក់វិន័យ ហាមប្រើប្រាស់ទូរស័ព្ទអចល័ត និងមិនអនុញ្ញាតឲ្យជួបសួរសុខទុក្ខជាមួយញាតិមិត្តខាងក្រៅ រយៈពេល២សប្ដាហ៍ ចុះកំណត់ហេតុល្មើសបញ្ជាផ្ទៃក្នុង និងបង្កើនចំណាត់ការថ្នាក់សន្ដិសុខ។ អគ្គនាយកដ្ឋានពន្ធនាគារ បានអះអាងថា សារនយោបាយដែលត្រូវបានផ្សព្វផ្សាយតាមបណ្ដាញសង្គមនោះ តាមការស្រាវជ្រាវពីមន្ត្រីជំនាញទូរគមនាគមន៍ សារសម្លេងទាំងស្រុងខាងលើត្រូវបានបញ្ចេញតាម ប្រព័ន្ធទូរស័ព្ទអចល័ត (ជាប់ជញ្ជាំង) សម្រាប់ជនជាប់ឃុំប្រើប្រាស់ស្របច្បាប់ កាលពីវេលាម៉ោង១៥៖៤៧នាទីរសៀល ថៃ្ងព្រហស្បតិ៍ ទី១២ ខែតុលា ឆ្នាំ២០២៣ ពីអគារ «ក» នៃមណ្ឌលអប់រំកែប្រែ ទី១ ទៅកាន់ឈ្មោះ មាស សុភ័ក្រ្ត ដែលជាប្រធានស្តីទី គណបក្សខ្មែរក្រោក ទូរស័ព្ទលេខ ០៨៧ ៣៣៣ ៣៦២…

អានបន្ត “អគ្គនាយកដ្ឋានពន្ធនាគារ សម្រេចដាក់ពិន័យលើពិរុទ្ធជន សុខ សុវណ្ណវឌ្ឍនាសាប៊ុង ហៅ William Guang” »

ភ្នំពេញ៖ មរណទុក្ខដ៏ក្រៀមក្រំនៃការធ្វើអត្តឃាតរបស់ ឧកញ៉ា ឈាង រ័ត្ន កំពុងក្លាយជាប្រធានបទដ៏ក្តៅគគុកដែលមហាជនមានការភ្ញាក់ផ្អើលជាខ្លាំង។ ជាក់ស្តែងមិនមាននរណាម្នាក់ដឹងរឿងផ្ទៃក្នុងគ្រួសាររបស់ ឧកញ៉ា ឈាង រ័ត្ន និង ស្រីអូន ដែលជាភរិយាឡើយដោយគ្រប់គ្នាតែងនឹកសរសើរថា គ្រួសារមួយនេះពោរពេញដោយសុភមង្គល និងមានទ្រព្យសម្បត្តិទន្ទឹមគ្នាទៀតផង។ ប៉ុន្តែស្ងាត់ៗ កាលពីរសៀលថ្ងៃទី១១ ខែតុលា ឆ្នាំ២០២៣ ម្សិលមិញនេះបែរជាផ្ទុះដំណឹងថា ឧកញ៉ា ឈាង រ័ត្ន បានយកខ្សែអង្រឹងចងកសម្លាប់ខ្លួននៅក្រោយផ្ទះបញ្ចប់ជីវិតដោយមិនដឹងមូលហេតុ។ យ៉ាងណាមិញ តាមរយៈការបំភ្លឺពីប្អូនប្រុសថ្លៃដែលត្រូវជាស្វាមីប្អូនស្រីរបស់ ឧកញ៉ា ផ្ទាល់បានឱ្យដឹងថា នៅថ្ងៃកើតហេតុខ្លួន និងគ្រួសារបាននាំគ្នាទៅខេត្តព្រៃវែងដើម្បីធ្វើបុណ្យ ប៉ុន្តែបងថ្លៃខ្លួនជាឧកញ៉ា ឈាង រ័ត្ន បានប្រាប់ថាមិនបានទៅជាមួយឡើយ។ លុះពេលត្រលប់មកពីខេត្តវិញក៏ឃើញរថយន្តបងថ្លៃខ្លួនចតនៅមុខផ្ទះ និងពេលដើរចូលដល់ផ្ទះក៏ប្រទះឃើញបងថ្លៃចងកសម្លាប់ខ្លួននៅក្រោយផ្ទះបង្កឱ្យគ្រប់គ្នាស្លុតចិត្តជាខ្លាំង។ លោកថែមទាំងបានបញ្ជាក់ផងដែរថា មូលហេតុមកពីសម្ពាធផ្លូវចិត្ត ព្រោះជាក់ស្តែងបញ្ហាគ្រួសារវាងបងថ្លៃដែលជាឧកញ៉ា ឈាង រ័ត្ន និងភរិយាឈ្មោះ ស្រីអូន បានលែងលះគ្នាកាលពីពេលថ្មីៗនេះ ប៉ុន្តែនៅមិនទាន់ដាច់ស្រលះគ្នានៅឡើយ។ តាមការធ្វើកោសល្យវិច័្ចយពីសមត្ថកិច្ចបានបញ្ជាក់ថាការស្លាប់របស់ឧកញ៉ា ឈាង រ័ត្ន ពិតជាការធ្វើអត្តឃាតពិតមែន។ ទោះជាយ៉ាងណា បងស្រីរបស់ឧកញ៉ាផ្ទាល់បានឱ្យដឹងថា ប្អូនប្រុសរបស់ខ្លួនមិនមែនធ្វើអត្តឃាតឡើយ ប៉ុន្តែមានគេសម្លាប់ដោយសារនៅក្បែរមាត់ឃើញមានរបួសដូចត្រូវនរណាម្នាក់ដាល់ រីឯក្បែរភ្នែកក៏ឃើញមានស្នាមរបួសដែរ។ ក្រលេកទៅចាប់អារម្មណ៍ពី…

អានបន្ត “បងស្រីឧកញ៉ា ឈាង រ័ត្ន ប្រកែកថាប្អូនប្រុសខ្លួនត្រូវគេសម្លា. ប់មិនមែនធ្វើអត្ត ឃា.ត ខណៈ ស្រីអូន ប៉ះពាល់អារម្មណ៍យ៉ាងខ្លាំងក្រោយដឹងដំណឹងស្វាមីស្លា.ប់” »

ភ្នំពេញ៖ នៅរសៀល ថ្ងៃទី១១ ខែតុលា ឆ្នាំ២០២៣ នៅចំណុចលេខ១៤២ ផ្លូវR12 គម្រោងរ៉ូសវីល បុរីប៉េងហួត ភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ មានករណីជនរងគ្រោះឈ្មោះ ឈាង រ័ត្ន ភេទប្រុស អាយុ៤០ឆ្នាំ ជាស្វាមីអ្នកស្រី នួន ស៊ុន្ទរី ដែលគេស្គាល់ជាទូទៅថា ស្រីអូន សម្រស់ធម្មជាតិបានធ្វេីអត្តឃាតដោយចងក។ សេចក្ដីរាយការណ៍បានឱ្យដឹងថា តាមការបំភ្លឺរបស់ឈ្មោះម៉ៅ ស៊ីវន ត្រូវជាប្អូនថ្លៃជនរងគ្រោះ បញ្ជាក់ថា មុនពេលកើតហេតុនៅវេលាម៉ោង០៨:១០នាទី ថ្ងៃទី១១ ខែតុលា ឆ្នាំ២០២៣ រូបខ្ញុំនិងគ្រួសារបានទៅធ្វើបុណ្យនៅខេត្តព្រៃវែងចំណែកបងថ្លៃរបស់ខ្ញុំឈ្មោះ ឈាង រ័ត្ន បានប្រាប់រូបខ្ញុំថាគាត់មិនបានទៅទេព្រោះគាត់ជាប់រវល់ទៅខេត្តកំពង់ចាមដើម្បីមើលគ្រូចិនសែ។ ពេលខ្ញុំបាទធ្វើដំណើរចេញពីផ្ទះដល់មុខវត្តក្តីតាកុយក៏ភ្លេចសោរផ្ទះហើយបកមកយកសោរវិញពេលមកដល់ផ្ទះម្តាយខ្ញុំបានឃើញសោរផ្ទះនៅក្នុងរថយន្តរួចក៏ធ្វើដំណើរចេញទៅរាងខ្លួន។ លុះរហូតដល់ម៉ោង១៤:៥០នាទី ថ្ងៃ ខែ ឆ្នាំដដែលរូបខ្ញុំបានត្រឡប់មកផ្ទះវិញក៏ឃើញរថយន្តបងថ្លៃរបស់ខ្ញុំចតនៅខាងមុខផ្ទះពេលនោះរូបខ្ញុំបានចាក់សោរចូលក្នុងផ្ទះរួចក៏ដើរទៅក្រោយផ្ទះក៏ប្រទះឃើញបងថ្លៃរបស់ខ្ញុំចងកនិង ខ្សែអង្រឹងជាប់និងជណ្ដើរទ្វារក្រោយផ្ទះរួចរូបខ្ញុំក៏បាន រាយការណ៍ទៅសមត្ថកិច្ចតែម្តង។ មូលហេតុ÷កន្លងមកសពជនរងគ្រោះធ្លាប់មានវិបត្តិផ្លូវចិត្តលែងលះគ្រួសារថ្មីៗមិនទាន់ដាច់ស្រេច ។ តាមការពិនិត្យរបស់នគរបាលកោសលវិច្ច័យបច្ចេកទេសបានសន្និដ្ឋានថាជនរងគ្រោះខាងលើពិតជាធ្វើអត្ត ឃា.តខ្លួនឯង [យកខ្សែអង្រឹងច.ងក ខ្លួនឯងពិតប្រាកដមែន] បច្ចុប្បន្ន÷សពជនរងគ្រោះត្រូវបានក្រុមគ្រួសារធ្វើបុណ្យតាមប្រពៃណីនៅផ្ទះកើតហេតុខាងលើ៕

