សមត្ថភាពមិនធម្មតា !! យន្តហោះបំបាំ ងកាយF-35C Lightning II របស់អាមេរិក ត្រៀមខ្លួនរួចជាស្រេចបើមានជ.ម្លោះនៅមហាសមុទ្រចិនខាងត្បូង..(វីដេអូ)
បរទេស៖ កងកម្លាំងម៉ារីនសហរដ្ឋអាមេរិក នៅក្នុងសប្ដាហ៍នេះ តាមសេចក្តីរាយការណ៍ បានធ្វើការប្រកាសប្រាប់ថា កងវាយប្រហារនៃយន្តហោះលេខ៣១៤ ទើបបានទទួលសមត្ថភាពប្រតិបត្តិការដំបូង សម្រាប់យន្តហោះចម្បាំងបំបាំងកាយ F-35C Lightning II។
យោងតាមការចេញផ្សាយ ពីទីភ្នាក់ងារសារព័ត៌មាន UPI នៅថ្ងៃទី០៤ ខែធ្នូ ឆ្នាំ២០២០ បានឲ្យដឹងថា សេចក្តីប្រកាសនេះ ធ្វើឲ្យកងយន្តហោះ VMFA-314 ដើម្បីដាក់ពង្រាយប្រើលើនាវាផ្ទុកយន្តហោះ ធ្វើការគំាទ្រដល់ប្រតិបត្តិការចម្បាំង នៅជុំវិញពិភពលោក។ លោកឧត្តមសេនីយ៍ Christopher Mahoney ជាអគ្គមេបញ្ជាការ នៃកងយន្តហោះចម្បាំង កងកម្លាំងម៉ារីនលេខ៣ បាននិយាយថា “យន្តហោះចម្បាំង F-35 គឺជាទម្រង់បេសនកម្មមួយ ដែលពង្រីកវិសាលភាព កងកម្លាំងម៉ារីនរបស់យើងនិងម៉ាស៊ីន ព្រមទាំងបង្កើនសមត្ថភាពរបស់យើង ក្នុងការគាំទ្រដល់ដៃគូនានា តាមការជូនដំណឹងភ្លាម”។
សូមរលឹកដែរថា ទំនាក់ទំនងរវាងសហរដ្ឋអាមេរិកនិងចិន កាន់តែយ៉ាប់យឺន ហើយប៉ុន្មានឆ្នាំចុងក្រោយនេះមហាអំណាចទាំងពីរបានប្រឹងប្រែងអភិវឌ្ឍន៍វិស័យយោធារបស់ខ្លួនយ៉ាងសម្បើម ដើម្បីទប់ស្កាត់ការពង្រីកឥទ្ធិពលគ្រប់គ្រងពិភពលោករៀងខ្លួន រីឯតំបន់ដែលក្ដៅគគុកនោះគឺនៅសមុទ្រចិនខាងត្បូង ដែលគេរំពឹងថា មិនអាចគេចផុតពីសង្គ្រាម ៕