រូបសម្រស់ដ៏ទាក់ទាញ និងរឿងរ៉ាវខ្លះៗដែលអ្នកមិនធ្លាប់ដឹងពី ស៊ីន យូប៊ីន តារាដែលក្រសោប ៨ ពាននៅក្នុងដៃ
ស៊ីន យូប៊ីន គឺជាតារាសម្ដែងដែលកំពុងមានប្រជាប្រិយភាពខ្លាំងបំផុតក្នុងស្រទាប់យុវវ័យនាពេលបច្ចុប្បន្ននេះ។ ជាហ្វ្រេសស៊ីហ្គើល ជំនាន់ទី១២ ទទួលបានជ័យលាភីលេខ ១ ក្នុងឆ្នាំ ២០១៣ នាងមានរឿងរ៉ាវជាច្រើនដែលអ្នកគាំទ្រចង់ឱ្យមហាជនស្គាល់ច្បាស់ពីនាង។ តាមរយៈការបើកកកាយពីអ្នកគាំទ្រដ៏ស្ម័គ្រស្មោះរបស់នាងបានបញ្ជាក់ឱ្យដឹងថា៖
១/. ស៊ីន យូប៊ីន គឺជាបេក្ខនារីទី១ដែលទទួលបានពានច្រើនជាងគេពីកម្មវិធីគឺរហូតដល់ទៅ ៧ ពាន តាមរយៈការប្រឡងក្នុងកម្មវិធីហ្វ្រេសស៊ីហ្គើល អេន ប៊យ ជំនាន់ទី១២
២/. ក្នុងព្រឹត្តិការណ៍មហោស្រពជាតិលើកទី៥ ស៊ីន យូប៊ីន ទទួលបានពានរង្វាន់ជាតារាសម្ដែងស្រីឆ្នើមប្រចាំឆ្នាំ២០១៧ តាមរយៈការសម្តែងជាតួស្រីក្នុងរឿង “តម្លៃស្នេហ៍”
៣/. នាងមានថ្ងៃខែឆ្នាំកំណើតនៅថ្ងៃទី ១៣ ០៥ ១៩៩៥ ប៉ុន្តែអស់រយៈជាច្រើនឆ្នាំដែលនាងធ្វើខួបកំណើតនៅថ្ងៃទី ១២ ០៦ ព្រោះពីក្មេងនាងជាក្មេងឈឺញឹកញាប់ពេកក៏ប្ដូរថ្ងៃកំណើតតែម្ដងទៅ
៤/. សត្វដែល យូប៊ីន ធ្លាប់ខ្លាចគឺសត្វឆ្មា
៥/. ជាតារាស្រីមួយដួងដែលចាប់តាំងពីចូលសិល្បៈមកដល់ឥឡូវ ពុំធ្លាប់ធ្វើការ live បកស្រាយបញ្ហាអ្វីមួយនោះទេ បើទោះមានការចុះព័ត៌មានបំផ្លើសពីនាងដ៏ដោយ
គួរបញ្ជាក់ថា បច្ចុប្បន្នក្រៅពីល្បីឈ្មោះក្នុងអាជីពសម្ដែងហើយនោះ នាងក៏មានមុខជំនួញផ្សេងៗក្នុងដៃ ដូចជា ជាម្ចាស់ហាងតែគុជ fire Tigerលំដាប់ Premium និងជាម្ចាស់ប្រេនសាប៊ូកក់សក់ SUPPLE SHAMPOO ជាដើម៕
