រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នៅថ្ងៃទី២៨ សីហា ឆ្នាំ២០២៣នេះ បុរសម្នាក់ដែលប្រើអំពើហិ.ង្សាទៅលើនារីម្នាក់តាមផ្លូវ រឿងជិះម៉ូតូសាចទឹក ត្រូវបានកម្លាំងនគរបាលខណ្ឌសែនសុខ ហើយនិងប៉ុស្តិ៍ទឹកថ្លា ឃាត់ខ្លួនបានហើយ នៅចំណុចផ្ទះជួលមួយកន្លែង ស្ថិតក្នុងភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ និងត្រូវបានបញ្ជូនទៅកាន់អធិការដ្ឋានខណ្ឌសែនសុខ ដើម្បីចាត់ការតាមនីតិវិធី ។
នេះបើយោងតាមលោកវរសេនីយ៍ឯកហួរ ម៉េងវ៉ាង អធិការនគរបាលខណ្ឌសែនសុខ ដែលបានបង្ហោះសារនៅបណ្តាញសង្គមហ្វេសប៊ុក ។ គួររំលឹកថា បុរសម្នាក់ប្រើហិ.ង្សាលើនារីរឿងជិះម៉ូតូសាចទឹក ត្រូវសមត្ថកិច្ចកំពុងស្រាវជ្រាវរកអត្តសញ្ញាណ ហើយ
សូមរំលឹកថា បុរសម្នាក់ដែលបានប្រើហិ.ង្សាដោយវា.យទៅលើនារីម្នាក់តាមផ្លូវ រឿងជិះម៉ូតូសាចទឹកដាក់គ្នា បង្កអោយមានការភ្ញាក់ផ្អើលនៅក្នុងបណ្តាញសង្គម ដោយមានការស៊ែរតៗគ្នានោះ ត្រូវបានកម្លាំងនគរបាលខណ្ឌសែនសុខ សហការការមួយនគបាលប៉ុស្តិ៍ទឹកថ្លាធ្វើការស្រាវជ្រាវ រកអត្តសញ្ញាណហើយ បន្ទាប់ពីនារីរងគ្រោះបានទៅដាក់ពាក្យបណ្តឹង។
តាមនគរបាលប៉ុស្តិ៍ទឹកថ្លាបានអោយដឹងថា អំពើហិ.ង្សាខាងលើនេះបានកើតឡើង កាលពីវេលាម៉ោងប្រមាណ៦លយប់ថ្ងៃទី២៥ ខែសីហា នៅតាមផ្លូវបេតុង ក្នុងភូមិទឹកថ្លាខណ្ឌសែនសុខ បន្ទាប់ពី ភ្លៀងបានរាំង។
តាមនគរបាលខណ្ឌសែន បានអោយដឹងថា បន្ទាប់ពីមានអំពើហិ.ង្សា នារីរងគ្រោះបានមកដាក់ពាក្យបណ្តឹងនៅស្នាក់ការនគរបាលប៉ុស្តិ៍ទឹកថ្លា នគរបាលជំនាញ ក៍បានសហការជាមួយមួយនារីរងគ្រោះ នាំទៅបង្ហាញកន្លែងកើតហេតុធ្វើការស្រាវជ្រាវ តាមរយះកាំមេរ៉ាសុវត្តិភាព ដើម្បីរកអត្តសញ្ញាណបុរសរូបនាំមកសាកសួរ។
តាមនគរបាលរូបនោះ អោយដឹងទៀតថា បុរសរូបនោះមិនមែនជាអ្នករស់នៅក្នុងមូលដ្ឋានខណ្ឌសែនសុខនោះទេ ហើយ សមត្ថកិច្ចកំពុងតែទំនាក់ទំនងទៅតាមបណ្តាលប៉ុស្តិ៍នានាដើម្បីស្រាវជ្រាវរកអត្តសញ្ញាណជនដៃដល់រូបនោះ ។ ទោះបីជាយ៉ាងណា ក្នុងបណ្តាញសង្គមក៍បានបង្ហោះរូបជននោះព្រោងព្រាត។
