សម្តេចធិបតី ហ៊ុន ម៉ាណែត ចំអកទៅកាន់អ្នកនយោបាយមួយរូប ដែលរកនិក្ខេបបទថ្នាក់បណ្ឌិតរបស់សម្តេច មិនឃើញ បែរជាទៅពឹងអ្នកកាសែត ឲ្យជួយរកហើយចុះផ្សាយ
ខេត្តកណ្តាល ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី បានចំអកទៅកាន់អ្នកនយោបាយចាស់វស្សាមួយរូប ដែលរកនិក្ខេបបទថ្នាក់បណ្ឌិតរបស់សម្តេច មិនឃើញ បែរជាទៅពឹងអ្នកកាសែត ឲ្យជួយរក ហើយចុះកាសែតថា ជាមនុស្សល្ងង់ ឬអ្នកមិនទាន់រៀនចប់បណ្ឌិត នោះទេ ។ ថ្លែងក្នុងពិធីសំណេះសំណាល ជាមួយកម្មករជិត២ម៉ឺននាក់ នៅខេត្តកណ្តាល នាព្រឹកថ្ងៃទី២ ខែវិច្ឆិកា ឆ្នាំ២០២៣ សម្តេចធិបតី ហ៊ុន ម៉ាណែត នាយករដ្ឋមន្ត្រី បានលើកឡើងថា ៖ «ល្ងាចមិញ ខ្ញុំភ្ញាក់ ដោយសារគេផ្ញើវីឌីអូមក ឃើញអាម្សៀ មួយនោះ (ខ្ញុំឈប់ហៅលោកអ៊ំ ចាស់វស្សាហើយ) បានវាយប្រហារ រឿងនិក្ខេបបទសញ្ញាបត្របណ្ឌិត (PHD) របស់ខ្ញុំថា ហ៊ុន ម៉ាណែត សរសេនិក្ខេបបទ PHD ប្រហែលជាជួលបរទេស សរសេរឲ្យហើយ បានជារកមិនឃើញ ? គាត់ផ្អែកលើជនបរទេស ជាអ្នកកាសែតម្នាក់ ទៅរក ដោយរកមិនឃើញ បានជាចុះកាសែត។ ខ្ញុំថា យ៉ាប់ៗ ឬល្ងង់ម្ល៉េះលោក…

