- Advertisement -
ខេត្តសៀមរាប៖ កម្លាំងការិយាល័យនគរបាលព្រហ្មទណ្ឌកម្រិតធ្ងន់ នៃស្នង ការដ្ឋាននគរបាលខេត្ត សហការជាមួយ កម្លាំងនគរបាលស្រុកស្ទោង ខេត្ត កំពង់ធំ បានស្រាវជ្រាវ បង្ក្រាបក្រុមលួច ម៉ូតូ ចំនួន ៩នាក់ ដ៏សកម្មមួយសំបុកធំ ក្នុងក្រុងសៀមរាប រួមទាំងអ្នកទទួលផលចោរកម្ម បញ្ជូនទៅ តុលាការខេត្តសៀមរាប ។
ជាក់ស្តែងនៅថ្ងៃទី១៤ និង ១៧ ខែកក្កដា ឆ្នាំ២០២៣ នគរបាលខេត្តសៀមរាបបានស្រាវជ្រាវនិងបង្ក្រាបមុខសញ្ញាអំពើលួចម៉ូតូដ៏សកម្មមួយសំបុកធំ នៅក្នុងក្រុងសៀមរាបរួមទាំងអ្នកទទួលផលចោរកម្មផងដែរ។
បើតាមលោកវរសេនីយ៍ឯក នួន ស័ក្ដិចំរើនរិទ្ធ ស្នងការរង ទទួលផែនការងារនគរ បាលព្រហ្មទណ្ឌ នៃស្នងការដ្ឋាននគរ បាលខេត្តសៀមរាប បានប្រាប់ តាម តេ លេក្រាម នៅរសៀលថ្ងៃទី១៨ ខែកក្កដា ឆ្នាំ២០២៣ នេះថា
ដោយមានការយក ចិត្តទុកដាក់ខ្ពស់ពីសំណាក់លោកឧត្តម សេនីយ៍ទោ តេង ច័ន្ទណាត ស្នងការនគរ បាលខេត្តសៀមរា ចំពោះបងប្អូនប្រជា ពលរដ្ឋក្នុងខេត្តសៀមរាបទាំងមូល អំពីបញ្ហាសន្តិសុខ សុវត្តិភាព និង កិច្ចសម្រប សម្រួលនីតិវិធីពី លោក ព្រះរាជអាជ្ញា បាន ឱ្យលោកដឹកនាំកម្កាំង ចុះប្រតិបត្តិការស៊ើបអង្គេត និងស្រាវជ្រាវ ករណី អំពើលួច (លួចម៉ូតូ)យ៉ាងសកម្មនៅក្នុង ក្រុង/ ខេត្តសៀមរាប រហូតឈានដល់ឃាត់ខ្លួនជនសង្ស័យ ប្រុស ស្រី ចំនួន០៩នាក់ រួចរៀបចំកសាងសំណុំរឿង បញ្ជូនបន្តទៅតុលាការខេត្ត ដើម្បីចាត់ការបន្តតាមនីតិវិធីច្បាប់ ។
លោក បញ្ជាក់ថា ជន សង្ស័យ ម្នាក់ដែលសមត្ថកិច្ចយើង ឈ្មោះ វិន ជែម ហៅ ចេម ភេទប្រុស អាយុ១៨ឆ្នាំ ឃាត់ខ្លួននៅថ្ងៃទី ១៦.០៧ ២០២៣ វេលា ម៉ោង២០និង៣០នាទីយប់ស្ថិតនៅចំណុចសួនបឹងគីឡូ ស្ថិតនៅភូមិមណ្ឌល ២ សង្កាត់ស្វាយដង្គំ ក្រុង ខេត្តសៀមរាប ដែលជា មុខសញ្ញាពាក់ព័ន្ធនឹងករណី អំពើលួច (លួចម៉ូតូ) បន្ទាប់ពីធ្វើការសាក សួរជន សង្ស័យខាងលើរួច មក កម្លាំងសមត្ថកិច្ចយើងបន្តស៊ើបអង្គេត ស្រាវជ្រាវ ហើយក៏បានឃាត់ខ្លួនក្រុមបក្ខពួកជន សង្ស័យខាងលើ
