នាយ​ឧត្តម​សេនីយ៍ ​ទៀ ​សីហា ​ប្រគ​ល់​ភារកិច្ច​ជូន​ឥស្សរជន​ ជា​រដ្ឋ​លេខា​ធិការ​ និង​អនុ​រដ្ឋលេខា​ធិការ​ ក្រសួង​ការ​ពារ​ជាតិ​

81

នាយ​ឧត្តម​សេនីយ៍​ ទៀ សីហា ឧបនាយក​រដ្ឋមន្ត្រី ​រដ្ឋមន្ត្រី​ក្រសួង​ការ​ពារ​ជាតិ​ បាន​អញ្ជើញ​ជា​អធិបតី​ក្នុង​ពិធី​ប្រកាស​ប្រគល់​ភារកិច្ច​ជូន​ឥស្សរជន​ ជា​រដ្ឋ​លេខា​ធិការ​ និង​អនុរដ្ឋ​លេខា​ធិកា​រ ក្រសួង​ការ​ពារ​ជាតិ ​ដែល​ទើប​ត្រូវ​បាន​ព្រះ​មហាក្សត្រ​ រាជ​រដ្ឋាភិបាល ​និង​ក្រសួង​ការ​ពារ​ជាតិ ​តែង​តាំង​ចាស់ ​ថ្មី​ ជា​រដ្ឋលេខា​ធិការ ​អនុ​រដ្ឋលេខា​ធិការ​ ក្នុង​ក្រសួង​ការ​ពារ​ជាតិ ​កាល​ពីចុងសប្ដាហ៍ទី៤ នៃខែ​សីហា ​ឆ្នាំ​២០២៣ ​នៅ​ទីស្ដីការ​ក្រសួង​ការ​ពារ​ជាតិ ​។

សូម​បញ្ជាក់​ថា​ ក្នុ​ង​សេចក្តី​សម្រេច​ស្តី​​ពី​ការ​កំណត់​របៀប​របប​ការ​ងារ​ និង​ការ​បែង​ចែក​ភារកិច្ច​របស់​ថ្នាក់​ដឹក​នាំ​ក្រសួង​ការ​ពារ​ជាតិ​ ដោយ​បាន​កំណត់​ប្រគល់​ភារកិច្ច​ដល់​ នាយ​ឧត្តម​សេនីយ៍ ​ឧបនាយក​រដ្ឋមន្ត្រី ​រដ្ឋមន្ត្រី​ក្រសួង​ការ​ពារ​ជាតិ​ ទទួល​បន្ទុក​ដឹក​នាំ​រួម​ការងារ​របស់​ក្រសួង​ការ​ពារ​ជាតិ ​ចាត់​ចែង​បញ្ជា​រាល់​សកម្ម​ភាព​របស់​ក្រសួង​ការ​ពារ​ជាតិ​លើ​គ្រប់​វិស័យ​ និង​ដឹក​នាំ​ផ្ទាល់​អគ្គ​លេខា​ធិការ​ដ្ឋាន​ ក្រសួង​ការ​ពារ​ជាតិ​, អគ្គ​នាយក​ដ្ឋាន​នយោ​បាយ​ និង​កិច្ច​ការ​បរទេស​, អគ្គ​នាយក​ដ្ឋាន​ស្រាវ​ជ្រាវ​ចារកិច្ច​, មជ្ឈមណ្ឌល​ជាតិ​គ្រប់​គ្រង​កង​កម្លាំង​រក្សា​សន្តិភាព​បោស​សម្អាត​មីន​ និង​កាក​សំណល់​សង្គ្រា ម​ និង​នាយក​ដ្ឋាន​បុគ្គលិក​។

