ព្រោះតែក្រពះទើបពលរដ្ឋខ្មែរ១១នាក់ផ្សងព្រេងឆ្លងដែនខុសច្បាប់ទៅថៃ
បន្ទាយមានជ័យ ៖ ពលរដ្ឋខ្មែរ ចំនួន១១នាក់ ត្រូវទាហ៊ានថៃចាប់ខ្លួន កាលពីយប់ថ្ងៃទី១១ ខែធ្នូ ឆ្នាំ២០២០ នៅស្រុកអារញ្ញខេត្តស្រះកែវ ក្រោយពីប្រថុយប្រថានលួចឆ្លងដែនខុសច្បាប់ប្រុងទៅរកការងារធ្វើលើទឹកដីថៃ ពិសេសចំណុចផ្សាររុងក្លឿ ។
ពលរដ្ឋទាំង១១នាក់ មានអាយុចាប់ពី១៨ឆ្នាំ ដល់៣៧ឆ្នាំ និងជាពលរដ្ឋរស់នៅក្រុងប៉ោយប៉ែត ។ ពេលសាកសួរពលរដ្ឋទាំងនេះនិយាយថា ការប្រថុយឆ្លងដែនខុសច្បាប់ព្រោះ នៅស្រុកកំណើតគ្មានការងារធ្វើដោយសារជាសម័យមេរោគកូវីដ១៩ ។
យ៉ាងណាក៏ដោយ ក្រោយឃាត់សាកសួរនៅបន្ទាយទាហានឈុតខ្មៅថៃកងរយ ១២០៥ ពលរដ្ឋទាំងនេះត្រូវគេបញ្ជូនត្រឡប់ប្រគល់ឲ្យអាជ្ញាធរ និងសមត្ថកិច្ចកម្ពុជា តាមច្រកកិច្ចព្រមព្រៀងនៃខេត្តបន្ទាយមានជ័យកម្ពុជា និងខេត្តស្រះកែវថៃ (ច្រករបៀងអូរបីជាន់)៕