(ភ្នំពេញ)៖ ដំណឹងមរណភាពរបស់ឧកញ៉ា ឈាង រ័ត្ន ស្វាមីអ្នកស្រី នួន ស៊ុន្ទរី ដែលគេស្គាល់ជាទូទៅថា ស្រីអូន សម្រស់ធម្មជាតិនោះ កំពុងតែអង្រួនបណ្តាញសង្គម និងនាំឱ្យមានការតក់ស្លុតចិត្ត និងសង្វេគជាខ្លាំងជាមួយគ្រួសារស.ព។ សមត្ថកិច្ចបានបញ្ជាក់ច្បាស់ហើយ ឧកញ៉ា ឈាង រ័ត្ន អាយុ ៤០ឆ្នាំ បានបញ្ចប់ជីវិតដោយការចងកធ្វើអ.ត្តឃាត នៅវេលាម៉ោង១៤៖៥០នាទី ថ្ងៃទី១១ ខែតុលា ឆ្នាំ២០២៣ នៅផ្ទះលេខ១៤២ ផ្លូវR12 គម្រោងរ៉ូសវីល បុរីប៉េងហួត ភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។ ឈ្មោះ ម៉ៅ សុីវន ត្រូវជាប្អូនថ្លៃឧកញ៉ា ឈាង រ័ត្ន បានរៀបរាប់ឱ្យដឹងថា មុនពេលកើតហេតុពោលនៅវេលាម៉ោង ៨៖១០នាទីថ្ងៃទី១១ ខែតុលា ឆ្នាំ២០២៣ រូបខ្លួន និងគ្រួសារបានទៅធ្វើបុណ្យនៅខេត្តព្រៃវែង ចំណែកបងថ្លៃ គឺឧកញ៉ា ឈាង រ័ត្ន មិនបានទៅជាមួយឡើយ ដោយអះអាងថា ជាប់រវល់ទៅខេត្តកំពង់ចាម ដើម្បីមើលគ្រូចិនសែ។ ឈ្មោះ…

អានបន្ត “ជុំវិញការ ការបញ្ចប់ជីវិតរបស់ឧកញ៉ា ឈាង រ័ត្ន អាចមកពីវិបត្តិផ្លូវចិត្ត ទើបបែកបាក់គ្រួសារ” »

បុរសវ័យ៥០ឆ្នាំក្នុងខេត្តស្វាយរៀង ម្នាក់ត្រូវបានរកឃើញថាឆ្លងវីរុសផ្ដាសាយបក្សីH5N1 កាលពីថ្ងៃទី៧ខែតុលាថ្មីៗនេះ។ នេះបើយោងតាមក្រសួងសុខាភិបាលកម្ពុជា ដោយបញ្ជាក់ដែរថា មាន់របស់ជនរងគ្រោះនិងអ្នកជិតខាងដែលងាប់ប្រមាណ៥០ក្បាល ក៏ត្រូវបានចែកចាយឲ្យមនុស្សផ្សេងទៀតទទួលទានផងដែរ។ អំឡុងការជួបជុំបងប្អូននារដូវភ្ជុំ រដ្ឋបាលខេត្តស្វាយរៀងបានណែនាំឲ្យពលរដ្ឋហាមដាច់ខាតយកសត្វបក្សីដែលឈឺឬងាប់មកចម្អិនជាម្ហូបអាហារ។ អំឡុងរដូវកាលបុណ្យភ្ជុំបិណ្ឌ ក្រសួងសុខាភិបាលកម្ពុជាថ្ងៃទី៨ខែតុលា បានឲ្យដឹងថា ​ មានបុរសវ័យ៥០ឆ្នាំបានស្លាប់ ដោយជំងឺផ្ដាសាយបក្សីH5N1 ដែលជាករណីស្លាប់ទី២ ហើយក្នុងឆ្នាំ២០២៣នេះ។ ក្រសួងសុខាភិបាល គូសបញ្ជាក់ថា មាន់របស់ជនរងគ្រោះនិងអ្នកជិតខាងដែលបានងាប់ប្រមាណ៥០ក្បាល ក៏បានចែកចាយឲ្យអ្នកផ្សេងៗបរិភោគផងដែរ។ បុរសជាជនរងគ្រោះ រស់នៅក្នុងភូមិម្រាក់ទាប ឃុំត្រស់ ស្រុករមាសហែក ខេត្តស្វាយរៀង។ នៅចំពោះមុខនេះ ក្រសួងសុខាភិបាលអះអាងថា កំពុងសហការជាមួយភាគីពាក់ព័ន្ធ ស្វែងរកប្រភពចម្លងទាំងលើសត្វនិងលើជនរងគ្រោះ ក៏ដូចជាស្វែងរកករណីសង្ស័យ និងអ្នកប៉ះពាល់ ក្នុងភូមិដែលកើតហេតុនេះ។ ចំណែករដ្ឋបាលខេត្តស្វាយរៀង តាមរយៈសេចក្ដីជូនដំណឹងមួយនៅថ្ងៃទី៩តុលានេះ បានដាស់តឿនឲ្យពលរដ្ឋក្នុងភូមិសាស្រ្តខេត្តស្វាយរៀងទាំងអស់ ហាមយកសត្វបក្សីដែលឈឺ ឬងាប់មកបរិភោគ និងត្រូវរាយការណ៍មកអាជ្ញាធរជាបន្ទាន់ ក្នុងករណីរកឃើញសត្វបក្សីឈឺឬងាប់ក្នុងចំនួនច្រើនមិនប្រក្រតី។ ទន្ទឹមនឹងនេះ ពលរដ្ឋត្រូវបរិភោគសាច់ដែលឆ្អិនល្អ នៅឲ្យឆ្ងាយពីសត្វបក្សីដែលឈឺឬងាប់ និងរក្សាអនាម័យក្នុងការរស់នៅជានិច្ច។ ក្នុងពេលជាមួយគ្នានេះ ក្រសួងសុខាភិបាលកម្ពុជា​ បានក្រើនរំឮកឲ្យពលរដ្ឋប្រុងប្រយ័ត្ននឹងរោគផ្ដាសាយបក្សីH5N1ជានិច្ច ដោយសង្កត់ធ្ងន់ថាវាជាជំងឺធ្ងន់ធ្ងរមួយ ដែលត្រូវការការព្យាបាលឲ្យទាន់ពេលវេលា។ ក្រសួងគូសបញ្ជាក់ថា ថ្វីត្បិតជំងឺនេះមិនងាយឆ្លងពីមនុស្សទៅមនុស្សក្ដី តែវាអាចបំប្លែងខ្លួន ដែលអាចឆ្លងដូចនឹងជំងឺផ្ដាសាយតាមរដូវកាលដែរ។ តាមក្រសួងសុខាភិបាល នេះជាករណីវិជ្ជមានផ្ដាសាយបក្សីទី៥៨ហើយ…