​ក្រៅ​ពី​នោះ​ក៏​បាន​ប្រគល់​តួនាទី​ភារ​កិច្ច​តាម​ឋានានុ​ក្រម​ ជូន​ដល់​ឯកឧត្តម ​នាយ​ឧត្តម​សេនីយ៍ ​ជា​រដ្ឋលេខា​ធិការ ​ក្រសួង​ការ​ពារ​ជាតិ ​ជា​ប្រធាន ​អនុ​ប្រធាន ​ចំនួន ​៤៤​រូប​ និង​ឯកឧត្តម​ ជា​អនុរដ្ឋ​លេខា​ធិការ​ ក្រសួង​ការ​ពារ​ជាតិ ​ចំនួន​ ៤២​រូប​បន្ថែម​ទៀត​ ជា​អនុ​ប្រធាន ​និង​ជា​សមាជិក ​ជួយ​ការ​ងារ​រដ្ឋ​មន្ត្រី​ក្រសួង​ការ​ពារ​ជាតិ​ លើ​ការងារ​នាយក​ដ្ឋាន​អធិការ​កិច្ច​,​ ការ​ងារ​សង្គ្រោះ​គ្រោះ​មហន្តរាយ​,​ ការ ងារសាកល​វិទ្យាល័យ​ការ​ពារ​ជាតិ,​ ការ​កែ​ទម្រង់​កង​យោធ​ពលខេមរ​ភូមិន្ទ​ និង​គណៈ​កម្មការ​ជ្រើស​រើស ​និង​ត្រួត​ពិនិត្យ​លក្ខណៈ​សម្បត្តិ​សិក្ខា​កាម ​មក​បណ្ដុះ​បណ្ដាល​ នៅ​ក្នុងនិង​ក្រៅ​ប្រទេស​, ជួយ​ការ​ងារ​រដ្ឋមន្ត្រី​ក្រសួង​ការ​ពារ​ជាតិ ​លើ​ការ​ងារ​អគ្គ​នាយក​ដ្ឋាន​យោធ​សេវា​, ការ​ងារ​អគ្គនាយកដ្ឋាន​សម្ភារ ​បច្ចេក​ទេស​ និង​នាយក​ដ្ឋាន​បញ្ជូន​សារ​, ជួយ​ការ​ងារ​រដ្ឋមន្ត្រី​ក្រសួង​ការ​ពារ​ជាតិ ​លើ​ការ​ងារ​អគ្គនាយក​ដ្ឋាន​ភស្តុភា ហិ​រញ្ញវត្ថុ​, កែ​ទម្រង់​ហិរញ្ញវត្ថុ​សាធារណ: ​និង​លទ្ធកម្ម​សាធារណៈ,​ ជួយ​កា​រ​ងារ​រដ្ឋមន្ត្រី​លើ​ការ​ងារ​ស្ថាប័ន​តុលា​ការ​យោធា​ ស្ថាប័ន​អយ្យការ​យោធា​ និង​នាយក​ដ្ឋាន​សវនកម្ម​ផ្ទៃ​ក្នុង​, ជួយ​ការ​ងារ​រដ្ឋមន្ត្រី​លើ​ការ​ងារ​នាយក​ដ្ឋាន​វិស្វកម្ម, ជួយ​ការ​ងា​ររដ្ឋ​មន្ត្រី​លើ​ការ​ងារ​វិទ្យាស្ថាន​វិទ្យា​សាស្ត្រ​សុខា​ភិបាល ​កង​យោធ​ពល​ខេមរ​ភូមិន្ទ,​ នាយក​ដ្ឋាន​នីតិ​កម្ម​ និង​ការងារ​យ៉េន​ឌ័រ​ក្រសួង​ការ​ពារជាតិ,​ ការ​ងារ​នាយកដ្ឋាន​ភូមិ​សាស្ត្រ, លើ​ការ​ងា​រមជ្ឈមណ្ឌល​កីឡា​កង​យោធ​ពល​ខេមរ​ភូមិន្ទ, ការ​ងារ​នាយក​ដ្ឋាន​អភិវឌ្ឍន៍,​ ការ​ងារ​អ្នកនាំពាក្យ​ក្រសួង​ការ​ពារ​ជាតិ​ សម្រប​សម្រួល​អ្នក​នាំ​ពាក្យ​អគ្គ​បញ្ជាការ​ដ្ឋាន ​បញ្ជា ការ​ដ្ឋាន​កង​ទ័ព​ជើង​គោក ​ជើង​ទឹក​ ជើង​អាកាស,​ បញ្ជាការ​ដ្ឋាន​កង​រាជ​វុធ​ហត្ថ​លើ​ផ្ទៃ​ប្រទេស​ និង​បញ្ជា ការ​ដ្ឋាន​អង្គរក្ស​, ជួយ​ការ​ងារ​រដ្ឋមន្ត្រី​លើ​ការ​ងារ​កិច្ច​ការ​ព្រំ​ដែន​ និង​ក្រៅ​ពី​នោះក៏​បា​ន​ប្រគល់​ភារកិច្ច​ជូន ​ឯកឧត្តម​រដ្ឋលេខា​ធិការ ​អនុ​រដ្ឋលេខាធិការ​ក្រសួង​ការ​ពារ​ជាតិ ​ទទួល​ការ​ប្រគល់​ភារកិច្ច​ជាក់​ស្ដែង​ដោយ​ផ្ទាល់​ពី​រដ្ឋមន្ត្រី​ក្រសួង​ការ​ពា​រជាតិ​ រដ្ឋ​លេខាធិការ​ក្រសួង​ការ​ពារ​ជាតិ ​ចំនួន​ ២១រូបផ្សេង​ទៀត​។​​ជាមួយគ្នានេះផង​ដែរ​ ក៏​បានសម្រេច​​ប្រគល់​តួនាទី​ភារកិច្ច​ លើ​ការ​ងារ​ទទួល​ដោះ​ស្រាយ ​លិខិត​ស្នាម​ប្រចាំថ្ងៃ​ ជួយ​ដល់​រដ្ឋមន្ត្រី​ក្រសួង​ការ​ពារ​ជាតិ ​ដែល​រួម​មាន៖ ​នាយ​ឧត្តម​សេនីយ៍ ​នាង ផាត រដ្ឋ​លេខា​ធិការ​ក្រសួង​ការ​ពារ​ជាតិ ​លោក​ជំទាវ​នាយ​ឧត្ត​ម​សេនីយ៍​​ ដាំ ​ដារ៉ានី​ រដ្ឋ​លេខា​ធិការ​ក្រសួង​ការ​ពារ​ជាតិ ​និង​នាយ​ឧត្តម​សេនីយ៍ ​សំ វណ្ណថន អគ្គ​លេខាធិ​ការ​ នៃ​ឧត្តម​ក្រុម​ប្រឹក្សា​ការ​ពារ​ជាតិ ​និង​ជា​អគ្គ​លេខា​ធិការ​ដ្ឋាន​ក្រសួង​ការ​ពារ​ជាតិ​។

