ហោរាសាស្រ្ត៖ តាមការទស្សន៍ទាយសំរាប់ឆ្នាំ២០២៣ របស់ បានអោយដឹងថា អ្នកមានឆ្នាំ ជូត ឆ្លូវ ខាល រោង វក និងកុរ ពិតជាមានលាភ សំណាង អស្ចារ្យណាស់។ សូមអោយបារមីគ្រប់ទីសទីទាំងអស់ជួយថែរក្សា និងជួយសំរេចបំណងដល់ឆ្នាំទាំង ៦ នេះផង សាធុ សាធុ សាធុ…
ខាងក្រោមនេះជាការទស្សន៍ទាយ សំរាប់ឆ្នាំទាំង ៦ ដែលមានរាសីខ្ពស់ត្រដែត លាភ សំណាង អស្ចារ្យ៖
ឆ្នាំជូត រាសីល្អបង្គួរ៖
នៅថ្ងៃនេះការប្រកបការងារឃើញថាជួបនូវបញ្ហាមិនល្អយាយីច្រើនហេតុនេះទោះធ្វើអ្វីក៏ដោយតោងតែប្រយ័ត្នប្រយែងនិងមិនអាចធ្វើអ្វីដោយក្តីប្រមាថបានឡើយ។ទាំងស្ត្រីបុរសទោះធ្វើអ្វីក៏ដោយលោកអ្នកត្រូវប្រយ័ត្នសត្រូវក្បែរខ្លួនបន្តិចព្រោះគេចាំមើលតែលោកអ្នកធ្វេសប្រហែសឬមានចំណុចខ្សោយត្រង់ណាដើម្បីសង្កត់កពន្លិចបន្ថែមប៉ុណ្ណោះ។ចំពោះអ្នកប្រកបរបររកស៊ីជួញដូរមិនមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។ សម្ព័ន្ធស្នេហាកំលោះក្រមុំងាយមានការប្រែប្រួលប្តូរផ្លាស់ពីព្រោះជួនផ្អែមល្ហែមជួនទាស់ទែង។
ឆ្នាំឆ្លូវ រាសីខ្ពស់ត្រដែត៖
ថ្ងៃនេះដួងរាសីរបស់លោកអ្នកមានជោគមានជ័យហើយដំណើរជីវិតមានភាពសុខដុមគ្រាន់គាប់ប្រសើរ។ទាំងស្ត្រីបុរសបើលោកអ្នកចង់ទំនាក់ទំនងបញ្ហាការងារឬទាក់ទងបញ្ហាប្រាក់កាសតែងឆាប់ទទួលជោគជ័យផងដែរ។ចំពោះអ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកគួរសមហើយផលកម្រៃទៀតសោតគ្រាន់កក់ក្តៅចិត្ត។ រីឯសេចក្តីស្នេហាប្រុសស្រីមានភាពផ្អែមល្ហែមនិងជឿនលឿនទៅមុខជានិច្ច។
ឆ្នាំខាល រាសីល្អបង្គួរ៖
នៅពេលនេះដំណើរជីវិតរបស់លោកអ្នកមិនសូវមានការជឿនលឿនទៅមុខទេពីព្រោះថាផលអាក្រក់នោះឃើញថានៅរារាំងនិងបន្ចច់បង្អាក់ដំណើរច្រើន។អ្នកប្រកបរបររកស៊ីជួញដូរនៅថ្ងៃនេះវិញបើលោកអ្នកចង់បើកធ្វើជំនួញទីជិតឆ្ងាយក៏ប្រសើរដែរពីព្រោះថាលាភប្រាក់កាសក៏តែងផ្តល់មកវិញគ្រាន់ជាទីកក់ក្តៅ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីចូរប្រយ័ត្នភាពប្រចែប្រច័ណ្ឌកើតជម្លោះវិវាទឈានដល់ការបែកបាក់។
ឆ្នាំរោង រាសីខ្ពស់ត្រដែត៖
នៅថ្ងៃនេះបើមានការប្រកបការងារតែងមានភាពរលូនល្អហើយពិសេសអាចបញ្ចប់តាមគោលដៅថែមទៀត។អ្នកអាជីវករទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្ត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។ រីឯបញ្ហាសម្ព័ន្ធស្នេហាប្រុសស្រីបើមានការផ្សំផ្គុំជាគ្រួសារល្អប្រពៃបំផុត។
ឆ្នាំវក រាសីខ្ពស់ត្រដែត៖
នៅថ្ងៃនេះការប្រកបការងារឃើញថាមានការជឿនលឿននិងហុចផលមកវិញគ្រាន់ជាទីកក់ក្តៅ។អ្នកប្រកបរបររកស៊ីជួញដូរនៅថ្ងៃនេះដែរទោះលោកអ្នកជួញទីជិតឆ្ងាយការរកផលកម្រៃមានហូរចូលមួយៗគ្រាន់បើនិងកំពុងកើតវាលកាលកុម្ពត្រជាក់ត្រជុំណាស់ដែរ។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។ រីឯសេចក្តីស្នេហាប្រុសស្រីមានភាពផ្អែមល្ហែមនិងស្រស់ស្រាយប្រពៃណាស់។
ឆ្នាំកុរ រាសីល្អបង្គួរ៖
ក្នុងថ្ងៃនេះការបំពេញកិច្ចការងារអ្វីរបស់លោកអ្នកប្រៀបដូចអុំទូកបញ្ច្រាសទឹកនិងមានតែក្រុមមនុស្សព្យាបាទយាយីច្រើន។ចំពោះក្នុងរង្វង់គ្រួសារវិញស្វាមីភរិយាមានភាពល្អូកល្អិនល្អដូច្នេះត្រូវចេះអត់ឱនឱ្យគ្នាទៅវិញទៅមកទើបរក្សាភាពសុខដុមនេះបានយូរអង្វែង។សម្រាប់អ្នកប្រកបរបររកស៊ីជួញដូរ មួយរយះពេលនេះមានការខ្សត់ខ្សោយក្នុងការរកផលចំណូលណាស់ដូច្នេះគប្បីមានការអត់ធ្មត់ក្នុងមុខរបរបន្តិចទើបប្រសើរ។ រីឯសម្ព័ន្ធស្នេហាប្រុសស្រីជួបរឿងសៅហ្មងនិងសោះកក្រោះច្រើន។