បន្ថែមទៀតបានចំនួន ០៦នាក់បន្ថែមទៀត :១.ឈ្មោះ ផុន តាណា ហៅខេមរៈ ភេទប្រុស អាយុ៣៣ឆ្នាំ មុខរបរមិនពិតប្រាកដ មានស្រុកកំណើតនៅភូមិព្រែកសំរោង ឃុំរការខ្ពស់ ស្រុកស្អាង ខេត្តកណ្តាល បច្ចុប្បន្នរស់នៅភូមិទី៦ សង្កាត់ចុងឃ្នៀស ក្រុង/ខេត្តសៀម រាប ( ធ្លាប់ជាប់មណ្ឌលស្តានីតិសម្បទាអ្នកញៀនគ្រឿងញៀនរយៈពេល០៣ខែ )
២.ឈ្មោះ ទាន វណ្ណា ហៅតូច ភេទប្រុស អាយុ១៧ ឆ្នាំមុខរបរ មិនពិតប្រាកដ មានស្រុកកំណើតនៅភូមិ ព្រះដាក់ ឃុំព្រះដាក់ ស្រុកបន្ទាយស្រី ខេត្តសៀមរាប ទីលំនៅបច្ចុប្បន្នមិនពិតប្រាកដ ។ ៣.ឈ្មោះ សំ សុភា ហៅរ៉ា ភេទប្រុស អាយុ១៧ឆ្នាំ មុខ របរមិនពិតប្រាកដ មានស្រកកំណើតនៅភូមិភ្នំក្រោម សង្កាត់ សៀមរាប ក្រុង/ខេត្តសៀមរាប ទីលំនៅបច្ចុប្បន្នរស់នៅមិនច្បាស់លាស់ ។ ៤.ឈ្មោះ ហីម រចនា ហៅ ទី ហ៊ីម ភេទប្រុស អាយុ១៧ឆ្នាំ រស់នៅភូមិវត្តស្វាយ សង្កាត់សាលាកំរើក ក្រុង/ខេត្តសៀមរាប។ ៥.ឈ្មោះ ពត បញ្ញាពេជ្រ ភេទប្រុស អាយុ១៧ឆ្នាំមុខរបរមិនពិតប្រាកដ មាន ទីលំនៅបច្ចុប្បន្នរស់នៅភូមិជ្រាវ សង្កាត់ជ្រាវ ក្រុង/ខេត្តសៀមរាប។
៦.ឈ្មោះ រិទ្ធី យ៉ាស័ក្តិ ភេទប្រុស អាយុ១៧ឆ្នាំ មុខរបរមិនពិតប្រាកដ មានស្រុកកំណើតនៅភូមិសំបុកអក ឃុំកំពុងព្រៀង ស្រុកសង្កែ ខេត្តបាត់ដំបង បច្ចុប្បន្នរស់នៅភូមិត្រៀក សង្កាត់សៀមរាប ក្រុង/ខេត្តសៀមរាប
ក្រោយពីធ្វើការសាកសួរ ជនសង្ស័យបានឆ្លើយសារភាពថា បក្ខពួកខ្លួនបានប្រព្រឹត្តអំពើ (លួចម៉ូតូ )ក្នុងក្រុងសៀមរាប បានម៉ូតូចំនួន១០គ្រឿង ក្នុងពេលធ្វើ សកម្មភាពលួចម៉ូតូបាន បក្ខពួកខ្លួនបានយកទៅលក់បន្តនៅខេត្តកំពង់ធំ។
