មហាសេដ្ឋីហុងកុងម្នាក់ជាប់ចោទក្រោមច្បាប់សន្តិសុខជាតិ
ក្រុងហុងកុង ៖ កាសែតAPPLE DAILYដែលដកស្រង់ប្រភពរបស់ប៉ូលិស រាយការណ៍កាលពីថៃ្ងទី១១ធ្នូថា មហាសេដី្ឋខាងសារព័ត៌មានក្រុងហុងកុង លោកJIMMY LAI ជាអ្នកស្និទចលនាប្រជាធិបតេយ្យក្រុងហុងកុង បានត្រូវជាប់ការចោទប្រកាន់ ពីបទសង្ស័យឃុបឃិត ជាមួយកងកម្លាំងបរទេស និងបង្កគ្រោះថ្នាក់ដល់សន្តិសុខជាតិ។
លោកJIMMY LAI ជាអ្នករិះ គន់មិនសំចៃចំពោះក្រុងប៉េកាំង ជាឥស្សរជនសំខាន់ដំបូងគេទទួលការចោទប្រកាន់ ក្នុងក្របខណ្ឌនៃច្បាប់សន្តិសុខថ្មី ។ ច្បាប់សន្តិសុខជាតិដែលដាក់ឲ្យប្រើកាលកាលពីខែមិថុនា ក្នុងអតីតដែនដីអាណានិគមអង់គ្លេសនោះ គ្រោងដាក់ទោសធ្ងន់ធ្ងរចំពោះ បណ្ដាអ្នកដែលចាត់ទុកថាធ្វើសកម្មភាពបំបែកខ្លួន ធ្វើវិទ្ធង្សនា ភេរ វកម្មនិងឃុបឃិតជាមួយមហាអំណាចបរទេស។
មុននេះលោកJIMMY LAI អាយុ៧៣ឆ្នាំ ត្រូវបានបដិសេធមិនឲ្យបង់ប្រាក់ធានានៅក្រៅឃុំ ពីការចោទប្រកាន់ក្លែងបន្លំទាក់ទិនជាមួយអគារ ទីចាត់ការកាសែតក្នុងស្រុកAPPLE DAILYជាកាសែតរបស់លោក៕