អានបន្ត “ក្រសួងសុខាភិបាលស្នើឲ្យប្រយ័ត្នជានិច្ចចំពោះផ្ដាសាយបក្សី ខណៈរកឃើញអ្នកស្លា.ប់២នាក់ហើយ” »

(ភ្នំពេញ)៖ ក្រសួងសុខាភិបាលកម្ពុជា នៅថ្ងៃទី០៨ ខែតុលា ឆ្នាំ២០២៣នេះ បានប្រកាសថា មានអ្នកជំងឺម្នាក់ត្រូវបានបញ្ជាក់ថា មានវិជ្ជមានវីរុសផ្តាសាយបក្សី ប្រភេទ H5N1 ពីវិទ្យាស្ថានជាតិសុខភាពសាធារណៈ ដែលបុរសនោះអាយុ ៥០ឆ្នាំ មានទីលំនៅក្នុងភូមិ ម្រាក់ទាប ឃុំត្រស់ ស្រុករមាសហែក ខេត្តស្វាយរៀង។

រូបភាពហិង្សាឬឃាតកម្ម តែងតែត្រូវបានចែករំលែកតៗគ្នានៅលើបណ្ដាញសង្គម ដែលរដ្ឋមន្រ្តីក្រសួងព័ត៌មានស្នើឲ្យបញ្ឈប់សកម្មភាពទាំងនេះជាបន្ទាន់ ដើម្បីចៀសវាងផលប៉ះពាល់ផ្លូវចិត្តដល់សាច់ញាតិជនរងគ្រោះនិងអ្នកប្រើប្រាស់បណ្ដាញសង្គម។ ទន្ទឹមនឹងនេះ អ្នកសារព័ត៌មាន ត្រូវយកចិត្តទុកដាក់គោរពឯកជនភាពរបស់ជនរងគ្រោះ ដោយត្រូវបិទបាំងអត្តសញ្ញាណជនរងគ្រោះ មុនការផ្សព្វផ្សាយរូបភាព។ តាមរយៈទំព័រហ្វេសប៊ុកផ្ទាល់ខ្លួននៅថ្ងៃសៅរ៍នេះ រដ្ឋមន្រ្តីក្រសួងព័ត៌មាន លោក នេត្រ ភក្ត្រា បានក្រើនរំឭកឲ្យអ្នកប្រើប្រាស់បណ្ដាញសង្គម បញ្ឈប់ការចែកចាយរូបភាពហិង្សាឬឃាតកម្ម ដែលអាចប៉ះពាល់ដល់ផ្លូវចិត្តសាច់ញាតិរបស់ជនរងគ្រោះ និងអ្នកប្រើប្រាស់បណ្ដាញសង្គមផ្សេងទៀត។​ ការបន្តដាស់តឿននេះ ធ្វើឡើងក្រោយពីលោកសង្កេតឃើញថាមានការចែករំលែករូបភាពឃាតកម្មនិងហិង្សា នៅលើបណ្ដាញទំនាក់ទំនងសង្គមនានា នារយៈពេលប៉ុន្មានថ្ងៃចុងក្រោយនេះ។ ដោយឡែក ចំពោះអ្នកសារព័ត៌មាន រដ្ឋមន្រ្តីក្រសួងព័ត៌មានរូបនេះ​ ​បានសង្កត់ធ្ងន់ពីកាតព្វកិច្ចវិជ្ជាជីវៈសារព័ត៌មាន ដែលមិនអនុញ្ញាតឲ្យ ផ្សាយអត្ថបទ ឬរូបភាពអាសអាភាសនិងហិង្សានោះឡើយ។ ទន្ទឹមនឹងនេះ អ្នកសារព័ត៌មានត្រូវប្ល័ររូបភាព ឬបិទបាំងអត្តសញ្ញាណរបស់ជនរងគ្រោះ មុនការផ្សព្វផ្សាយ ដើម្បីជាការគោរពដល់ឯកជនភាពរបស់ជនរងគ្រោះ និងស្របតាមក្រមសីលធម៍វិជ្ជាជីវៈ។ សូមបញ្ជាក់ដែរថា ថ្មីៗនេះ ក្រសួងព័ត៌មានក៏បានព្រមានបញ្ឈប់អ្នកសារព័ត៌មាន ឬអង្គភាពសារព័ត៌មានណា ដែលបន្តទារប្រាក់ពីកាស៊ីណូមួយក្នុងខេត្តតាកែវ និងប្រកាសឲ្យចូលមកសារភាព​ ក្នុងរយៈពេលយ៉ាងយូរ១ខែផងដែរ។ ការព្រមាននេះ ធ្វើឡើងនៅប្រមាណ១ខែបន្ទាប់ពីកាស៊ីណូមួយនេះ បានចេញផ្សាយលិខិតជាសាធារណៈថា មានអ្នកសារព័ត៌មានមកពីអង្គភាពដល់ទៅប្រមាណ ៧០០ ទៅ៩០០អង្គភាព បានសុំលុយកាក់ និងបានទទួលការឧបត្ថម្ភពីក្រុមហ៊ុនរហូតមក។ សូមបញ្ជាក់ថា យោងតាមច្បាប់ស្ដីពីរបបសារព័ត៌មាន មាត្រាទី១៤ ក៏បានចែងថា សារព័ត៌មានមិនត្រូវផ្សព្វផ្សាយនូវអ្វីដែលប៉ះពាល់ដល់ប្រពៃណីល្អរបស់សង្គម…

អានបន្ត “រដ្ឋមន្រ្តីក្រសួងព័ត៌មាន ស្នើបញ្ឈប់ការចែកចាយរូបភាពឃាតកម្មឬហិង្សា” »

(ភ្នំពេញ)៖ លោក នេត្រ ភក្ដ្រា រដ្ឋមន្ដ្រីក្រសួងព័ត៌មាន បានព្រមានដល់អ្នកប្រកបវិជ្ជាជីវៈសារព័ត៌មាន ដែលមានការពាក់ព័ន្ធ ឲ្យបញ្ឈប់ជាបន្ទាន់រាល់សកម្មភាពល្មើសច្បាប់ និងតម្រូវឲ្យផ្ដល់ការសហការដោះស្រាយ បញ្ហាបង្កើតឡើងដោយសកម្មភាពល្មើសច្បាប់។ នេះបើតាមលិខិតរបស់លោករដ្ឋមន្ត្រី ដែលបណ្តាញព័ត៌មាន ទទួលបាន។ រដ្ឋមន្ដ្រីក្រសួងព័ត៌មានបានឲ្យដឹងថា កាលពីថ្ងៃទី៥ ខែកញ្ញា ឆ្នាំ២០២៣ ក្រុមហ៊ុន កាស៊ីណូថបដោយអីម៉ិន TOP DIAMAND CASINO បានចេញផ្សាយលិខិតជាសាធារណៈ ដែលមានខ្លឹមសារថា «មានអ្នកសារព័ត៌មានមកពីអង្គភាពប្រមាណ ៧០០ ទៅ៩០០អង្គភាព មានការពាក់ព័ន្ធទៅនឹងការសុំលុយកាក់ និងបានទទួលការឧបត្ថម្ភពីក្រុមហ៊ុនជាហូរហែ»។ ក្រោយពីបានធ្វើការស្រាវជ្រាវយ៉ាងយកចិត្តទុកដាក់ អំពីបញ្ហានេះរួចមក ក្រសួងព័ត៌មាន យល់ឃើញថា ទាំងភាគីក្រុមហ៊ុន ទាំងបណ្តាអង្គភាពសារព័ត៌មាន និងអ្នកសារព័ត៌មានទាំងអស់ ដែលពាក់ព័ន្ធនោះ ពិតជារួមគ្នាធ្វើឲ្យប៉ះពាល់ និងជះឥទ្ធិពលមិនល្អដល់ការប្រកបវិជ្ជាជីវៈសារព័ត៌មាន និងអ្នកប្រកបវិជ្ជាជីវៈសារព័ត៌មានដទៃទៀតនៅកម្ពុជា។ ករណីនេះ ក្រសួងសូមព្រមានជាសាធារណៈចំពោះ៖ ១៖ អ្នកសារព័ត៌មានដែលមានការពាក់ព័ន្ធ ដូចដែលបានចេញផ្សាយដោយក្រុមហ៊ុន កាស៊ីណូ ថបដាយអិម៉ិន TOP DIAMAND CASINO ត្រូវបញ្ឈប់ជាបន្ទាន់នូវសកម្មភាពស្នើសុំ ឬទារប្រាក់នានា។ ក្នុងករណីមិនព្រមបញ្ឈប់សកម្មភាព ដែលជាទង្វើប្រាសចាកពីវិជ្ជាជីវៈ និងក្រមសីលធម៌…

