ឯកឧត្តម សៀង ណំា តំណាងរាស្រ្តមណ្ឌលខេត្តសៀមរាប ក្នុងការងារមនុស្សធម៌
សៀមរាប៖ តាមរយៈសំណេររបស់ឯកឧត្តម សៀង ណំា តំណាងរាស្រ្តមណ្ឌលខេត្តសៀមរាប៖
នៅរសៀលថ្ងៃទី០៥ ខែកញ្ញា ឆ្នាំ២០២៣ ស្រ្តីម្នាក់ជាប្រជាជនរស់នៅភូមិឬស្សី ឃុំរោងគោស្រុកក្រឡាញ់ ខេត្តសៀមរាប បានផ្ញេីសារមួយមកកាន់ហ្វេសបុករបស់ខ្ញុំ សុំអោយខ្ញុំជួយព្យាបាលជម្ងឺប្តីរបស់គាត់ឈ្មោះ អែក អាត អាយុ៣៦ឆ្នាំ ព្រោះគ្រួសារគាត់មានជីវភាពក្រីក្រលំបាកខ្វះខាត ដោយកន្លងមកគាត់បានចំណាយថវិកាព្យាបាលជេីងប្តីគាត់អស់ហេីយ តែមិនបានជាសៈស្បេីយ ពេលនេះគាត់អស់លទ្ធភាពនឹងព្យាបាលបន្ត។
ដោយឃេីញឆ្អឹងលៀនចេញមកក្រៅដូចរូបភាពនេះ ខ្ញុំមានក្តីរន្ធត់ និងអាណិតអាសូរជាខ្លាំង ក៏បានពិភាក្សាជាមួយលោកក្រុស សារ៉ាត់ ប្រធានមន្ទីរពេទ្យបង្អែកខេត្តសៀមរាប។ លោក ក្រុស សារ៉ាត់ ប្រាប់ថា ករណីនេះព្យាបាលបាន និងមិនយកប្រាក់។
លោក ក្រុស សារ៉ាត់ ក៏បញ្ជាអោយឡានពេទ្យទៅដឹកអ្នកជម្ងឺឈ្មោះ អែក អាត ពីស្រុកក្រឡាញ់ទាំងយប់មកព្យាបាលនៅមន្ទីរពេទ្យបង្អែកខេត្តសៀមរាប។
លុះព្រឹកថ្ងៃទី០៦ ខែកញ្ញា ឆ្នាំ២០២៣ ខ្ញុំបានទៅសួរសុខទុក្ខ និងជូនថវិកា២លានរៀល ដល់ក្មួយប្រុស អែក អាត សម្រាប់ចាយវាយហូបចុកប្រចាំថ្ងៃពេលសំរាកព្យាបាល ហេីយក៏បានជូនថវិកាដល់អ្នកជម្ងឺកំពុងសំរាករួមបន្ទប់ជាច្រេីននាក់ ម្នាក់ៗ៥ម៉ឺនរៀល សរុបថវិកាអស់៣លានទៀត។
ខ្ញុំក៏សូមថ្លែងអំណរគុណដល់ថ្នាក់ដឹកនាំ និងក្រុមគ្រូពេទ្យបង្អែកខេត្តសៀមរាបទាំងអស់ដែលយកចិត្តទុកដាក់ព្យាបាលអ្នកជម្ងឺ និងសូមជូនពរក្មួយប្រុស ព្រមទាំងអ្នកជម្ងឺទាំងអស់ឆាប់ជាសៈស្បេីយ និងបានឆាប់វិលត្រឡប់ទៅផ្ទះវិញ៕
