ចិនផលិតវ៉ាក់សាំងបង្ការវីរុសកូវីដ-១៩លក់ឲ្យប្រទេសជាច្រើន តែចិនខ្លួនឯងបញ្ជារទិញពីអាមេរិក!
ប៉េកាំង៖អ្នកផលិតឱសថចិន បានធ្វើការបញ្ជាទិញវ៉ាក់សាំងបង្ការវីរុសកូវីដ-១៩ ចំនួន ១០០ លានដូស ពីក្រុមហ៊ុនដែលជាសហការបង្កើតរវាង Pfizer Inc និង BioNTech SE ដោយសារប្រទេសចិន ស្វែងរកការចាក់ថ្នាំបង្ការ ពីក្រៅប្រទេសបន្ថែម លើថ្នាំដែលផលិតនៅស្រុក
ដើម្បីធានាការចាក់ថ្នាំបង្ការសម្រាប់ប្រទេស ដែលមានប្រជាជនច្រើនបំផុត នៅលើពិភពលោកមួយនេះ តែបញ្ហានេះកំពុងតែធ្វើឱ្យប្រទេសជាច្រើនតែធ្វើការបញ្ជាទិញវ៉ាក់សាំងបង្ការជំងឺកូវីដ-១៩របស់ចិនកាន់តែមានការសង្ស័យ និងងឺឆ្ងល់យ៉ាងខ្លាំង។
នេះបើតាមការចុះផ្សាយដោយទីភ្នាក់ងារព័ត៌មានចិន ស៊ីន ហួរ នៅយប់ថ្ងៃទី១៨ ខែធ្នូ ឆ្នាំ២០២០ ថាក្រុមហ៊ុន Shanghai Fosun Pharmaceutical Group Co. បានចុះកិច្ចព្រមព្រៀង ជាមួយក្រុមហ៊ុន BioNTech ដើម្បីអភិវឌ្ឍ និងដាក់លក់ថ្នាំចាក់ mRNA នៅក្នុងប្រទេសចិន នឹងធ្វើការទូទាត់ជាមុនចំនួន ២៥០ លានអឺរ៉ូ (៣០០ លានដុល្លារអាមេរិក) សម្រាប់ការចំណាយ ទៅលើវ៉ាក់សាំង ៥០ លានដុល្លារដំបូង។
ក្រុមហ៊ុនផលិតវ៉ាក់សាំងអាល្លឺម៉ង់ នឹងផ្គត់ផ្គង់មិនតិចជាង ១០០ លានដូសនោះទេ សំរាប់ប្រទេសចិននៅចុងឆ្នាំ ២០២១ ។ នេះបើតាមការឱ្យដឹងពី ក្រុមហ៊ុន Fosun នៅក្នុងសេចក្តីថ្លែងការណ៍មួយ ដែលដាក់នៅផ្សារហ៊ុនហុងកុង កាលពីថ្ងៃពុធ។
ការសាកល្បងពិសោធន៍ចាក់វ៉ាក់សាំង ដែលត្រូវបានបង្កើតឡើង ដោយក្រុមហ៊ុនអភិវឌ្ឍន៍ ក្នុងស្រុករួមមានក្រុមហ៊ុនចិន China National Biotec Group Co និង Sinovac Biotech Ltd. គឺជិតនឹងទទួលបានការយល់ព្រម ពីនិយតករថ្នាំចិន ដោយរំពឹងថា នឹងទទួលបាន ១,៦ ពាន់លានដូសនឹងត្រូវផលិតនៅឆ្នាំ ២០២១ ៕