អានបន្ត “រដ្ឋមន្ត្រីក្រសួងព័ត៌មាន ព្រមានចាត់វិធានការចំពោះក្រុមហ៊ុន និងអ្នកសារព័ត៌មាន ដែលធ្វើសកម្មភាពល្មើសច្បាប់ នាំឱ្យប៉ះពាល់ដល់សារព័ត៌មានវិជ្ជាជីវៈ” »

សៀមរាប៖ សេចក្តីប្រកាសព័ត៌មាន របស់ទីភ្នាក់ងារសារព័ត៌ លឹម សំបូរ ញូស៍ & អង្គភាពសារព័តមានមហាខ្មែរ មានកិត្តិយស សូមជម្រាបជូន ពុកម៉ែបងប្អូន និងអាជ្ញាធរគ្រប់លំដាប់ថ្នាក់ មេត្តាជ្រាប់ថា៖ បុគ្គលឈ្មោះ ស៊ាន វ៉ាន់នី  គឺត្រូវបាន អង្គភាពបញ្ឈប់ការងារជាងមួយខែមកហើយ ហើយបានប្រកាសជូនដំណឹងដល់បុគ្ឡលរូបនេះផងដែរ ដើម្បីឲ្យចូលខ្លួនមកដោះស្រាយ នៅអង្គភាព ព្រមទំាងប្រគល់ ឯកសារ និងសម្ភារៈ មកកាន់អង្គភាពវិញ។ ប៉ុន្តែបុគ្គលរូបនេះពុំអនុវត្តតាមបទបញ្ជាផ្ទៃក្នងរបស់អង្គភាពនោះឡើយ។ សូមបញ្ជាំក់ថា៖ បុគ្គលឈ្មោះ ស៊ាន វ៉ាន់នី បានធ្វើឲ្យខូចខាតអង្គភាពយ់ាងធ្ងន់ធ្ងរ ដោយយកថវិការបស់អង្គភាពទៅចាយវាយ និងពុំព្រមបន្តអាជ្ញាប័ណ្ណឲ្យអង្គភាព ដែលអង្គភាពបានឲ្យថវិកាទៅបង់បន្តអាជ្ញាប័ណ្ណ ព្រមទំាងធ្វើការភូតកុហក់រាប់ខែមកកាន់អង្គភាព។ សូមបញ្ជាក់ផងដែរថា ចាប់តំាងពីបុគ្គលរូបនេះចូលមកបំរើការងារនៅអង្គភាព គឺពុំបានធ្វើអ្វីអោយរើកចម្រើនអង្គភាពសោះឡើយ។ ជាមួយគ្នានេះផងដែរ អង្គភាពសារព័ត៌មានមហាខ្មែរ សូមស្នើសុំដល់អាជ្ញាធរពាក់ព័ន្ធ និងពុកម៉ែបងប្អូន មេត្តជួយសហការ ផ្តល់ដំណឹងមកកាន់អង្គភាពយើងខ្ញុំ បើសិនឃើញបុគ្គលរូបនេះប្រើកាតរបស់អង្គភាពសារព័ត៌មានមហាខ្មែរ​ ដើម្បីប្រយោជន៍របស់ខ្លួន សូមជួយផ្តល់ដំណឹងមកកាន់អង្គភាពយើងខ្ញុំ តាមរយៈ តេឡេក្រាមលេខ៖ 012 927 732 / 015 883…

អានបន្ត “សេចក្តីប្រកាសព័ត៌មាន របស់ទីភ្នាក់ងារសារព័ត៌ លឹម សំបូរ ញូស៍ & អង្គភាពសារព័តមានមហាខ្មែរ ស្តីពីការបញ្ឈប់បុគ្គលិក” »

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅរាត្រី ថ្ងៃទី២៧ ខែកញ្ញា ឆ្នាំ២០២៣នេះ បានផ្ញើសារពិសេសមួយជូនសមាជិក សមាជិការាជរដ្ឋាភិបាលកម្ពុជា និងបងប្អូនជនរួមជាតិ ដើម្បីបញ្ជាក់ឱ្យច្បាស់ទាក់ទងនងរឿងពន្ធដារ ដែលមកដល់ពេលបច្ចុប្បន្ននេះ រាជរដ្ឋាភិបាល មិនទាន់មានការសម្រេចនៅឡើយទេ ថានឹងអនុវត្តការប្រមូលពន្ធចំណេញមូលធននៅដើមឆ្នាំ២០២៤ ឬកែសម្រួលយ៉ាងណា ហើយរាជរដ្ឋាភិបាលថ្មីក៏មិនមានបង្កើតពន្ធថ្មីណាមួយ ដើម្បីដាក់បន្ទុកលើប្រជាពលរដ្ឋដែរ។ សម្តេចមហាបវរធិបតី ហ៊ុន ម៉ាណែត ក៏បានបញ្ជាក់អំពីការណែនាំឱ្យ អគ្គនាយក នៃអគ្គនាយកដ្ឋានពន្ធដារ ចេញបំភ្លឺឱ្យច្បាស់លាស់ ពាក់ព័ន្ធនឹងរឿងប្រមូលពន្ធនេះ ដែលនាថ្មីៗនេះ មានការលើកឡើងច្រើននៅតាមបណ្តាញសង្គម និងធ្វើឱ្យប្រជាពលរដ្ឋភាន់ច្រឡំ។

(ភ្នំពេញ)៖ ក្រោយរងការប្រមាថមាក់ងាយយ៉ាងធ្ងន់ធ្ងរ ពីសំណាក់បុគ្គល ផែង វណ្ណៈ ចាងហ្វាងការផ្សាយ Pheng Vannak News។ នៅព្រឹកទី២៧.០៩.២០២៣ បងប្អូនអ្នកសារព័ត៌មានរាប់រយនាក់ បាននាំគ្នាមកដាក់ញត្តិ(ពាក្យបណ្ដឹង-សុំកិច្ចអន្តរាគមន៍)នៅក្រសួងព័ត៌មាន។ ដើម្បីទាមទារឱ្យឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន លុបអាជ្ញាប័ណ្ណសារព័ត៌មាន Pheng Vannak News ដែលមានបុគ្គល ផែង វណ្ណៈ ជាចាងហ្វាង។ ទន្ទឹមនិងនោះលោក ផុស សុវណ្ណប្រតិភូរាជរដ្ឋាភិបាល ទទួលបន្ទុកជាអគ្គនាយកដ្ឋានព័ត៌មាននិងសោតទស្សន៍ ក៏បានទទួលញត្តិ ពីក្រុមអ្នកសារព័ត៌មាន និងទទួលយកសំណើរ របស់បងប្អូនអ្នកសារព័ត៌មាន សម្រាប់ដោះស្រាយ តាមបែបបទរដ្ឋបាល។ -លោក ផុស សុវណ្ណ បានសួរថាៈ តើបងប្អូនមកដាក់ញត្តិ នៅពេលនេះទាមទារអ្វីខ្លះ?។ -ស្រាប់តែបងប្អូនអ្នកសារព័ត៌មានឆ្លើយថាៈ ពួកយើងខ្ញុំទាមទារឱ្យចាត់វិធានការលើឈ្មោះ ផែង វណ្ណៈ ដោយគ្មានការលើកលែង និងសូមឱ្យលុបអាជ្ញាប័ណ្ណសារព័ត៌មាន Pheng Vannak News ។ ព្រោះចាងហ្វាងសារព័ត៌មាន មួយនេះ បានតាំងខ្លួនជាអ្នកជួយសង្គម ដើម្បីមានបង្អែក សម្រាប់ធ្វើការប្រមាថតិះដៀល…

