ប្រទេស​កម្ពុជា​ស្វែងរក​ការ​វិនិយោគ​ពី​ប្រទេស​ថៃ​បន្ថែម​ទៀត​

​រដ្ឋ​មន្ត្រី​ការ​បរទេស លោក ប្រាក់ សុខុន បាន​ស្នើ​សុំឱ្យ​ប្រទេស​ថៃ​ជួយ​ជំរុញ​ការ​វិនិយោគ​ពី​ប្រទេស​ខ្លួន​បន្ថែម​ទៀត​នៅ​កម្ពុជា ខណៈ​ដែល​លោក​លើក​ឡើង​ថា ការ​វិនិយោគ​ថៃ​នៅ​កម្ពុជា​មាន​ការ​កើន​ឡើង​ជិត​បី​ដង​ចាប់​ពី​ខែមករា​ដល់​ខែសីហា​ក្នុង​ឆ្នាំ​នេះ បើ​ប្រៀបធៀប​នឹង​រយៈពេល​ដូច​គ្នា​កាលពី​ឆ្នាំ​មុន​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​


​ថ្លែង​ក្នុង​សេចក្តីប្រកាស​ព័ត៌មាន​មួយ​កាលពី​ថ្ងៃ​សៅរ៍​បន្ទាប់ពី​ជួបប្រជុំ​តាម​ប្រព័ន្ធ​វីដេអូ​ជាមួយ​ឯកឧត្តម Don Pramudwinai ឧបនាយករដ្ឋមន្ត្រី និង​ជា​រដ្ឋមន្ត្រីការបរទេស​ថៃ​កាលពី​ថ្ងៃ​សុក្រ​កន្លងទៅ លោក ប្រាក់ សុខុន បាន​ឲ្យ​ដឹងថា​៖ «​ប្រទេស​កម្ពុជា​លើកទឹកចិត្ត​ដល់​វិនិយោគិន​ថៃ​ឲ្យ​មក​ធ្វើការ​វិនិយោគ​បន្ថែមទៀត​នៅក្នុង​ប្រទេស​កម្ពុជា​»​។​ ​សេចក្តីប្រកាស​ព័ត៌មាន​ដដែល​បាន​បន្ត​ឲ្យ​ដឹងថា​៖ «​ភាគី​ទាំងពីរ​ក៏បាន​សម្ដែង​នូវ​ក្តី​រីករាយ​កត់សំគាល់​ចំពោះ​វឌ្ឍនភាព​ដ៏​ល្អប្រសើរ​ក្នុង​វិស័យ​សំខាន់ៗ​ដូចជា​សន្តិសុខ ការអប់រំ ទេសចរណ៍​ថាមពល និង​ការតភ្ជាប់​»​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​គួរបញ្ជាក់​ឲ្យ​ដឹងផង​ដែរ​ថា ឆ្នាំ​២០២០​នេះ​គឺជា​ខួប​លើក​ទី ៧០ នៃ​ទំនាក់ទំនង​ការទូត​រវាង​កម្ពុជា​និង​ថៃ​។​ ​សេចក្តីប្រកាស​ព័ត៌មាន​បន្ថែមថា​ភាគី​ទាំងពីរ​មាន​សេចក្តី​រីករាយ​ចំពោះ​ការធ្វើ​ពាណិជ្ជកម្ម​ទ្វេភាគី​ដ៏រ​រឹងមាំ បើទោះបី​ជាមាន​ការរីក​រាលដាល​នៃ​វីរុស​កូ​វីដ​-១៩ ក៏ដោយ កម្ពុជា​បានស្នើ​ភាគី​ថៃ​ជួ​សម្រួលការ​ដឹកជញ្ជូន​ទំនិញ​ឆ្លងដែន បង្កើន​ការ​នាំចូល​កសិផល​រប​ស់​កម្ពុជា ព្រមទាំង​ព​ន្លឿ​ន​ការចុះហត្ថលេខា​លើ​អនុស្សារណៈ​យោគយល់​គ្នា​ស្ដីពី​ការដឹកជញ្ជូន​ឆ្លងដែន និង​ការងារ​សំខាន់ៗ​ដ៍ទៃទៀត​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ភាគី​ទាំងពីរ​ពេញ​ចិត្តនឹង​ការបើក​ច្រកព្រំដែន​ថ្មី​ក្នុង​តំបន់​និង​អន្តរជាតិ និង​ការ​តម្លើង​ច្រកព្រំដែន​តំបន់​ដែលមាន​ស្រាប់​ទៅជា​ច្រកព្រំដែន​អន្តរជាតិ​។​ ​ប្រទេស​ទាំងពីរ​ក៏បាន​លើកឡើង​ពី​សារៈសំខាន់​នៃ​កិច្ចព្រមព្រៀងទ្វេភាគី​ប្រកបដោយ​ប្រសិទ្ធភាព​ផងដែរ​។​ ​សេចក្តីប្រកាស​ព័ត៌មាន​បន្តថា ភាគី​ទាំងពីរ​រំពឹងថា កិច្ចប្រជុំ​គណៈរដ្ឋមន្ត្រី​ចម្រុះ​លើក​ទី ៤ និង​កិច្ចប្រជុំ​គណៈកម្មាធិការ​ចម្រុះ​ស្ដីពី​កិច្ចសហប្រតិបត្តិការ​ទ្វេភាគី​លើក​ទី ១១ នឹងត្រូវ​បានរៀបចំ​ឡើង​ក្នុងពេល​សមស្រប​បំផុត​ក្រោយ​ស្ថានការណ៍​ជំងឺ​កូ​វីដ ១៩ បាន​ប្រសើរឡើង​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​សេចក្តីប្រកាស​ព័ត៌មាន​បន្ថែមថា​៖ «​ភាគី​ទាំងពីរ​ក៏បាន​ប្តេជ្ញាចិត្ត​យ៉ាង​មុតមាំ​ក្នុងការ​គាំទ្រ​គ្នា​ទៅវិញទៅមក​នៅក្នុង​ក្របខ័ណ្ឌ​ពហុភាគី​ដូចជា​អាស៊ាន និង​កិច្ចប្រជុំ​កំពូល​អាស៊ី​-​អឺរ៉ុប ជាដើម​។​ ​ឧបនាយករដ្ឋមន្ត្រី​ទាំងពីរ​បានបង្ហាញ​នូវ​ការប្តេជ្ញាចិត្ត​ខ្ពស់​ក្នុងការ​ធ្វើការ​ជាមួយគ្នា​យ៉ាង​ជិតស្និទ្ធ​ដើម្បី​ពង្រឹង​ចំណងមិត្តភាព​យូរអង្វែង ភាពជា​អ្នកជិតខាង​ដ៏​ល្អ កិច្ចសហប្រតិបត្តិការ​លើ​គ្រប់​វិស័យ និង​ភាពជា​ដៃគូ​ដើម្បី​សន្តិភាព និង​វិបុលភាព​នៃ​ព្រះរាជាណាចក្រ​ទាំងពីរ​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ជាមួយគ្នានេះ​ផងដែរ លោក ប្រាក់ សុខុន ក៏បាន​ស្នើ​ដល់​ប្រទេស​ថៃ​អនុញ្ញាតឱ្យ​ពលករ​ចំណាកស្រុក​កម្ពុជា​ដែល​កាន់​លិខិតឆ្លងដែន​និង​ពលករ​ក្រោម​អនុស្សារណៈ​យោគយល់​អាច​វិលត្រឡប់​ទៅធ្វើ​ការ​វិញ​និង​កាត់បន្ថយ​ការចំណាយ​នៃ​ការដាក់​ឱ្យនៅ​ដាច់ដោយឡែក​រយៈពេល ១៤ ថ្ងៃ​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ភាគី​ទាំងពីរ​សង្ឃឹមថា​ប្រទេស​ថៃ​នឹង​អាច​ផលិត​បាន​វ៉ាក់សាំង​របស់ខ្លួន​ដោយ​ជោគជ័យ​នាពេល​ឆាប់ៗ​ខាងមុខនេះ​។​ ​លោក គិ​ន ភា ប្រធាន​វិទ្យាស្ថាន​ទំនាក់ទំនង​អន្តរជាតិ​កម្ពុជា​នៃ​រាជបណ្ឌិត្យសភាកម្ពុជា​បាន​ថ្លែង​ឲ្យ​ដឹង​កាលពី​ម្សិលមិញ​ថា ទំនាក់ទំនង​រវាង​ប្រទេស​ទាំងពីរ​នាំមក​នូវ​ផលប្រយោជន៍​ទៅវិញទៅមក​ហើយ ខណៈដែល​ភាគី​ទាំងពីរ​ត្រូវការ​គ្នា​ទៅវិញទៅមក​ទាក់ទង​នឹង​នយោបាយ​សេដ្ឋកិច្ច​និង​កម្លាំង​ពលកម្ម​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​