បន្ទាប់មកនៅថ្ងៃទី១៧ ខែកក្កដា ឆ្នាំ២០២៣ វេលាម៉ោង ១៧ និង ៥០នាទី ល្ងាច កម្លាំងនគរបាលផែនព្រហ្មទណ្ឌ នៃស្នង ការដ្ឋាននគរបាលខេត្តសៀមរាប បានសហការណ៍ជាមួយនិងកម្លាំងអធិ ការដ្ឋាននគរបាលស្រុកស្ទោង នៃស្នងការដ្ឋាននគរបាលខេត្តកំពង់ធំ បានបន្តការ ស្រាវជ្រាវ នឹងឃាត់ខ្លួនជនសង្ស័យ អ្នក ទទួលផលចោរកម្ម ចំនួន០២នាក់ មាន:
១.ឈ្មោះ ជា កុសល ភេទប្រុស អាយុ ៤៤ឆ្នាំ មានទីកន្លែង កំណើត និងទីលំនៅបច្ចុប្បន្នភូមិសានគរ ឃុំសានគរ ស្រុកកំពង់ស្វាយ ខេត្តកំពង់ធំ (ធ្លាប់ជាប់ព័ន្ធនាគារ ចំនួន៤លើក) ។ ២.ឈ្មោះ អិត យន ភេទស្រី អាយុ៣៩ឆ្នាំ មានស្រុកកំណើតភូមិដូង ឃុំដូង ស្រុកស្ទោង ខេត្តកំពង់ធំ និងទីលំនៅបច្ចុប្បន្នភូមិគ្រួរ ឃុំដូង ស្រុកប្រាសាទបល្ល័ង្គ ខេត្តកំពង់ធំ ដែលជាមុខសញ្ញាពាក់ព័ន្ធនឹងករណី ទទួលផលចោរ កម្ម ដោយកន្លងមកជនសង្ស័យទាំងពីរនាក់នេះ តែងតែទទួលទិញម៉ូតូ ដែលបានពីការប្រព្រឹត្តបទល្មើស ពីខេត្តសៀមរាប និងបណ្តាខេត្តផ្សេងៗទៀតផង។
ជនសង្ស័យទាំងពីរនាក់នេះ គឺជាប្តី និងប្រពន្ធ យើងបានឃាត់ខ្លួននៅចំណុចភូមិតាចរ ឃុំទ្រា ស្រុកស្ទោង ខេត្តកំពង់ធំ ។
វត្ថុតាងដកហូតសរុបក្នុងកិច្ចប្រតិបត្តិការណ៍បាន ម៉ូតូចំនួន០៧គ្រឿង ( យើងស្រាវជ្រាវឃើញម្ចាស់ចំនួន០៥គ្រឿង ) ដែលជាម៉ូតូជនសង្ស័យលួចបាន និងទូរស័ព្ទដៃចំនួន០២គ្រឿង ។
បច្ចុប្បន្នជនសង្ស័យ ប្រុស ស្រី ចំនួន ៩ នាក់ ព្រមទាំង អ្នកទទួលផលចោរកម្ម រួមទាំងវត្ថុតាងត្រូវបានកម្លាំងសមត្តកិច្ចជំនាញកំពុងរៀបចំកសាងសំណុំរឿង និងបញ្ជូនខ្លួន ទៅតុលាការ ដើម្បីបន្តនីតិវិធីនិងផ្តន្ទាទោសតាមផ្លូវច្បាប់ ។ ចំណែក ម៉ូតូ ដែល ដកហូត បានពី ជនសង្ស័យ និង អ្នក ទទួលផលចោរកម្ម បានប្រគល់ឱ្យ ជនរងគ្រោះ មួយចំនួនហើយ នៅ សល់ មួយចំនួន កំពុងស្វែងរក ម្ចាស់ មកទទួល យក នូវ ស្នងការដ្ឋាននគរបាលខេត្តសៀមរាប៕ដោយ៖សហការី
- Advertisement -