អានបន្ត “អ្នកសារព័ត៌មានរាប់រយនាក់ ប្ដឹងសុំលុបអាជ្ញាប័ណ្ណសារព័ត៌មាន របស់បុគ្គល ផែង វណ្ណៈ ខណៈ គណនីមួយបង្ហោះវីដេអូថាបុគ្គល ផែង វណ្ណៈ ធ្លាប់យកកាតបាញ់សុំលុយនៅកន្លែងជល់មាន់នៅខេត្តកំពង់ចាម” »

ចៅក្រមសាលាដំបូងរាជធានីភ្នំពេញ លោក ទិត សុធីបូរាឆាត និងតំណាងអយ្យការលោក ស៊ន មុនី នាព្រឹកថ្ងៃទី ២៧ខែកញ្ញា ឆ្នាំ២០២៣នេះ បានលើកយកសំណុំរឿងអាស្រូវរបស់ឧកញ៉ា លាន អាហ្វ្រីលគីនីន មកបើកសវនាការជំនុំជំរះទោស។ លោកចៅក្រមសវនាការបានថ្លែងថា ជនជាប់ចោទ លាន អាហ្វ្រីលគីនីនត្រូវបានតុលាការចោទប្រកាន់ពីបទពីបទ «មិនបំពេញកតព្វកិច្ចចំពោះឧបករណ៍ដែលអាចជួញដូរបាន» ប្រព្រឹត្តកាលពីថ្ងៃទី ០២ខែតុលា ឆ្នាំ២០២១ នៅរាជធានីភ្នំពេញ។ នៅក្នុងសវនាការ ដោយសាអវត្តមានជនជាប់ចោទ លាន អាហ្វ្រីលគីនីន តុលាការបានបង្ហាញអង្គហេតុថា៖ កាលពីថ្ងៃទី ០២ខែតុលា ឆ្នាំ២០២១ ឈ្មោះ លាន អាហ្វ្រីលគីនីន និងឈ្មោះ ព្រុំ សុភិន ជាម្ដាយបានទៅជួបពាណិជ្ជករម្នាក់ដើម្បីខ្ចីប្រាក់ចំនួន ៣៥ ០០០ ដុល្លារ ដោយព្រមព្រៀងគ្នាបង់ការប្រាក់ចំនួន ២,២ ភាគរយ ក្នុងមួយខែ រយៈពេល ១២ ខែ ហើយឈ្មោះ លាន អាហ្វ្រីលគីនីន បានចេញមូលប្បទានប័ត្រធនាគារ ព្រីនស៍ ម.ក ជាការទូទាត់សងប្រាក់ដើមវិញ…

អានបន្ត “កាត់ ទោ.ស ឧកញ៉ាលាន អាហ្វ្រីលគីនីនចេញសែកស្អុយសងម្ចាស់បំណុល” »

(ភ្នំពេញ)៖ សារព័ត៌មានជាច្រើនអង្គភាព បានប្រកាសថ្កោលទោស ចំពោះបុគ្គលឈ្មោះ ផែង វណ្ណៈ ជាចាងហ្វាងការផ្សាយ Pheng Vannak News។ ដែលបានប្រើគណនីហ្វេសប៊ុកឈ្មោះ ផែង វណ្ណៈ និងឈ្មោះ Pheng Vannak News មកធ្វើការប្រមាថតិះដៀលមាក់ងាយ បងប្អូនអ្នកសារព័ត៌មានយ៉ាងធ្ងន់ធ្ងរ ដែលមិនអាចទទួលយកបាន។ ដូចជាការប្រើពាក្យថា«ពួកអាកាសែតខ្ចប់មមីសមាន់មួយរៀលៗ ពាក់កាតដើរសុំលុយគេ ពាក់កាតដើរឡាយតាមផ្ទះគេអ្នករកស៊ី ដេញចាប់រថយន្តដឹកជ្រូកដឹកឈើដឹកគោក្របី ដូចពួកចាប់ជំរិត។ ឈ្មោះ ផែង វណ្ណៈ បន្តថា ដឹងព័ត៌មានហើយមិនផ្សាយ បែរជាយកព័ត៌មាននោះទៅគោះសុំលុយគេ ក៏ស្មើនឹងពួកចាប់ជំរិតដែរ ។ ឈ្មោះ ផែង វណ្ណៈ អះអាងទៀតថា សមត្ថភាពប៉ុនខ្លួន តើឱ្យទៅពាក់កាតដើរឡាយ តាមចិញ្ចើមផ្លូវដូចពួកអាឆ្កួតអស់នឹង ម្ដេចនឹងកើត? មិនតែប៉ុណ្ណោះបុគ្គល ផែង វណ្ណៈ “ក៏បានចាត់ទុកបងប្អូនអ្នកសារព័ត៌មានទាំងពូជ មិនស្មើនិងចុងក្រចកជើងរបស់ខ្លួន”និងបានបង្ហោះភ្ជាប់រូបភាព ដោយសរសេរសំណេរថា ពួកអាកាសែតរហេមរហាមទៀតផង»។ ការប្រមាថមកលើអ្នកសារព័ត៌មានយ៉ាងធ្ងន់ធ្ងរពីសំណាក់បុគ្គល ផែង វណ្ណៈ ត្រូវបានគេចែកចាយតាមបណ្ដាញសង្គមនៅពេលថ្មីៗនេះ ។ ទង្វើរបស់បុគ្គលឈ្មោះ ផែង…

អានបន្ត “អង្គភាពសារព័ត៌មានជាច្រើនប្រកាស ថ្កោលទោសចំពោះបុគ្គល ផែង វណ្ណៈ!” »

ភ្នំពេញ៖ ក្រសួងយុត្តិធម៌ រួមនឹងក្រសួងស្ថាប័នជំនាញពាក់ព័ន្ធមួយចំនួនទៀត អាជ្ញាធរពាក់ព័ន្ធ រួមនឹងអង្គការសង្គមស៊ីវិលផងដែរ បានឯកភាពគ្នារៀបចំសិក្ខាសាលាមួយស្តីពី ការពិគ្រោះយោបល់លើព្រះរាជក្រឹត្យស្តីពី «ការបង្កើត ការរៀបចំ និងកិច្ចដំណើរការរបស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ»។   សិក្ខាសាលានេះបានធ្វើឡើងក្រោមវត្តមាន លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ នៅបណ្ឌិតសភាភូមិន្ទយុត្តិធម៌កម្ពុជា នៅព្រឹកថ្ងៃ១៤ ខែកញ្ញា ឆ្នាំ២០២៣។ លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានលើកឡើងនូវចំណុចសំខាន់នៃការបង្កើតយន្តការដោះស្រាយវិវាទក្រៅប្រព័ន្ធតុលាការនេះគឺ ជាទិសដៅអាទិភាពនៃការកែទម្រង់ប្រព័ន្ធយុត្តិធម៌នៅកម្ពុជា ដើម្បីឆ្លើយតបនឹងស្នូលយុទ្ធសាស្ត្របញ្ចុកោណ ដែលប្រកាសចេញក្នុងកិច្ចប្រជុំគណៈពេញអង្គលើកដំបូងដោយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ នេះជាស្នូលមួយធំក្នុងចំណោមស្នូលផ្សេងៗទៀត ដែលជាការពង្រឹងប្រសិទ្ធភាពច្បាប់ និងប្រព័ន្ធយុត្តិធម៌ នៅកម្ពុជា។ ការពង្រឹងប្រសិទ្ធភាពច្បាប់ និងប្រព័ន្ធយុត្តិធម៌ បានដាក់ចេញនូវទិសដៅអាទិភាពជាច្រើន ក្នុងនោះរួមមាន ពាក់ព័ន្ធនឹងការដោះស្រាយវិវាទក្រៅប្រព័ន្ធតុលាការនេះតែម្តង។ លោករដ្ឋមន្ត្រីបាន បានសង្កត់ធ្ងន់ថា សារៈសំខាន់នៃការដោះស្រាយវិវាទក្រៅប្រព័ន្ធតុលាការ ទី១ ជាការបង្កើតនូវជម្រើសផ្សេងៗសម្រាប់ប្រជាពលរដ្ឋ ដោយពលរដ្ឋមិនចាំបាច់មកតុលាការនោះទេ ដោយអាចធ្វើការដោះស្រាយជាមួយនឹងជម្រើសផ្សេងៗ ងាយស្រួលសាមញ្ញ និងនៅជិតពួកគាត់។ ទី២ ជាការបង្កភាពងាយស្រួល ដោយបង្ខិតសេវានេះឱ្យនៅជិតបំផុតចៀសវាងការចំណាយពេលមកតុលាការដែលអាចនៅឆ្ងាយពីពួកគាត់។ ទី៣…

