លោក ប្រាយុទ្ធ និយាយថា លោកនឹងរើចេញពីផ្ទះក្នុងបន្ទាយទាហាន ប្រសិនតុលាការធម្មនុញ្ញ ប្រឆាំងនឹងការប្រើប្រាស់ផ្ទះនេះ
ប្រទេសថៃ៖ នាយករដ្ឋមន្ត្រីថៃ លោក ប្រាយុទ្ធ ចាន់អូចា បាននិយាយនៅថ្ងៃច័ន្ទថា លោកនឹងវិលត្រឡប់ ទៅរស់នៅក្នុងផ្ទះរបស់លោកវិញ ប្រសិនបើតុលាការធម្មនុញ្ញ ប្រឆាំងនឹងការប្រើប្រាស់ផ្ទះបច្ចុប្បន្ន ដែលនៅក្នុងបន្ទាយទាហាន។
យោងតាមសារព័ត៌មាន Bangkok Post ចេញផ្សាយនៅថ្ងៃទី៣០ ខែវិច្ឆិកា ឆ្នាំ២០២០ បានឱ្យដឹងថា នៅថ្ងៃពុធ សប្តាហ៍នេះ តុលាការនឹងចេញសេចក្តីសម្រេច លើញត្តិរបស់គណបក្សភឿថៃ ដែលប្រឆាំងនឹងភាពស្របច្បាប់ នៃការបន្តកាន់កាប់លំនៅឋាន របស់នាយករដ្ឋមន្រ្តីលោក ប្រាយុទ្ធ ចាប់តាំងពីលោក បានចូលនិវត្តន៍ពីយោធា។
សូមជម្រាបថា លោក ប្រាយុទ្ធ ចាន់អូចា នាយករដ្ឋមន្រ្តីថៃ និងក្រុមគ្រួសារ បានរស់នៅក្នុងផ្ទះមួយ នៅបន្ទាយទាហាន កងវរសេនាតូចថ្មើរជើងទី ១ នៅលើផ្លូវ Vibhavadi Rangsit៕