​លោក​ថា​៖ «​ទំនិញ​ថៃ​ជាច្រើន​ត្រូវបាន​នាំចូល​មកកាន់​កម្ពុជា ខណៈដែល​យើ​អាច​ចាត់​ថា​ប្រទេស​កម្ពុជា​គឺជា​ទីផ្សារ​ដ៏​ធំ​មួយ​សម្រាប់​ប្រទេស​ថៃ ខណៈ​ប្រទេស​ថៃ​គឺជា​ទីផ្សារ​ដ៏​ធំ​សម្រាប់​កម្លាំង​ពលកម្ម​កម្ពុជា​»​។​ ​លោក​បន្ថែមថា​៖ «​ប្រសិនបើ​ប្រទេស​ថៃ​មិន​មានឱកាស​ក្នុងការ​ផ្តល់​ការងារ​ដល់​ពល​ករក​ម្ពុ​ជា វា​នឹង​ក្លាយជា​បញ្ហា​ដ៏​ធំ​សម្រាប់​ប្រទេស​កម្ពុជា​»៕ ប្រភព៖ ប្រភព៖ Khmer Times

ហាមដាច់ខាតការយកអត្ថបទ ពីវេបសាយ www.mahakhmer.com ដោយគ្មានការអនុញាត។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល info [at] mahakhme.com ឬទូរស័ព្ទលេខ​ 015 883 332។
អត្ថបទទាក់ទង