អានបន្ត “ភាគីពាក់ព័ន្ធ កំពុងពិគ្រោះយោបល់លើ ព្រះរាជក្រឹត្យស្តីពី «ការបង្កើត ការរៀបចំ និងកិច្ចដំណើរការរបស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ»” »

កាលពីរសៀលថ្ងៃទី០៥ ខែកញ្ញា ឆ្នាំ២០២៣ នៅសាលប្រជុំ សាលាខេត្តសៀមរាប​បានរៀបចំពិធីប្រកាសឯកឧត្តម ប្រាក់ សោភ័​ណ​ ឋានន្តរសកិ្ត ឧត្តមមន្ត្រីថ្នាក់លេខ៣ អភិបាលរងខេត្ត ត្រូវបានព្រះមហាក្សត្រត្រាស់បង្គាប់ តែងតាំងជាអភិបាលខេត្តសៀមរាប ហើយត្រូវបានធ្វើពិធីប្រកាសចូលកាន់តំណែងជាអភិបាលខេត្តសៀមរាប ជំនួសឯកឧត្តម ទៀ សីហា អភិបាលខេត្ត ដែលត្រូវបានផ្លាស់ប្តូរភារកិច្ចថ្មីក្រោមអធិបតីភាពដ៏ខ្ពង់ខ្ពស់របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ បន្ទាប់ពីលោក ពិនប្រាកដ អភិបាលរងនៃគណៈអភិបាលខេត្តបានធ្វើកិច្ចស្វាគមន៍ និងរបាយការណ៍ស្តីពីសមិទ្ធផលដែលបានកសាង និង អភិវឌ្ឍន៍ក្នុងខេត្ត ព្រមទាំងការងារសន្តិសុខ សណ្តាប់ធ្នាប់សង្គម និង បានលើនូវបញ្ហាប្រឈម និង ឧបសគ្គមួយចំនួន និង ការកំណត់ដែនសមត្ថកិច្ចការទទួលខុសត្រូវរវាងស្ថាប័នជាតិ និង ថ្នាក់ក្រោមជាតិ​ ដើមី្បឱ្យការអនុវត្តភារកិច្ច ទទួលខុសត្រូវក្នុងកិច្ចការរដ្ឋបាលថ្នាក់ក្រោមជាតិឱ្យកាន់តែមានប្រសិទ្ធភាព។ បន្តមកឯកឧត្តម អ៊ូង ចន្ធី អគ្គនាយករង និង ប្រធាននាយកដ្ឋានបុគ្គលិក នៃអគ្គនាយកដ្ឋានរដ្ឋបាល នៃក្រសួងមហាផ្ទៃ បានអាននូវព្រះរាជក្រឹត្យ ស្តីពីការតែងតាំងឯកឧត្តម ប្រាក់ សោភ័ណ្ឌ ឋានន្តរសកិ្ត ឧត្តមមន្ត្រីថ្នាក់លេខ៣ ឱ្យកាន់មុខតំណែងជាអភិបាលនៃគណៈអភិបាលខេត្តសៀមរាប…

អានបន្ត “អភិបាល នៃគណៈអភិបាលខេត្តសៀមរាបត្រូវបានប្រកាសចូលកាន់មុខតំណែងជាផ្លូវការ” »

(ភ្នំពេញ)៖ លោក លន់ បូរី នាយករងសាលា E-School Cambodia ហើយត្រូវបានគេស្គាល់ថា ជាអ្នកពូកែទ្រឹះស្ដីម្នាក់នៅតាមបណ្ដាញសង្គម Facebook ត្រូវបានកម្លាំងកងរាជអាវុធហត្ថចាប់ខ្លួន តាមដីការបស់សាលាដំបូងរាជធានីភ្នំពេញ។ លោក លន់ បូរី ត្រូវបានចាប់ខ្លួននៅថ្ងៃទី០២ ខែសីហា ឆ្នាំ២០២៣នេះ ពាក់ព័ន្ធករណីឆបោក ក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង ប្រព្រឹត្តនៅរាជធានីភ្នំពេញ កាលពីអំឡុងខែមិថុនា ឆ្នាំ២០២៣។ សូមជម្រាបថា កាលពីថ្ងៃទី១៨ ខែសីហា ឆ្នាំ២០២៣កន្លងទៅ ចៅក្រមស៉ើបសួរនៃសាលាដំបូងរាជធានីភ្នំពេញ លោក អួង វុទ្ធា បានចេញដីកាបង្គាប់ឲ្យឃុំខ្លួនជនត្រូវចោទឈ្មោះ លន់ បូរី ទៅមណ្ឌលអប់រំកែប្រែទី១ ដោយអនុវត្តឲ្យបានត្រឹមត្រូវតាមផ្លូវច្បាប់។ យ៉ាងណាមិញ ពាក់ព័ន្ធករណីនេះ E-School Cambodia បានចេញសេចក្ដីជូនដំណឹងមួយបញ្ជាក់ថា នេះជារឿងផ្ទាល់ខ្លួនរបស់បុគ្គល លន់ បូរី គឺមិនជាប់ទាក់ទងនឹងសាលានោះទេ៕

(ត្បូងឃ្មុំ)៖ កម្លាំងគយចល័តតំបន់៦ ដឹកនាំដោយលោក ព្រាប គារ៉ាត ប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៦ បានដឹកនាំកម្លាំងចុះបង្ក្រាបទីតាំងផលិតបារីក្លែងក្លាយ ម៉ាក ESSE មួយកន្លែង និងឃ្លាំងស្ដុកបារីមួយកន្លែងទៀត គ្មានច្បាប់អនុញ្ញាតនៅឃុំដា ស្រុកមេមត់ ខេត្តត្បូងឃ្មុំ ជាប់ផ្លូវចូលមាត់ច្រកទា្វរភាគីដា។ ប្រតិបត្តិការនេះ ធ្វើឡើងនៅថ្ងៃទី២៨ ខែសីហា ឆ្នាំ២០២៣ ដោយមានការចូលរួមពី មន្ត្រីកងរាជអាវុធហត្ថលើផ្ទៃប្រទេស, មន្ត្រីកងរាជអាវុធហត្ថខេត្ត, មន្ត្រីស្នងការដ្ឋាននគរបាលខេត្ត ដោយមានការសម្របសម្រួលពីព្រះរាជអាជ្ញាអមសាលាដំបូងខេត្តត្បូងឃ្មុំ ជំនួសដោយលោក សូ សុវិទ្យា ព្រះរាជអាជ្ញារង អមសាលាដំបូងខេត្តត្បូងឃ្មុំ។ បើតាមសេចក្ដីរាយការណ៍ នៅក្នុងពេលប្រតិបត្តិការរបស់កម្លាំងសមត្ថកិច្ច មានឧកញ៉ាម្នាក់ បានទូរស័ព្ទមកគំរាមសមត្ថកិច្ច ដែលកំពុងអនុវត្តតួនាទីភារកិច្ច ប៉ុន្ដែការគំរាមតាមទូរស័ព្ទមិនមានប្រសិទ្ធភាពឡើយ ពោលកម្លាំងសមត្ថកិច្ចនៅតែបន្ដប្រតិបត្តិការ ហើយអនុវត្តវិធានការច្បាប់យ៉ាងតឹងរឹងបំផុតចំពោះសកម្មភាពខុសច្បាប់នេះ៕