គួរបញ្ជាក់ថា ការប្រើអំពើរហិ.ង្សានេះត្រូវបានអ្នកដំណើរថតបាន ហើយបង្ហោះហេតុការណ៍នោះក្នុងគណនី« Eli mean»ដោយមានខ្លឹមសារថា « ផ្លូវលិចទឹកហើយជិះសាចទឹកដាក់តិចសោះបងស្រីនិងប្អូនប្រុសក៍បានសុំទោសហើយនិយាយស្រួលជាមួយ តែពូនឹងដឹងមិចទេ និយាយមិនចេះស្តាប់ ហើយចង់តែលើកដៃវ៉ៃនិងប្រើពាក្យសម្តីជេរបងស្រីហៅងែងពេញមាត់ ហើយខ្ញុំក៍បានជិះជាមួយពួកគាត់ដែលតែទឹកលិចខ្លាំង ហើយ ម៉ូតូច្រើនហើយក៍សាចទឹកដាក់ គ្រាន់តែរឿងពិននឹងសោះហេតុអីមិនចេះអធ្យាស្រ័យអោយគ្នា »។
បន្ទាប់ពីបានបង្ហោះនូវវីដេអូដែលប្រើហិ.ង្សា ធ្វើអោយអ្នកលេងបណ្តាញសង្គមមានការរិះគន់យ៉ាង ខ្លាំង ទៅលើបុរសរូបនោះដូចកំរោលចូល ដែលហ៊ានលើកដៃវាយនារីទាំងនាងប្រុងសុំទោសហើយនោះ។ មិនតែប៉ុណ្តោះ អ្នកលេងបណ្តាញសង្គមក៏បានអំពាវនាវដល់សមត្ថកិច្ច មានវិធានការតាមផ្លូវច្បាប់ចំពោះជននោះផងដែរ ។
តាមនារីរងគ្រោះ ឈ្មោះពីសី អាយុ២៣ឆ្នាំ បានអោយដឹងថាបន្ទាប់ពីកើតហេតុ នាងមិនចង់អោយអ្នកផ្ទះដឹងនោះទេ ដោយសារតែមានការបង្ហោះវីដេអូរទើបនៅវេលាយប់ក៍បានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលទឹកថ្លា។
នារីរងគ្រោះបានអោយដឹងទៀតថា នៅមុនពេលកើតហេតុ ប្អូនបានទៅដឹកនាងពីកន្លែងធ្វើការដោយសាតែមុននេះមានភ្លៀងដកទឹកលិចផ្លូវ ម៉ូតូទាបខ្លាចរលត់ ប្អូនក៍បានខំរោទិ៍ម៉ាស៊ីនម៉ូតូ ក៏សាចទឹក ហើយពូម្នាក់ស្រែកឡូឡារករឿងហៅ «ង៉ែង» ហើយនាងឈប់ប្រុងសុំទោស ស្រាប់តែគាត់ទះកំផ្លៀង១ដៃចំថ្ពាល់ ហើយប្អូនប្រុសក៍មានការប្រតាយប្រតប់គ្នាតែម្តង។
ក្រោយពីមានការភ្ញាក់ផ្អើលនៅក្នុងបណ្តាញសង្គមក៍បានស៊ែររូបបុរសម្នាក់ ដែលគេអះអាងថា ជាបុរសដែលប្រើអំពើហិ.ង្សានោះ។
តាមការបង្ហោះនិងស៊ែរតៗគ្នា បុរសរូបនោះបានប្រើគណនី ហ្វេសប៊ុក«Ty Sophanna »។ ទោះបីជាយ៉ាងណាគេពុំដឹងថាបុរសរូបនោះមានអសយដ្ឋាន នៅទីណានោះទេ ៕