ក្រៅ​ពី​ការ​ងារ​ខាង​លើ ​ឯកឧត្តម ​លោក​ជំទាវ​ ត្រូ​វ​អនុវត្ត​ភារកិច្ច​ដែល​រាជ​រដ្ឋាភិបាល ​និង​ក្រសួង​ការ​ពារ​ជាតិ ​បាន​ចាត់​តាំង​កន្លង​មក​ គណៈ​កម្មការ​នានា​ ឬ​ក្រុម​ការ​ងារ​ផ្សេងៗ​ទៀត ​ដើម្បី​ចូល​រួម​វេទិកា, ​សិក្ខា​សាលា, ​កិច្ច​ប្រជុំ​អន្តរ​ក្រសួង, ​និង​ចូល​រួម​ការ​ងារ​ផ្សេងៗ​តាម​ការ​ប្រគល់​ភារកិច្ច ​ពី​រដ្ឋមន្ត្រី​ក្រសួង​ការ​ពារ​ជាតិ​។ ឯកឧត្តម ទៀ សីហា ក៏​បាន​សម្តែង​នូវ​ការ​អបអរសាទរ​ចំពោះ​ ឯកឧត្តម លោក​ជំទាវ​ អស់​លោកលោកស្រី ដែ​ល​ត្រូវ​បាន​ព្រះ​មហាក្សត្រ​នៃ​ព្រះ​រាជាណាចក្រ​កម្ពុជា​ ត្រាស់​បង្គាប់​តែង​តាំង​ និង​ការ​សម្រេចពី​រាជ​រដ្ឋាភិបាល​កម្ពុជា ​តែង​តាំងតាមសំណើ​របស់​ក្រសួង​ការ​ពារ​ជាតិ។​

នាយ​ឧត្តម​សេនីយ៍ ​ទៀ សីហា បាន​ថ្លែង​នូវ​ការ​កោត​សរសើរ​ និង​វាយតម្លៃ​ខ្ពស់​ចំពោះឯ​កឧត្តម​ លោកជំទាវ អស់​លោក​ លោកស្រី ជា​រដ្ឋលេខា​ធិការ​ និង​អនុ​រដ្ឋលេខា​ធិការ​ ស្ថាប័ន​-​មេ​បញ្ជាការ​ គ្រប់​ក​ងឯកភាព​នៃ​កង​យោធ​ពល​ខេមរ​ភូមិន្ទ ​ដែល​បាន​រួម​គ្នា​ខិត​ខំ​ប្រឹង​ប្រែង​បំពេញ​ភារកិច្ច​ និង​បេសក​កម្ម​របស់​ខ្លួន​យ៉ាង​ខ្ជាប់​ខ្ជួន​ ប្រកប​ដោយ​ស្មារតី​ទទួល​ខុស​ត្រូវ​ ហើយ​សម្រេច​បាន​នូវសមិទ្ធ​ផល​ជា​ច្រើន​ គួរ​ឱ្យ​កត់​សម្គាល់​នា​ពេល​កន្លង​មក​។​ឯកឧត្តម​ ឧបនាយក​រដ្ឋមន្ត្រី​ រដ្ឋមន្ត្រី​ក្រសួង​ការ​ពារ​ជាតិ ​ក៏​បាន​លើក​ឡើងដែរ​ថា​ ​នាយ​ទាហាន​ដែល​ជា​ឥស្សរជន​ថ្នា​ក់​រដ្ឋ​លេខា​ធិការ​ អនុ​រដ្ឋ​លេខា​ធិការ​ គឺ​ជា​សេនា​ធិការ​មួយដ៏​សំខាន់​រប​ស់ក្រសួង​ការ​ពារ​ជាតិ ​ក្នុង​ការ​តាក់​តែង​ច្បាប់ ​បទ​ដ្ឋាន​គតិ​យុត្តិនានា ​សម្រាប់​វិស័យ​ការពារជាតិ ​ដែល​មិន​អាច​ខ្វះ​បាន​ ក្នុ​ង​តួនាទី​ភារកិច្ច​ចូល​រួម​ការពារ​អធិប​តេយ្យ ​បូរណភាព​ទឹក​ដី​ និង​សេចក្តី​សុខសាន្ត​សម្រាប់​ប្រទេស​ជា​តិ និង​ប្រជា​ជ​ន​។​

