មកស្គាល់ប្រទេសទាំង ៩៩ ដែលអាចប្រើប្រាស់បណ្ណបើកបរអន្តរជាតិខ្មែរ បើកបរបាន
ក្រសួងសាធារណការនិងដឹកជញ្ជូន បានប្រកាសចេញបណ្ណបើកបរអន្តរជាតិ (International Driving Permit) ដែលពលរដ្ឋកម្ពុជាអាចយកទៅប្រើប្រាស់ និងមានការទទួលស្គាល់នៅក្នុងបណ្តាប្រទេសចំនួន ៩៩។
បណ្ណនេះ ជាកូនសៀវភៅដែលមានទំហំ ១៤៨x១០៥មីលីម៉ែត្រ និងមានសុភាពរយៈពេល ១ឆ្នាំ។ តើប្រទេសទាំង ៩៩ មានប្រទេសណាខ្លះ?
សូមជម្រាបជូនថា រដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល នៅថ្ងៃពុធ ទី៣០ ខែកញ្ញាកន្លងទៅនេះ ប្រជាពលរដ្ឋ អាចស្នើសុំ “បណ្ណអនុញ្ញាតបើកបរអន្តរជាតិ” នៅមណ្ឌលស្នើសុំបណ្ណបើកបរអន្តរជាតិ ដែលប្រជាពលរដ្ឋ អាចបើកបរនៅ៩៩ប្រទេស រួមទាំងសហរដ្ឋអាមេរិកផងដែរ។
បណ្ណនេះ មានសុពលភាពរយៈពេល ១ឆ្នាំ និងមានតម្លៃ ២៥ម៉ឺនរៀល ចំពោះអ្នកមានបណ្ណបើកបរស្រាប់ ត្រូវយកបណ្ណបើកបរសព្វថ្ងៃ រួមជាមួយរូបថត ទៅមណ្ឌលផ្ដល់សេវា ដើម្បីទទួលបានបណ្ណអនុញ្ញាតបើកបរអន្តរជាតិ៕
