បុណ្យគម្រប់០៧ថ្ងៃ និង១០០ថ្ងៃ សពឧកញ៉ា ឈាង រ័ត្ន តែម្នាក់ ប៉ុន្តែ ប្រារព្ធពិធីនៅពីរទីតាំងផ្សេងគ្នា
នៅក្នុងលិខិតអញ្ជើញទី១ឃើញថាអ្នកផ្ដើមបុណ្យគឺជាម្ដាយ និងប្អូនៗរបស់ឧកញ៉ាឈាង រ័ត្ន ដោយធ្វើបុណ្យនៅផ្ទះ សាច់ញាតិស្ថិតនៅផ្ទះលេខ១៤២A ផ្លូវលេខR១២ ក្នុងបុរីប៉េងហួតបឹងស្នោរ ។
ចំណែកលិខិតទី២ ដែលបានរៀបចំធ្វើបុណ្យ៧ថ្ងៃនិង១០០ថ្ងៃជូនលោកឧញ៉ាឈាង រ័ត្នដូចគ្នាតែអ្នកផ្ដើមបុណ្យនិងទីតាំងរៀបចំពិធីនៅកន្លែងផ្សេងគ្នា ។ អ្នករៀបចំបុណ្យនេះគឺលោកស្រីនួន ស៊ុន្ទរី ជាភរិយា ហើយទីតាំងពិធីបុណ្យរៀបចំឡើងនៅវត្តវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។
ពិធី បុណ្យនេះ ត្រូវបានរៀបចំ ឡើងក្នុងថ្ងៃតែមួយដូចគ្នាគឺនៅថ្ងៃច័ន្ទ កើត ខែអស្សុជ ឆ្នាំថោះ ត្រូវថ្ងៃទី១៦ តុលា ២០២៣ និងបញ្ចប់នៅថ្ងៃអង្គារ៍ ៣កើត ខែឆ្នាំដដែល ។
តាមរយៈការរៀបចំបុណ្យឧទ្ទិសជូនបុគ្គលអ្នកស្លាប់តែម្នាក់ តែអ្នករៀបចំផ្សេងគ្នាបែបនេះ សបញ្ជាក់ថា សាច់ញាតិលោកឧកញ៉ាឈាង រ័ត្ន ពិតជាមិនត្រូវរ៉ូវគ្នាជាមួយនឹងលោកស្រីនួន ស៊ុន្ទរី ពោលគឺឧកញ៉ាឈាង រ័ត្ន និងលោកស្រីនួន ស៊ុន្ទរី ហៅស្រីអូន ពិតជាបានបែកគ្នាមុនពេលឧកញ៉ាឈាងរ័ត្នទទួលមរណភាពពិតមែន។
បើតាមសំណេររបស់លោកមាសរឹទ្ធី អគ្គនាយករងទូរទស្សន៍ហង្សមាស និងត្រូវជាពូរបស់លោកឧកញ៉ាឈាងរ័ត្នឱ្យដឹងថា ក្មួយស្លា..ប់ ក្មួយផុតទុក្ខ តែអ្នកមានទុក្ខគឺអ្នកនៅរស់ ពេលខ្លះអ្នកសម្តែងអត់ត្រូវរឿងធ្វើឲ្យមហាជនរិះគន់ថែម.ត្រង់ថាបើល្អូកល្អឺនគ្នាយ៉ាងនេះម្តេចបែកគ្នា..? ខ្ញុំយល់ថាបើបានជាកើតឡើងហើយត្រូវដោះរឿងតាមលំនាំរឿងដែលកើតថ្មីមិនបាច់យករឿងល្អូកល្អឺនកាលពីអតីត:កាលមករំលេចទេព្រោះអនុស្សាវរីចាស់វាមិនស៊ីជាមួយរឿងថ្មីនេះទេ..ហើយរឿងថ្មីគឺរឿងចែកផ្លូវគ្នា, មហាជនអ្នកស្តាប់អ្នកតាមដានគេយល់ណាស់..តែត្រូវធ្វីអ្វីឲ្យសមគេជឿផង… កុំព្យាយាមរុញដាក់គ្នាព្រោះរឿងប្តីប្រពន្ធអ្នកដទៃមិនដឹងស៊ីជំរៅទេ.. តែក្មួយខ្ញុំក្រោយពេលស្លាប់បន្សល់ទុកជាប់ខ្លួនមានតែរថយន្តLuxus1គ្រឿងវ៉ាលីខោអាវមួយដែលមានអាវ៣,ខោខាវប៊យ៤,លីអូ៤ស្រោមជើង៣គូរប៉ុណ្ណោះ ៕
