អ.ស.ប. ជំរុញ​ឱ្យ​កម្ពុជា​លើក​ស្ទួយ​សិទ្ធិ​មនុស្ស​ដូច​ដែល​មាន​ចែង​ក្នុង​រដ្ឋ​ធម្មនុញ្ញ​

ចំពេល​មានការ​ប្រារព្ធ​ទិវា​រដ្ឋធម្មនុញ្ញ​នៅ​ទូទាំង​ប្រទេស​កាលពី​ម្សិលមិញ អង្គការ​សហប្រជាជាតិ​បាន​ចេញ​សេចក្តី​ថ្លែង​ការណ៍​មួយ​ដោយ​ជំរុញ​ឱ្យ​កម្ពុជា​ប្រកាន់​ខ្ជាប់​នូវ​ការ​គោរព​សិទ្ធិមនុស្ស និង​លទ្ធិ​ប្រជាធិបតេយ្យ​សេរី​ពហុបក្ស​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​សេចក្ដីថ្លែង​ការណ៍​នោះ​ថ្លែងថា​៖ «​អង្គការ​សហប្រជាជាតិ លើក​ទឹក​ចិត្ត​ឱ្យ​ព្រះរាជាណាចក្រ​កម្ពុជា​បន្ត​ប្រកាន់ខ្ជាប់ និង​គោរព​សិទ្ធិមនុស្ស​ដែលមាន​ចែង​នៅក្នុង​ធម្មនុញ្ញ​នៃ​អង្គការ​សហប្រជាជាតិ សេចក្តីប្រកាស​ជាស​កល​ស្តីពី​សិទ្ធិមនុស្ស (#UDHR) សន្ធិសញ្ញា​អន្តរជាតិ​នានា ក៏ដូចជា​លទ្ធិប្រជាធិបតេយ្យ​សេរី​ពហុបក្ស ដែល​ត្រូវបាន​ទទួលស្គាល់ និង​មានចែង​នៅក្នុង​រដ្ឋធម្មនុញ្ញ​រប​ស់​ខ្លួន​»​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​សេចក្តីថ្លែងការណ៍​នេះ ធ្វើឡើង​បន្ទាប់ពី​មានការ​លើកឡើង​របស់​អ្នកនាំពាក្យ​ការិយាល័យ​ឧ​ត្ត​ម​ស្នងការ​អង្គការសហប្រជាជាតិ​ទទួលបន្ទុក​សិទ្ធិមនុស្ស​លោកស្រី Ravina Shamdasani ដែល​បាន​និយាយ​នៅក្នុង​សេចក្តីថ្លែងការណ៍​នៅ​ថ្ងៃទី ១១ ខែកញ្ញា​ថា ស្ថានភាព​បច្ចុប្បន្ន​នៅក្នុង​ប្រទេស​កម្ពុជា​គឺ​បង្ហាញឱ្យឃើញ​នូវ​ការ​បំបិទ​សិទ្ធិ​របស់​រដ្ឋាភិបាល​ដែល​រួមមាន​ការបង្ក្រាប​សិទ្ធិ​របស់​ប្រជាពលរដ្ឋ ក្នុង​សេរីភាព​នៃ​ការបញ្ចេញមតិ និង​ការជួបជុំ​ដោយ​សន្តិវិធី​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​សេចក្តីថ្លែងការណ៍​បាន​ថ្លែងថា ការ​បំបិទ​សិទ្ធិ​នេះ​ផ្តោតលើ​អង្គការសិទ្ធិមនុស្ស អ្នកការពារ​បរិស្ថាន និង​អ្នកការពារ​សិទ្ធិមនុស្ស​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​អ្នកនាំពាក្យ​ក្រសួងយុត្តិធម៌​លោក ជិន ម៉ា​លីន បាន​ឆ្លើយតប​នឹង​សេចក្តីថ្លែងការណ៍​កាលពី​ម្សិលមិញ​ដោយ​ពន្យល់ថា រយៈពេល ២៧ ឆ្នាំ​កន្លងមកនេះ ប្រទេស​កម្ពុជា​បាន​អនុវត្ត​នូវ​រាល់​គោលការណ៍​គ្រឹះ​ទំនើប​នៃ​លទ្ធិប្រជាធិបតេយ្យ​ដែលមាន​ចែង​ក្នុង​រដ្ឋធម្មនុញ្ញ​កម្ពុជា រួមមាន​សិទ្ធិ សេរីភាព ការបោះឆ្នោត​តាមបែប​ប្រជាធិបតេយ្យ​ដោយ​សេរី​និង​យុត្តិធម៌ និង​ការបែងចែក​រវាង​អំណាច និង​នីតិរដ្ឋ​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​លោក​និយាយថា​៖ «​សារ​របស់​អង្គការសហប្រជាជាតិ​មិនមាន​អ្វី​ថ្មី​ទេ​។ អ​.​ស​.​ប​. តែងតែ​ផ្ញើ​សារ​បែបនេះ​ទៅកាន់​សមាជិក​រដ្ឋ​ទាំងអស់​របស់ខ្លួន មិន​ត្រឹមតែ​ប្រទេស​កម្ពុជា​ប៉ុណ្ណោះ​ទេ ដោយ​តែងតែ​លើកទឹកចិត្ត​សមាជិក​របស់ខ្លួន​ឱ្យខិត​ខំ​ធ្វើឱ្យ​ប្រសើរឡើង​នូវ​សិទ្ធិមនុស្ស និង​ប្រជាធិបតេយ្យ​»​។​