ភ្នំពេញ៖​ ក្រសួងមហាផ្ទែ​ បានចេញសេចក្តីបំភ្លឺ​ ជំវិញប្រសាសន៍​ លោកឧបនាយក ស​ សុខា​ រដ្ឋមន្ត្រីរដ្ឋមន្ត្រីក្រសួងមហាផ្ទៃឱ្យ​ “ការសិក្សាធ្វើប័ណ្ណបើកបរទោចក្រយានយន្ត(ម៉ូតូ) ដែលមានកម្លាំងចាប់ពី«60CC»ឡើងទៅ ដើម្បីចូលរួមទប់ស្កាត់គ្រោះថ្នាក់ចរាចរណ៍ទាំងបច្ចុប្បន្ន និង អនាគត»​ នាថ្ងៃទី២៨ ខែសីហា ឆ្នាំ២០២៣ ក្នុងពិធីប្រកាសចូលកាន់តំណែង និងបំពាក់ឋានន្តរស័ក្តិ នាយឧត្ដមសេនីយ៍ ជូន អគ្គស្នងការ នៃអគ្គស្នងការដ្ឋាននគរបាលជាតិ នៅទីស្តីការក្រសួងមហាផ្ទៃ។ ក្នុងសេចក្តីបំភ្លឺ​ បានបកស្រាយថា​ ក្រោយពីការដកស្រង់ពុំបានពេញលេញស៊ីជម្រៅ និងផ្សព្វផ្សាយអនុសាសន៍​ បានធ្វើឱ្យមតិសាធារណៈមានការយល់ច្រឡំ និងសម្ដែងទស្សនៈផ្សេងៗ។ អាស្រ័យហេតុនេះ អ្នកនាំពាក្យក្រសួងមហាផ្ទៃ សូមបញ្ជាក់ជូននូវស្មារតី និងហេតុផលនៃអនុសាសន៍ដូចមានក្នុងសេចក្តីបំភ្លឺ។

នាយ​ឧត្តម​សេនីយ៍​ ទៀ សីហា ឧបនាយក​រដ្ឋមន្ត្រី ​រដ្ឋមន្ត្រី​ក្រសួង​ការ​ពារ​ជាតិ​ បាន​អញ្ជើញ​ជា​អធិបតី​ក្នុង​ពិធី​ប្រកាស​ប្រគល់​ភារកិច្ច​ជូន​ឥស្សរជន​ ជា​រដ្ឋ​លេខា​ធិការ​ និង​អនុរដ្ឋ​លេខា​ធិកា​រ ក្រសួង​ការ​ពារ​ជាតិ ​ដែល​ទើប​ត្រូវ​បាន​ព្រះ​មហាក្សត្រ​ រាជ​រដ្ឋាភិបាល ​និង​ក្រសួង​ការ​ពារ​ជាតិ ​តែង​តាំង​ចាស់ ​ថ្មី​ ជា​រដ្ឋលេខា​ធិការ ​អនុ​រដ្ឋលេខា​ធិការ​ ក្នុង​ក្រសួង​ការ​ពារ​ជាតិ ​កាល​ពីចុងសប្ដាហ៍ទី៤ នៃខែ​សីហា ​ឆ្នាំ​២០២៣ ​នៅ​ទីស្ដីការ​ក្រសួង​ការ​ពារ​ជាតិ ​។ សូម​បញ្ជាក់​ថា​ ក្នុ​ង​សេចក្តី​សម្រេច​ស្តី​​ពី​ការ​កំណត់​របៀប​របប​ការ​ងារ​ និង​ការ​បែង​ចែក​ភារកិច្ច​របស់​ថ្នាក់​ដឹក​នាំ​ក្រសួង​ការ​ពារ​ជាតិ​ ដោយ​បាន​កំណត់​ប្រគល់​ភារកិច្ច​ដល់​ នាយ​ឧត្តម​សេនីយ៍ ​ឧបនាយក​រដ្ឋមន្ត្រី ​រដ្ឋមន្ត្រី​ក្រសួង​ការ​ពារ​ជាតិ​ ទទួល​បន្ទុក​ដឹក​នាំ​រួម​ការងារ​របស់​ក្រសួង​ការ​ពារ​ជាតិ ​ចាត់​ចែង​បញ្ជា​រាល់​សកម្ម​ភាព​របស់​ក្រសួង​ការ​ពារ​ជាតិ​លើ​គ្រប់​វិស័យ​ និង​ដឹក​នាំ​ផ្ទាល់​អគ្គ​លេខា​ធិការ​ដ្ឋាន​ ក្រសួង​ការ​ពារ​ជាតិ​, អគ្គ​នាយក​ដ្ឋាន​នយោ​បាយ​ និង​កិច្ច​ការ​បរទេស​, អគ្គ​នាយក​ដ្ឋាន​ស្រាវ​ជ្រាវ​ចារកិច្ច​, មជ្ឈមណ្ឌល​ជាតិ​គ្រប់​គ្រង​កង​កម្លាំង​រក្សា​សន្តិភាព​បោស​សម្អាត​មីន​ និង​កាក​សំណល់​សង្គ្រា ម​ និង​នាយក​ដ្ឋាន​បុគ្គលិក​។ ​ក្រៅ​ពី​នោះ​ក៏​បាន​ប្រគល់​តួនាទី​ភារ​កិច្ច​តាម​ឋានានុ​ក្រម​ ជូន​ដល់​ឯកឧត្តម ​នាយ​ឧត្តម​សេនីយ៍ ​ជា​រដ្ឋលេខា​ធិការ ​ក្រសួង​ការ​ពារ​ជាតិ ​ជា​ប្រធាន ​អនុ​ប្រធាន ​ចំនួន ​៤៤​រូប​ និង​ឯកឧត្តម​ ជា​អនុរដ្ឋ​លេខា​ធិការ​ ក្រសួង​ការ​ពារ​ជាតិ ​ចំនួន​ ៤២​រូប​បន្ថែម​ទៀត​ ជា​អនុ​ប្រធាន…

អានបន្ត “នាយ​ឧត្តម​សេនីយ៍ ​ទៀ ​សីហា ​ប្រគ​ល់​ភារកិច្ច​ជូន​ឥស្សរជន​ ជា​រដ្ឋ​លេខា​ធិការ​ និង​អនុ​រដ្ឋលេខា​ធិការ​ ក្រសួង​ការ​ពារ​ជាតិ​” »

ខេត្តសៀមរាប៖ ដើមគ្រញូងដ៏ធំមួយដើមមានមុខកាត់០.៤០ម៉ែត្រ ប្រវែងជិត ៥ ម៉ែត្រនៅភូមិមណ្ឌុ ៣ក្នុង សង្កាត់ស្លក្រាម ក្រុងសៀមរាប ខេត្តសៀមរាប ជាប់ផ្លូវក្រវ៉ាត់ឧទ្យានអង្គរ ត្រូវបានជនមិនស្គាល់អត្តសញ្ញាណលួចកាប់អារយកទៅបាត់ដោយសុវត្តិភាពបន្សល់ទុកនៅតែចុងហើយនិងគល់។ នេះបើតាមប្រភពរាយការណ៍ពីពលរដ្ឋនៅយប់ថ្ងៃអាទិត្យព្រឹកថ្ងៃចន្ទទី២១ខែសីហា២០២៣ បានឱ្យដឹងថាក្រញូង១ដើមមានជនខិលខូចមិនស្គាល់អត្តសញ្ញាណបានលួចអារកាត់ដឹកនាំយកទៅបាត់ស្រមោល។ ហើយ ដើមឈើគ្រញូងទាំងនោះ គ្រប់គ្រងដោយ អាជ្ញាធរជាតិអប្សរា។ ជុំវិញករណីការលួចអារកាត់ដើមគ្រញូងនេះ គេនៅពុំទាន់ឃើញស្ថាប័នអាជ្ញាធរជាតិអប្សរាចេញសេចក្ដីបំភ្លឺនៅឡើយទេ។ ហើយក៏សូមបញ្ជាក់ផងដែរថា ជនខិលខូចដែលតែងតែលួចកាប់ដើមក្រញូងនៅក្នុងព្រៃឧទ្យានការពារអង្គរនេះ ពុំមានជាលើកទី១នោះទេគឺរាប់ភ្លេចដងហើយដែលគេលួចកាប់។ ក៏ប៉ុន្តែមិនដែលឃើញសមត្ថកិច្ចឬអាជ្ញាធរណា.? ជាពិសេសគឺអាជ្ញាធរអប្សរាតែម្តង វែកមុខបង្ក្រាបចាប់ខ្លួនជនដែលប្រព្រឹត្តមកផ្ដន្ទាទោសបានម្ដងណានោះឡើយ។ តាមប្រភពពលរដ្ឋលើកឡើងថា បើពលរដ្ឋស្លូតត្រង់វិញ កុំថាឡើយដល់តែលួចកាប់ដើមឈើរស សូម្បីតែចូលរកអុសងាប់ក៏មិនបានដែរ ហើយបើធ្វើខ្ទមឬរោងបន្តិចបន្តួចនៅកៀនកោះចន្លោះណាក៏អាជ្ញាធរអប្សរាដឹងឮចុះមករូសរើខ្ទិចខ្ទីអស់ដែរ។ ចុះហេតុអ្វីដើមឈើក្រញូងជាច្រើនដើមដែលត្រូវគេលួចកាប់អារជាបន្តបន្ទាប់កន្លងមកក៏ដូចជាបច្ចុប្បន្នពុំដែលឃើញអាជ្ញាធរអប្សរាចាប់ឃាត់នាំខ្លួនជនទាំងនោះមកដាក់ទោសទាន់តាមច្បាប់ចឹង.ហេតុអ្វីទៅ.ឬ.? មហាជនសូមស្នើរដល់អាជ្ញាធរនិងមន្ត្រីជំនាញពាក់ព័ន្ធនិងអាជ្ញាធរអប្សរាជួយទប់ស្កាត់ផងទាន បើទុកនៅបណ្ដែតបណ្ដោយតែយ៉ាងនេះបន្តទៀតព្រៃឈើក្នុងតំបន់ឧទ្យានអនុរក្សការពារប្រាសាទអង្គរច្បាស់ជាវិនាសហិនហោចអស់ជាពុំខាន៕

