រឿងមិនទាន់ចប់ទេ! ប្រជាពលរដ្ឋបានចោទប្រកាន់ មន្ត្រីបំរើការ ស្នាក់ការ តំបន់ការពារទេសភាពអង្គរទារលុយ ២លានរៀល ជាថ្នូរនឹងការដោះលេងក្មេង

សៀមរាប៖ ខាងក្រោមនេះជាចម្លើយ ដែល ប្អូនប្រុស ណុល សំណាង និងបងស្រីបានផ្តល់បទសម្ភាសន៍ឲ្យ ទីភ្នាក់ងារ សារព័ត៌មាន លឹម សំបូរ ញូស៍ & អង្គភាពសារព័ត៌មានមហាខ្មែរ មានដូចខាងក្រោម៖

កាលពីវេលាម៉ោង ៥:៣៧នាទីល្ងាច ថ្ងៃទី១១ ខែមករា ឆ្នាំ២០២៤ ប្អូនប្រុស ណុល សំណាង ត្រូវបានអាជ្ញាធរអប្សរាវាយតប់មកលើខ្លួន រួចហើយ មន្ត្រីអាជ្ញាធរអប្សរាបានដឹករូបប្អូនទៅស្នាក់ការ តំបន់ការពារទេសភាពអង្គរ ដែលប្អូនបានបញ្ជាក់ថាកន្លែងរបស់មន្ត្រីបរិស្ថាន និងបានទាមទាលុយពីខ្លូន។ ក្រោយមកបានប្អូនបានទំនាក់ទំនងទៅសាច់ញាតិដើម្បីឲ្យមកយកលុយមកលួសខ្លួន ។

ពេលនោះបងស្រីរបស់ប្អូន ណុល សំណាង បានធ្វើដំណើរមកពីស្រុកក្រឡាញ់ ខេត្តសៀមរាប ដើម្បីមកចូលដោះស្រាយលួសប្អូនប្រុសចេញទៅវិញ ហើយតម្លៃការលួសជាថ្នូរឲ្យប្អូនប្រុស ណុល សំណាង ចេញរួចខ្លួន គឺបានទារទៅលើប្អូនប្រុសចំនួន ២លានរៀល។
បងស្រីបានចរចាតម្លៃនៃការលួសប្អូនប្រុសឲ្យរួចខ្លួនបានយកប្លង់ដីដែលបានចែកនូវរុនតាឯកទៅបញ្ចាំយកលុយ១លានរៀល

បន្ទាប់មកបងស្រីប្រើពេលរយៈ៤ម៉ោងក្នុងការចរចារនៅសល់លុយ១លានរៀល ទើបកន្លែងទីស្នាក់ការខាងលើ យល់ព្រមទទួលលុយ ១លានរៀល ។

រូបបងស្រីក៏បានបញ្ជាក់បន្ថែមទៀតថា ពេលដែលខ្លួនទៅចរចាលួសប្អូនប្រុសចេញពី ស្នាក់ការ តំបន់ការពារទេសភាពអង្គរ ប្អូនស្រីមិនបានដឹងថាអាជ្ញាធរអប្សរាវ៉ៃតប់ប្អូនរបស់ខ្លួននៅមុខអង្គរនោះទេ។

ទើបតែមកដល់ពេលវេលាម៉ោង ១១ ថ្ងៃត្រង់ ថ្ងៃទី ១២ ខែមករា ឆ្នាំ២០២៤ ទើបរូបនាងបានដឹងថា អាជ្ញាធរអប្សរាបានវាយតប់ប្អូនរបស់ខ្លួននៅមុខអង្គរពិតប្រាកដមែន ដោយនាងបានឃើញតាមសារព័ត៌មាន LS News ( Lim Sambo News) ផ្សាយពីហេតុការណ៍ទំាងនោះផងដែរ។

គួបញ្ជាក់ផងដែរថា នៅថ្ងៃទី ១២ ខែឆ្នាំដដែល រឿងដែលអាជ្ញាធរអប្សរាបានវាយតប់ទៅលើក្មេងប្រុស ណុលសំណាង នោះ ធ្វើឲ្យចាប់អារម្មណ៍ពីមហាជន និងបណ្ដាញសារព័ត៌មានជាច្រើន។ ហើយនៅវេលាម៉ោងប្រហែល ៤:៣០នាទី ដោយមានការភ័យខ្លាចមានទោស ទើបគេឃើញមានក្រុមបរិស្ថានមួយក្រុម នៅស្នាក់ការតំបន់ការពារទេសភាពអង្គរ បានយកលុយ១លានរៀល ដែលពួកខ្លួន និងបក្សពួកបានជម្រិតទារប្អូនប្រុស ណុល សំណាង ១លានរៀល ដោយគ្មានវិក័យប័ត្រ នៃការផាកពិន័យរបស់ច្បាប់នោះ យកទៅប្រគល់ជូនប្អូនប្រុសវិញ ដើម្បីយករួចខ្លួនក្នុងការគេចវេសទារជម្រិតប្រាក់ដោយគ្មានវិក័យប័ត្រពិន័យនោះតែម្ដង ។

ទោះជាយ៉ាងណាអង្គភាពទីភ្នាក់ងារលឹមសំបូរញូស័ & សារព័ត៌មានមហាខ្មែរ មិនអាចទាក់ទងការជាមួយអាជ្ញាធរនៅតំបន់ការពារទេសភាពអង្គរនោះទេ ព្រោះមិនមានលេខទូរស័ព្ទ ប៉ុន្តែយើងខ្ញុំនៅរងចំាទទួលការស្រាយបំភ្លឺជានិច្ច រាល់គ្រប់ម៉ោងរដ្ឋបាល៕