មហាបុរសក្លាហានឬក៏ខ្លាហែក? ជាឧត្តមសេនីយពិត ឬសេះហោះ?
ខេត្តកំពង់ស្ពឺ៖ បន្ទាប់ពីមានអាក់ខោនហ្វេកប៊ុក ឈ្មោះ(Sovanna Phum) បានបង្ហោះរូបភាពពាក់ឯកសណ្ឋាន(អាវឧត្តមសេនីយ៍ ផ្កាយ១ខាងលើ ហើយស្លៀកខោខូវប៊យ ស្បែកជើងផ្ទាត់) ប៉ុន្មានសន្លឹករួចមក បានធ្វើអោយអ្នកលេងបណ្តាញសង្គមហ្វេកប៊ុក មានការចាប់អារម្មណ៍យ៉ាងខ្លាំង រហូតដល់លេចឮព័ត៌មានដល់ប្រព័ន្ធផ្សព្វផ្សាយជាច្រើន បានរិះគន់លើបុរសម្នាក់នេះថាមិនគួរណាថតបង្ហោះបង្អួតគេសោះ បើទោះបីជាខ្លួនជាមន្ត្រីនគរបាលជាតិពិតប្រាកដក៏ដោយ។
មួយវិញទៀត ប្រសិនបើមិនមែនជាមន្ត្រីនគរបាលជាតិទេនោះ វារិតតែខុសធ្ងន់ធ្ងរបំផុត(នគរបាលក្លែងក្លាយ) ហ៊ានគ្រងឯកសណ្ឋាននគរបាលជាតិថតបង្ហោះលេងសើចទៅវិញធ្វើអោយប៉ះពាល់ដល់កិត្តិយសសេចក្តីថ្លៃថ្នូរ នគរបាលជាតិនៃព្រះរាជាណាចក្រកម្ពុជាខ្លាំងណាស់។
តាមប្រភពបានបង្ហើបអោយដឹងថា បុរសខាងលើដែលបង្ហោះរូបថតលើអាក់ខោនហ្វេសប៊ុកដែលមានឈ្មោះ(Sovanna Phum)នេះ ធាតុពិតជាជាងកាត់សក់ទេ ហើយហ៊ានយកឯកសណ្ឋាននគរបាលជាតិឋានៈឧត្តមសេនីយ៍(ផ្កាយ១)យកមកពាក់ដែលមានឋានៈតួនាទី(ស្នងការរងនគរបាលខេត្ត.ក្រុង) ទង្វើរបែបនេះ ធ្វើឲ្យប៉ះពាល់ដល់កិត្តិយសសេចក្តីថ្លៃថ្នូរ ដល់ស្ថាប័នអគ្គស្នងការនគរបាលជាតិទូរទាំងប្រទេសណាស់ មិនគួរណាបុរសរូបនេះហ៊ានធ្វើបែបនេះឡើយ។
ប្រភពបាន បន្តថាឯកសណ្ឋាន ដែលបុរសខាងលើយកទៅពាក់ហើយថតបង្ហោះ បង្អួតគេឯងថា ខ្លួនអស្ចារ្យនេះ ជាអាវរបស់លោកស្នងការរងនគរបាលខេត្តកំពង់ស្ពឺម្នាក់ដែលមានឥទ្ធិពលក្នុងខេត្ត ចូលចិត្តលេងសើច មិនសូវចូលចិត្តធ្វើការងារនោះទេ ជាក់ស្តែងដូចរូបភាពខាងលើនេះ ខ្លួនជាស្នងការរងនគរបាលខេត្តទាំងមូលបែរជាយកអាវ អោយទៅប្រជាពលរដ្ឋ(និងជាជាងកាត់សក់ម្នាក់)ពាក់លេងសើចយកទៅបង្ហោះតាមបណ្តាញសង្គម ធ្វើអោយមហាជនរិះគន់យ៉ាងខ្លាំង ចែករំលែកបន្តគ្នា។
សូមឯកឧត្តម នាយឧត្តមសេនីយ៍សន្តិបណ្ឌិត មេត្តាចាត់ជំនាញចុះធ្វើការស្រាវជ្រាវ ទង្វើរបស់លោកជាងកាត់សក់ និងលោកស្នងការរងនគរបាលខេត្តម្នាក់នេះផង៕
