សៀមរាប៖នៅថ្ងៃទី៩ ខែកញ្ញា ឆ្នំា ២០២៤ វេលាម៉ោងប្រមាណជា១០យប់ មានករណីចោរលួចម៉ូតូមួយគ្រឿងដែលមានផ្លាកលេខ កណ្តាល 1I-9276 ម៉ាក ហុងដា ពណ៌ខ្មៅ របស់បុគ្គលិកខ្លួន ឈ្មោះ តុង ស្រីតូច ភេទស្រី អាយុ ២៣ឆ្នំា បំរើការនៅបន្ទប់ពិគ្រោះព្យាបាលជំងឺទូទៅរបស់ វេជ្ជបណ្ឌិត លេន ឡំា ដែលមានអាសយដ្ឋាន ភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប។
ថ្លែងប្រាប់សារព័ត៌មានថា ក្រោយចោរលួចបាត់ម៉ូតូរបស់ខ្លួននៅក្នុងម៉ោងធ្វើការនោះហើយ ខ្លួនក៏បាននំាម្តាយទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសង្កាត់សាលាកំរើក ដើម្បអោយជួយស្វែងរក ក្រែងរកឃើញ ដើម្បីយកបានមកជិះទៅរៀនសូត្រវិញ ព្រោះ កញ្ញា តុង ស្រីតូច ជានិស្សិតពេទ្យផ្នែកគិលានុប្បដ្ឋាក កំពុងសិក្សានៅសាកលវិទ្យាល័យអង្គរ និងជានិស្សិតក្រីក្រ។
កញ្ញា តុង ស្រីតូច ថ្លែងបន្តថា ខ្លួនធ្វើការនៅ បន្ទប់ពិគ្រោះព្យាបាលជំងឺទូទៅរបស់ វេជ្ជបណ្ឌិត លេន ឡំា បានប្រាក់ខែតែ៥០(ហាសិប)ដុល្លាទេក្នុងខែ។ មិនអាចរកលុយបានបានទិញម៉ូតូជិះទៅរៀនបន្តទៀតបានឡើយ។
ម្តាយរបស់កញ្ញា តុង ស្រីតូច បានទៅសុំជំនួយឧបត្ថម្ភពី វេជ្ជបណ្ឌិត លេន ឡំា ក្រែងបានថវិកាខ្លះមក និងដើរខ្ចីលុយគេបន្ថែមដើម្បីទិញម៉ូតូចាស់មួយគ្រឿងទៀតអោយកូនជិះទៅរៀនបន្ត។ ចំពោះម៉ូតូដែលបាត់នោះ គឺឪពុករបស់ខ្លួន ដែលត្រូវជាជីតារបស់របស់កញ្ញា តុង ស្រីតូច បង់រំលស់យកមកអោយចៅជិះទៅរៀន។ ប៉ុន្តែក្រោយពេលទៅសួរនំាដើម្បីអោយជួយនោះ វេជ្ជបណ្ឌិត លេន ឡំា គ្មានចិត្តសណ្តោះប្រណីដល់បុគ្គលិកខ្លួនសោះនោះឡើយ និងគ្មានការជួយឧបត្ថម្ភដល់បុគ្គលិករបស់ខ្លួនផងដែរ។
ក្រោយមក ម្តាយរបស់កញ្ញា តុង ស្រីតូច ព្រមទំាងកញ្ញាផងនោះ បានមកទីស្នាក់ការរបស់របស់ទីភ្នាក់ងារសារព័ត៌ លឹម សំបូរ ញូស៍ & សារព័ត៌មានមហាខ្មែរ ដើម្បីអោយជួយផ្សាយពីករណីការបាត់ម៉ូតូនោះ។
