ABA ចំណេញជាង១០៣លានដុល្លារ នៅរយៈពេល ៩ខែ ឆ្នាំ២០២០
(ភ្នំពេញ)៖ យោងតាមរបាយការណ៍រយៈពេល ៩ខែ គិតត្រឹមថ្ងៃទី៣០ ខែកញ្ញា ឆ្នាំ២០២០ របស់ធនាគារវឌ្ឍនៈអាស៊ី ចំកាត់ ហៅកាត់ថា ABA បានឲ្យដឹងថា នៅរយៈពេល៩ខែ ឆ្នាំនេះ ABA ចំណេញជាង១០៣លានដុល្លារ នៅកម្ពុជា។
របាយការណ៍បន្តថា នៅ៩ខែឆ្នាំ២០២០ ប្រភពចំណូលរបស់ធនាគារនេះ មានដូចជាចំណូលសុទ្ធពីការប្រាក់មានជាង ២០៦លានដុល្លារ, ចំណូលសុទ្ធពីកម្រៃជើងសារ ជាង២៣លានដុល្លារ និងចំណូលប្រតិបត្តិការផ្សេង ជាង២លានដុល្លារ។
គិតត្រឹមថ្ងៃទី៣០ ខែកញ្ញា ឆ្នាំ២០២០នេះ ABA មានទ្រព្យសកម្មសុរបចំនួន ៥ ៦៥៧លានដុល្លារ, ប្រាក់បញ្ញើរបស់អតិថជនមានចំនួន ៤ ៤៨៥ លានដុល្លារ និងផ្តល់ឥណទាន ដល់អតិថិជនចំនួន ៣ ៤១៩លានដុល្លារអាមេរិក។
សូមជម្រាបថា ធនាគារ ABA គឺជា គ្រឹះស្ថានហិរញ្ញវត្ថុឯកជនមួយរបស់កម្ពុជា ដែលត្រូវបានបង្កើតឡើងក្នុងឆ្នាំ១៩៩៦។ ធនាគារនេះ ជាបុត្រសម្ពន្ធរបស់ធនាគារជាតិកាណាដា៕
សូមអានរបាយការណ៍របស់ ABA ទាំងស្រុង៖
