សៀមរាប: នៅថ្ងៃទី២៦ ខែមិថុនា ឆ្នាំ២០២៥ យោងតាមការផ្តល់ព័ត៌មាន ពីបងប្អូនអាជីវករ និងដោយមានការចង្អុលបង្ហាញ ពីលោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប និងដោយមានកិច្ច សហការល្អ ពីនគរបាលខេត្តសៀមរាប និងនគរបាលខេត្តត្បូងឃ្មុំ កម្លាំងនគរបាលស្រុកប្រាសាទបាគង បានធ្វើការឃាត់ខ្លួនជនសង្ស័យ ចំនួន០១ នាក់ ដែលបានធ្វើសកម្មភាពដេីរដូរលុយតាមស្នាក់ការវីង ក្នុងស្រុកប្រាសាទបាគង តែដោយសារបងប្អូនអជីវករ ធ្លាប់ឃើញភិនភាគជនសង្ស័យរូបនេះ ដូចជនសង្ស័យ ដែលអ្នករងគ្រោះបង្ហោះនៅលើបណ្តាញសង្គមហ្វេសប៊ុគ ពាក់ព័ន្ធ ករណីដាក់ថ្នាំ លួចលុយ(កេងបន្លំលុយតាមស្នាក់ការវីង)កន្លងមក ក៏បានរាយការណ៍ មក អធិការដ្ឋាននគរបាលស្រុកប្រាសាទបាគង ភ្លាមៗកម្លាំងយេីង បានចេញអន្តរាគមន៍ និងនាំជនសង្ស័យរូបនេះ មក អធិការដ្ឋាននគរបាលស្រុកប្រាសាទបាគង ដេីម្បីសាកសួរនាំ ។
បន្ទាប់ពីបានធ្វើការសាកសួរនាំ ទើបយើងដឹងថា ជនសង្ស័យរូបនេះ ជាជនជាតិចិន មានឈ្មោះ LUO GONGZHENG. ភេទប្រុស អាយុ៤៨ឆ្នាំ ក្រោយមកទៀត ដោយមានកិច្ចសហការល្អ រវាង នគរបាលផែនការងារព្រហ្មទណ្ឌខេត្តសៀមរាប និងនគរបាលផែនការងារព្រហ្មទណ្ឌខេត្តត្បូងឃ្មុំ យើងបានស្រាវជ្រាវ ដឹងបន្តទៀតថា ជនសង្ស័យរូបនេះ ធ្លាប់ធ្វេីសកម្មភាពលួចលុយ( កេងបន្លំលុយតាមស្នាក់ការវីង) នៅខេត្តត្បួងឃុំ កាលពីថ្ងៃទី៤ ខែឧសភា ឆ្នាំ២០២៥ បានលុយចំនួន៥០០០ ០០០៛ (ប្រាំលានរៀល)ហើយរត់គេចខ្លួនបាត់។
+ វត្ថុតាងដកហូតបាន
-លុយខ្មែរចំនួន ២០០០០០៛ (មួយម្ភៃម៉ឺនរៀល) និងលុយដុល្លា ចំនួន ១០០$ ((មួយរយដុល្លា) ម៉ូតូចំនួន១គ្រឿង ម៉ាក SUZUKI ពណ៌ខ្មៅ តែមក្រហម ផ្លាកលេខភ្នំពេញ 1BP-1259 ទូរស័ព្ទចំនួន១គ្រឿង ម៉ាកIPHONE ពណ៌មាស មានស្រោមជ័រ ពណ៌ស មានស៊ីម(Metfone) ,មួកសុវត្តិភាពពណ៌ ប្រផេះ និងកាបូបស្ពាយពណ៌ខ្មៅចំនួន១។
បច្ចុប្បន្ន យោងតាមពាក្យបណ្តឹងរបស់ជនរងគ្រោះ ជនសង្ស័យ និងវត្ថុតាង ត្រូវបាននគរបាលខេត្តសៀមរាបយើង ប្រគល់ជូន ស្នងការដ្ឋាននគរបាលខេត្តត្បូងឃ្មុំ ដើម្បីអនុវត្តនិតិវិធី តាមផ្លូវច្បាប់៕