នាយ​ឧត្តម​សេនីយ៍ ​ទៀ សីហា បាន​ផ្តាំ​ផ្ញើ​ដល់​ឥស្សរ​ជន​ជា​រដ្ឋលេខា​ធិការ ​និង​អនុរ​ដ្ឋលេខា​ធិការ​ ទាំង​អស់​បន្ត​ថែ​រក្សា​សមិទ្ធផល​ ដែល​មាន​នៅ​ពេល​នេះ​ឱ្យនៅ​គង់​វង្ស​ត​ទៅ​មុខ ​ដោយ​ត្រូវ​យក​ចិត្ត​ទុក​ដាក់​ពង្រឹង​ពង្រីក​សាមគ្គីភាព​ឯកភា​ព​ផ្ទៃ​ក្នុង​ លើ​ការ​អនុវត្ត​ការ​ងារ​ ឱ្យ​កាន់​តែ​មាន​ប្រសិទ្ធ​ភាព​ តាម​ឋានានុ​ក្រម ​ក្នុង​ការ​បម្រើ​ឱ្យ​គ្រប់​សកម្មភាព ​របស់​កង​យោធ​ពល​ខេមរ​ភូមិន្ទ​ នា​អាណត្តិ​ថ្មី​នេះ ​កាន់​តែ​មាន​ភាព​ជោគ​ជ័​យ​។ ជា​ការ​ពិត​ នៅ​ក្នុង​នីតិកាល​ទី​៦​ នៃ​រដ្ឋសភា​ រយៈ​ពេល​៥ឆ្នាំ​កន្លង​មក​នេះ ​នាយ​ទាហាន​ ពល​ទាហាន​ នៃ​កង​យោធ​ពល​ខេមរ​ភូមិន្ទ​ បា​នពុះពារ​បំពេញ​ការងារ​តួនាទី ​ភារកិច្ច​ ដែ​ល​រាជរដ្ឋាភិបាល ​និង​ក្រសួង​ការ​ពារ​ជាតិ​ប្រគល់​ជូន​ និង​ទទួល​បាន​លទ្ធផល​គួរ​ជាទីមោទនៈ​។

ឯកឧត្តម ​រដ្ឋមន្ត្រី ​ក៏បាន​បញ្ជាក់​ជូន​ឥស្សរជ​នចាស់​ ថ្មី ជា​រដ្ឋលេខា​ធិការ​ និង​ជា​អនុរដ្ឋ​លេខា​ធិការ​ ក្រសួង​ការ​ពារ​ជាតិ​ ដែល​ត្រូវចូល​មក​កាន់​មុខ​តំណែង​ថ្មី​ ហើយ​បា​នប្រកាស​ប្រគល់​ភារកិច្ច​នា​ពេល​នេះ ​ត្រូវ​បន្ត​វេន​ក្នុង​ការ​បំពេញ​តួនាទី​ភារកិច្ច ​ឱ្យ​ទទួល​បាន​កាន់​តែ​ជោគ​ជ័យ​ធំៗ​ថ្មីៗ​បន្ថែម​ទៀត​ ជូន​ក្រសួង​ការ​ពារ​ជាតិ ​កង​យោធ​ពល​ខេមរ​ភូមិន្ទ និង​រាជ​រដ្ឋាភិបាល​ថ្មី​ នីតិកាល​ទី​៧ ៕