តៃវ៉ាន់បញ្ចេញនាវាល្បាតស៊េរីថ្មី ដែលមានសមត្ថភាពបំពាក់ មី ស៊ី ល និងអាចវិវឌ្ឍខ្លួនទៅជានា វាប្រ យុទ្ធ
(តៃប៉ិ)៖ កោះតៃវ៉ាន់នៅថ្ងៃសុក្រនេះ បានដាក់ឱ្យដំណើរការហើយ នូវនាវាល្បាតស៊េរីថ្មីមួយ ដែលមានសមត្ថភាពបំពាក់ មី ស៊ីល ខណៈដែនកោះមួយនេះកំពុងពង្រឹងសមត្ថភាពការពារខ្លួន ប្រឈមមុខនឹងការគំ រាមកំ ហែង កាន់តែខ្លាំងពីសំណាក់ទីក្រុងប៉េកាំង។ នេះបើតាមការចេញផ្សាយ ដោយសារព័ត៌មាន CNA នៅរសៀលថ្ងៃសុក្រ ទី១១ ខែធ្នូ ឆ្នាំ២០២០។
ពិធីដាក់ឱ្យដំណើរការនាវាល្បាតឈ្មោះ អានភីង (Anping) ដែលជាផលិតផលនៅក្នុងស្រុករបស់កោះតៃវ៉ាន់ ចំណាយអស់ប្រាក់ជាង ៣៧.៣លានដុល្លារក្នុងការផលិត ត្រូវបានធ្វើឡើងនៅឯទីក្រុងកៅសង (Kaohsiung) ក្រោមការចូលរួមដោយផ្ទាល់ពីប្រធានាធិបតីតៃវ៉ាន់ លោកស្រី ត្សៃ អ៉ីងវិន (Tsai Ing-wen)។ នៅក្នុងពិធីនោះដែរលោកស្រី Tsai ក៏បានកោតសរសើរផងដែរថា នាវាល្បាត Anping មានសមត្ថភាពពិសេស ដែលនឹងត្រូវបានប្រើប្រាស់នៅពេលមានស ង្រ្គាម ឬជ ម្លោះផ្ទុះឡើង។ លោកស្រីបានលើកឡើងទៀតថា «ប្រសិនបើចំាបាច់ នាវាល្បាតនេះអាចនឹងត្រូវបានប្រែក្លាយ ជាទៅជានាវាប្រ យុទ្ធភ្លាមៗ»។
គួរបញ្ជាក់ថា រដ្ឋាភិបាលនៃប្រធានាធិបតីតៃវ៉ាន់ លោកស្រី Tsai Ing-wen បច្ចុប្បន្នកំពុងបង្កើនការធ្វើទំនើបកម្ម លើវិស័យយោ ធារបស់ខ្លួនយ៉ាងខ្លាំង ដោយមានការគាំទ្រពីសហរដ្ឋអាមេរិក ស្របពេលចិនកាន់តែបង្កើនសកម្មភាពយោ ធា ក្នុងនោះរួមមានទាំងការធ្វើសម យុទ្ធបា ញ់គ្រា ប់ពិត នៅក្បែរដែនកោះមួយនេះ និងតែងតែគំ រាមជារឿយថា ទីក្រុងប៉េកាំងនឹងប្រើប្រាស់កម្លាំងយោ ធា បង្រួបបង្រួមកោះតៃវ៉ាន់ នៅក្នុងករណីចាំបាច់៕