ខេត្តឧត្តរមានជ័យ៖ មន្ត្រីយោធាម្នាក់យកតួនាទីឋានៈរបស់ខ្លួនរកស៊ីបទល្មើសព្រៃឈើធ្វើឲ្យមានការរិះគន់ចំៗទៅលើមន្ត្រីយោធារូបនេះថាស៊ីប្រាក់ខែរដ្ឋទៅរកស៊ីដឹកជញ្ជូនអនុផលព្រៃឈើផ្ទុយទៅនិងច្បាប់ចែងថាមន្ត្រីមានសមត្ថកិច្ចមានតួនាទីជាអ្នកថែរក្សា ការពារនិងបង្ក្រាប។ តាមសេចក្តីរាយការណ៍បានឲ្យដឹងថាមេឈ្មួញឈើដ៏មានឥទ្ធិពលប្រចាំស្រុក ត្រពាំងប្រសាទ ឈ្មោះ លោក រី យកតួនាទីជាមន្ត្រីយោធា យកអំណាចរបស់ខ្លួនដឹកជញ្ជូនឈើរាប់សិបឆ្នាំមកហើយបែរជាមន្ត្រីជំនាញអសកម្មមិនហ៊ានបង្ក្រាបទុកឱកាសឲ្យឈ្មួញឈើរកស៊ីដឹកជញ្ជូនឈើខួបប្រាំងខួបវស្សារាប់សិបឆ្នាំមកហើយ។ ឮជាក់ស្ដែងឈ្មួញខាងលើបានធ្វើសកម្មភាពដឹកឈើតាមរយៈរថយន្តម៉ាក លី៎ប្រូ កូរ៉េ ពណ៌ខៀវ ពាក់ស្លាកលេខឧត្តរមានជ័យ(2A-4780) ស្ទើររាល់ថ្ងៃ យ៉ាងគគ្រឹកគគ្រេងគ្មានការរំខានពីសំណាក់ អាជ្ញាធរមូលដ្ឋាន និងសមត្ថកិច្ច មន្ដ្រីជំនាញពាក់ព័ន្ធនៅក្នុងស្រុក និងខេត្តចុះរបង្ក្រាបសោះឡើយ។ ប្រជាពលរដ្ឋក្នុងស្រុក ត្រពាំងប្រាសាទបានស្នើឱ្យ ឯកឧត្តមនាយឧត្តមសេនីយ៍ សៅ សុខា មេបញ្ជាការកងរាជអាវុហត្ថលើផ្ទៃប្រទេស និង ឯកឧត្តម សាយ សំអាល់ រដ្ឋមន្ត្រីក្រសួង បរិស្ថាន សូមឯកឧត្តម មានចំណាត់ការចំពោះមន្ត្រីជំនាញអសកម្មនិងអ្នកពាក់ព័ន្ធក្នុងស្រុកផងទាន។ ជុំវិញការរិះគន់ខាងលើអង្គភាពសារព័ត៌មានយើងពុំអាចសុំការបំភ្លឺពីលោក រី ឈ្មួញឈើដុះស្លែដែលយកឥទ្ធិពល មន្ត្រីយោធា មករកស៊ីឈើបាននៅឡើយទេ ប៉ុន្តែអង្គភាពយើងរង់ចាំការបំភ្លឺពីគ្រប់អ្នកពាក់ព័ន្ធគ្រប់ម៉ោងធ្វើការ៕

សៀមរាប៖ ជាការពិតណាស់ក្រុមអ្នកញៀនល្បែងស៊ីសងភាគច្រើននៅខេត្តសៀមរាប ច្បាស់ណាស់ថា បានស្គាល់មេបនល្បែងយ៉ាងធំឈ្មោះ ភា ហើយនិងកោតរសើរថាក្រៅពីលោក ភា គ្មានអ្នកណាអាចបើក ល្បែងស៊ីសងបានទេនៅខេត្តសៀមរាបនេះ ។ តើមូលហេតុអ្វីបានជាលោក ភា អាចបើកល្បែងស៊ីសង បានរាប់ឆ្នាំប្រចាំអាណាចក្រខេត្តសៀមរាប រហូតមកដល់សព្វថ្ងៃនេះ សំណួរនេះពិតជាមិនពិបាករកចម្លើយនោះទេ មូលហេតុដែល លោក ភា អាចបើកល្បែងស៊ីសងបានដោយគ្មានការរំខានពីសមត្ថកិច្ច ពីព្រោះថាលោក ភា គឺជាឈ្មួញល្បែងដុះស្លែម្នាក់ប្រចាំខេត្តសៀមរាប ដែលបានស្គាល់ចិត្តថ្លើម សមត្ថកិច្ចគ្រប់ជាន់ថ្នាក់និងចេះស្គាល់ពីរបៀបសែនព្រេនតាំងពីក្រោមរហូតដល់លើផងដែរ បើមិនដូច្នោះទេលោកភា ក៏មិនអាចឈរជើងបើកល្បែងស៊ីសងបានដែរ ប្រាកដណាស់ថាសមត្ថកិច្ចនិងចុះទៅបង្ក្រាបជាមិនខាន ។ ជាក់ស្តែងបច្ចុប្បន្ននេះថៅកែបនល្បែងឈ្មោះ ភា នេះបានបើកលេងល្បែងអាប៉ោងយ៉ាងរលូនទាំងយប់ទាំងថ្ងៃនៅ ចំណុចផ្ទះរបស់បុរសម្នាក់ឈ្មោះ សេង ដែលមានទីតាំងស្ថិតនៅ ភូមិថ្លុកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប ចូលតាមចំណុចផ្សារត្រាំនាគ ខាងត្បូងផ្សារ បន្តដំណើរតាមផ្ទះសំណាក់ ផន សោភា ទៅកើតប្រហែល២៥០ម៉ែត្រ រួចបត់ស្តាំ ចូលប្រហែល១៥ម៉ែត្រ គឺដល់ចំណុចទីតាំងតែម្តង។ បើតាមប្រភពព័ត៌មានពីប្រជាពលរដ្ឋដែលរស់នៅក្បែរទីតាំងខាងលើនេះបានប្រាប់ថាវង់ល្បែងអាប៉ោងរបស់លោក ភា ខាងលើនេះបានបើកលេងទាំងយប់ទាំងថ្ងៃដែលមានក្រុមអ្នកញៀនល្បែងចេញចូលមិនដាច់ ហើយលេងចាញ់ឈ្នះរាប់ពាន់ រាប់ម៉ឺនដុល្លារ ចំណែកការលេងនេះដែរពួកគេបានដូរវិធិសាស្រ្តថ្មី គឺគេមិនដាក់លុយនៅលើតុដូចពេលមុនៗនោះទេ…

អានបន្ត “សមត្ថកិច្ចរកមិនឃើញ ទីតំាងលេងល្បែងស៊ីសងរបស់ឈ្មោះ ភា តែអ្នកសារព័ត៌មានរកឃើញ ហើយគោរពជូនលោកស្នងការខេត្តសៀមរាបពិនិត្យ” »