​លោក​បាន​និយាយថា​៖ «​អង្គការសហប្រជាជាតិ​គិតថា គ្មាន​ប្រទេស​ណា​ដែលមាន​ការអនុវត្ត​សិទ្ធិមនុស្ស​និង​ប្រជាធិបតេយ្យ​ល្អឥតខ្ចោះ​នោះទេ ហើយ​អង្គការសហប្រជាជាតិ​ក៏​មិនមាន​យន្តការ​ដាក់ទណ្ឌកម្ម​ប្រឆាំងនឹង​បញ្ហា​នេះដែរ​»​។ លោក​បន្តថា​៖ «​អ​. ស​. ប​.​គ្រាន់តែ​លើកទឹកចិត្ត​ដល់​រដ្ឋ​ជា​សមាជិក​ឱ្យខិត​ខំប្រឹងប្រែង​ធ្វើឱ្យ​ប្រសើរឡើង​នូវ​ស្ថានភាព​នេះ​»​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​លោក​បាន​និយាយថា​៖ «​យើង​តែងតែ​ព្យាយាម​អនុវត្ត​អនុសាសន៍​របស់​អ​.​ស​.​ប​. ហើយ​យើង​នឹង​បន្ត​អនុវត្ត​» ។​

​លោក សុខ ឥសាន អ្នកនាំពាក្យ​គណបក្ស​ប្រជាជន​កម្ពុជា​បាន​ប្រាប់​កាសែត​ខ្មែរ​ថា​ម​ស៍​កាលពី​ម្សិលមិញ​ថា រដ្ឋាភិបាល​បាន​អនុវត្តតាម​រដ្ឋធម្មនុញ្ញ​យ៉ាង​ត្រឹមត្រូវ ដែលជា​លទ្ធផល​ធានាបាន​នូវ​សន្តិភាព​នៅក្នុង​ប្រទេស​ក​ម្ពុ​ជា​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​លោក​និយាយថា​៖ « ដោយសារតែ​ការអនុវត្ត​រដ្ឋធម្មនុញ្ញ​ត្រឹមត្រូវ​នេះ ទើប​យើង​ទទួលបាន​សន្តិភាព ទន្ទឹមនឹង​ការអភិវឌ្ឍ​នយោបាយ និង​ជាតិ​»​។​

​លោក​បាន​បន្ថែមថា​៖ «​ប្រសិនបើ​យើង​មិនបាន​អនុវត្ត​រដ្ឋធម្មនុញ្ញ​ត្រឹមត្រូវ​ទេនោះ វា​នឹង​មិនមាន​ស្ថេរភាព​នយោបាយ​ទេ ហើយ​ប្រជាជន​ក៏​នឹងមិន​រស់នៅ​ដោយ​សន្តិភាព​ដែរ​» ។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​លោក ប៉ា ចន្ទ​រឿន ប្រធាន​វិទ្យាស្ថាន​កម្ពុជា​ដើម្បី​លទ្ធិប្រជាធិបតេយ្យ បាន​ថ្លែង​កាលពី​ម្សិលមិញ​ថា ទោះបី​មានការ​ធ្វើ​វិសោធនកម្ម​ជាច្រើន​ក្នុង​រយៈពេល ២៧ ឆ្នាំ​ចុងក្រោយ​ក៏ដោយ ក៏​លោក​នៅតែ​ចាត់ទុក​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​ជា​សមិទ្ធិផល​សំខាន់​ដែល​បាន​ជួយ​កសាង​គ្រឹះ​របស់​ប្រទេសជាតិ និង​ជាគោលការណ៍​ណែនាំ​សម្រាប់​នយោបាយ​កម្ពុជា​។​