ក្នុងក្រមខ័ណ្ឌវិជ្ជាជីវៈសារព័ត៌មាន យើងចំាបាច់ត្រូវតែសួរនំាអោយបានច្បាស់លាស់ជាមុនសិន មុននឹងចេញផ្សាយ។ ដោយសារព័ត៌មានយើងខ្ញុំបានទាក់ទងទៅសុំការបំភ្លឺពីប៉ុស្តិ៍នគរបាលរដ្ឋបាលសង្កាត់សាលាកំរើក បានបំភ្លឺថាមានពាក្យបណ្តឹងករណីបាត់ម៉ូតូដូចខាងលើមែន។ បន្តទៀតយើងបានទាក់ទងទៅកាន់វេជ្ជបណ្ឌិត លេន ឡំា ដែលជាម្ចាស់បន្ទប់ពិគ្រោះព្យាបាលជំងឺទូទៅ លោកបានបំភ្លឺថាពិតជាបានត្រូវចោរលួចក្នុងម៉ោងធ្វើការមែន។ សំនួរដែលសារព័តត៌មានយើងខ្ញុំសួរទៅកាន់វេជ្ជបណ្ឌិត លេន ឡំា តើលោកមានចិត្តជួយឧបត្ថម្ភខ្លះទេ ដើម្បីអោយក្មេងមានលិទ្ធភាពទិញម៉ូតូទៅរៀនបន្ត ព្រោះថាឈ្មោះ តុង ស្រីតូច នេះក្រណាស់? វេជ្ជបណ្ឌិត លេន ឡំា ឆ្លើយថាអត់មានទេ។ សំនួរបន្ត ម្តេចបានជាវេជ្ជបណ្ឌិត អោយប្រាក់ខែបុគ្គលិករបស់ខ្លួនតែ៥០ដុល្លាក្នុងមួយខែ ដែលការនេះវាខុសច្បាប់របស់ក្រសួងការងារ? វេជ្ជបណ្ឌិត លេន ឡំា សួរអ្នកសារព័ត៌មានវិញដឹងពីណា? ហើយពីណាអ្នកប្រាប់? បន្តទៀត វេជ្ជបណ្ឌិត លេន ឡំា ថ្លែងថាកញ្ញា តុង ស្រីតូច ជាសិស្សចុះមកធ្វើកម្មសិក្សានៅកន្លែងរបស់ខ្លួន។ ហើយយើងគ្មានគោលការណ៍ ក្នុងការជួយបឧបត្ថម្ភណាមួយនោះទេ។ កុំចេះតែផ្សាយ (នេះជាការគម្រាមមួយមកលើអ្នកសារព័ត៌មានវិជ្ជាជិវៈ)។
ករណីដែល វេជ្ជបណ្ឌិត លេន ឡំា ថាឈ្មោះ តុង ស្រីតូច ជាសិស្សចុះមកធ្វើកម្មសិក្សានេះ យើងទាក់ទងទៅសុំការបំភ្លឺពី លោកវេជ្ជបណ្ឌិត អ៊ុយ ចាន់ថុល ប្រធានគណៈគ្រូពេទ្យខេត្តសៀមរាប។ ដោយលោកវេជ្ជបណ្ឌិត អ៊ុយ ចាន់ថុល ថ្លែងថាគ្មានគោលការណ៍ច្បាប់ឯណាដែលអនុញ្ញាតិតអោយវេជ្ជបណ្ឌិត លេន ឡំា ទទួលសិស្សកម្មសិក្សានោះទេ។ លោក នឹងហៅទៅសួរនំា អំពីរឿងនេះ។
ជាសរុបមក លោកវេជ្ជបណ្ឌិត លេន ឡំា គឺជាមនុស្សដែលមិនចេះទទួលខុសត្រូវ និងគ្មានព្រហ្មវិហារធម៌ ឬចិត្តសប្បុរសណាមួយទៅលើបុគ្គលិករបស់ខ្លួន។ នេះជាករណីចោរលួចម៉ូតូរបស់បុគ្គលិករបស់ខ្លួន ចុះបើអ្នកជំងឺទៅព្យាបាលបាត់សម្ភារៈ ឡាន ម៉ូតូ ឬក៏ការព្បាបាលខុសបច្ចេកទេសណាបណ្តាលអោយស្លាប់នោះ ក៏ប្រហែលជាលោកវេជ្ជបណ្ឌិត លេន ឡំា នឹងមិនទទួលខុសត្រូវដែរហើយ ព្រោះថាត្រឹមនិស្សិតក្រីក្រ និងជាបុគ្គលិករបស់ខ្លួនប្រឹងប្រែងធ្វើការអោយប្រាក់ខែត្រឹមតែ៥០ដុល្លាក្នុង១ខែ ពេលបាត់ម៉ូតូក្នុងម៉ោងធ្វើការលោកវេជ្ជបណ្ឌិត លេន ឡំា មិនខ្ចីអាណិតអាសូរផងនោះ៕
ជុំវិញករណីខាងលើនេះសារព័ត៌មានហើយខ្ញុំរងចំាការឆ្លើយបំភ្លឺយ៉ាងជាក់លាក់ណាមួយពីលោកវេជ្ជបណ្ឌិត លេន ឡំា រាល់ម៉ោងធ្វើការ។ ដោយ៖ ល.ស