​លោក​និយាយថា​៖ «​មិន​ត្រឹមតែ​ខ្ញុំ​ម្នាក់ ដែលជា​អ្នកសិក្សា​អំពី​លទ្ធិប្រជាធិបតេយ្យ ប៉ុន្តែ​ក៏មាន​មនុស្ស​ជាច្រើន​ទៀត បាន​ធ្វើជា​សាក្សី​ថា​ការអនុវត្ត​គោលការណ៍​គ្រឹះ​ដូចជា​គំនិត​ប្រជាធិបតេយ្យ​សេរី​ពហុបក្ស និង​ការគោរព​សិ​ទិ្ធ​មនុស្ស​នៅមានកំរិត​នៅឡើយ​។ ការសិក្សា​ដើម្បី​គាំទ្រ​បញ្ហា​នេះ ត្រូវបាន​ធ្វើឡើង​ដោយ​វិទ្យាស្ថាន​អន្តរជាតិ​ល្បី ៗ នៅពេល​វាយតម្លៃ​ពី​កម្រិត​លទ្ធិប្រជាធិបតេយ្យ​នៅ​កម្ពុជា​»​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​លោកនាយក​រដ្ឋមន្ត្រី ហ៊ុន សែន បាន​សរសេរ​នៅក្នុង​ហ្វេ​ស​ប៊ុ​ក​កាលពី​ម្សិលមិញ​ថា ទិវា​រដ្ឋធម្មនុញ្ញ​ឆ្នាំ ១៩៩៣ គឺជា​ពេលដែល​ប្រទេស​កម្ពុជា​បាន​ត្រឡប់​មកកាន់ «​ព្រះរាជាណាចក្រ​កម្ពុជា​» ម្តងទៀត​។​

​លោក ហេង សំរិន ប្រធានរដ្ឋសភា បាន​សរសេរ​នៅក្នុង​ហ្វេ​ស​ប៊ុ​ក​ផ្លូវការ​របស់លោក​កាលពី​ម្សិលមិញ​ថា រដ្ឋធម្មនុញ្ញ​នេះ​ជា​មូលដ្ឋានគ្រឹះ នៃ​ស្ថិរភាព​របប​នយោបាយ ក្របខណ្ឌ​ច្បាប់ និង​ក្របខណ្ឌ​ស្ថាប័ន នៅលើ​ខឿន​ប្រជាធិបតេយ្យ សេរី​ពហុបក្ស និង​នីតិរដ្ឋ ដែល​បានធ្វើឱ្យ​ព្រះរាជាណាចក្រ​កម្ពុជា​មក​ដល់​បច្ចុប្បន្ននេះ មាន​សុខសន្តិភាព​ពេញលេញ ជា​រដ្ឋ​មាន​ស្ថិរភាព វិបុលភាព និង​វឌ្ឍនភាព​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​លោក​បាន​បន្ថែមថា​៖ «​ក្នុង​រយៈពេល ២៧​ឆ្នាំ កន្លងមកនេះ រដ្ឋសភា ដែលជា​ស្ថាប័ន​នីតិប្បញ្ញត្តិ​មួយ បាន​បំពេញ​តួនាទី​របស់ខ្លួន​ស្របតាម​រដ្ឋធម្មនុញ្ញ ដោយបាន​តាក់តែង​និង​អនុម័ត​ច្បាប់ សរុប​បាន​ចំនួន ៥៧៥​ច្បាប់ សំដៅ​ឆ្លើយតប​ទៅនឹង​តម្រូវការ​របស់​សង្គម​ជាតិ ទាំង​ក្នុង​ផ្នែក​នយោបាយ សង្គមកិច្ច សេដ្ឋកិច្ច ពាណិជ្ជកម្ម និង​ទំនាក់ទំនង​អន្តរជាតិ​»​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​លោក ហេង សំរិន បាន​និយាយទៀតថា​៖ «​ចូរ​យើង​រួមគ្នា​បន្ត​គោរព ការពារ​និង​អនុវត្តតាម​រដ្ឋធម្មនុញ្ញ សំដៅ​កសាង និង​លើកកម្ពស់​នីតិរដ្ឋ ជា​កោះសន្តិភាព មានការ​អភិវឌ្ឍ និង​រុងរឿង​រហូត​តទៅ​»​៕ ប្រភព៖ Khmer Times

ហាមដាច់ខាតការយកអត្ថបទ ពីវេបសាយ www.mahakhmer.com ដោយគ្មានការអនុញាត។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល info [at] mahakhme.com ឬទូរស័ព្ទលេខ​ 015 883 332។
អត្ថបទទាក់ទង