ម្តងបន្តិចៗមិនដល់ពេលណាទេ?ក្រុមហ៊ុន​ហោះហើរ​មួយ​ចំនួន​ចាប់​ផ្តើម​ដំណើរ​ការ​ឡើង​វិញ​នៅ​ភ្នំពេញ​

ក្រុមហ៊ុន​អាកាស​យានដ្ឋាន​កម្ពុជា​ដែល​បាន និង​កំពុង​អភិវឌ្ឍ​ព្រលាន​យន្តហោះ​អន្តរជាតិ​ចំនួន ៣ របស់​កម្ពុជា​បាន​ប្រកាស​ថា​ក្រុមហ៊ុន​អាកាស​ចរណ៍​មួយ​ចំនួន​បាន​ដំណើរ​ជើង​ហោះ​ហើរ​ចេញ និង​មក​ភ្នំពេញ​វិញ​ហើយ​។​ ​ក្រុមហ៊ុន​អាកាសយានដ្ឋាន​បាន​ឲ្យ​ដឹង​នៅ​សប្តាហ៍​នេះ​ថា ក្រុមហ៊ុន​អាកាសចរណ៍​មួយចំនួន​បាន​ភ្ជាប់​ជើងហោះហើរ​ឡើងវិញ​រួមទាំង​ក្រុមហ៊ុន SilkAir ដែលមាន​មូលដ្ឋាន​នៅ​ប្រទេស​សិង្ហ​បុរី​នៅ​ថ្ងៃ​អង្គារ​និង​ថ្ងៃអាទិត្យ​។​

​ក្រុមហ៊ុន​បាន​ថ្លែងថា​៖« យើង​មាន​សេចក្តីសោមនស្ស​រីករាយ​ក្នុងការ​ប្រកាសថា​ក្រុមហ៊ុន SilkAir ត​ភ្ជាប់​ពី​ភ្នំពេញ​ទៅ សិង្ហ​បុរី​ខណៈដែល​ក្រុមហ៊ុន​អាកាសចរណ៍​កម្ពុជា​អ៊ែរ​វ៉េ​កំពុង​បន្ថែម​ជើងហោះហើរ​ពី​ភ្នំពេញ​ទៅ​ហ្វូ​ចូ​វ​នៅ​ថ្ងៃ​ព្រហស្បតិ៍​ហើយ​ក្រុមហ៊ុន​ជេ​ស៊ី​អ៊ែរ​ឡាញ​កំពុងបើក​ការហោះហើរ​ទៅកាន់​គុន​មីង​នៅ​ថ្ងៃ​ពុធ​» ។​

​ទោះយ៉ាងណា​បញ្ជី​និង​ភាព​ញឹកញាប់​នៃ​ជើងហោះហើរ​អាច​នឹងមាន​ការផ្លាស់ប្តូរ​ដោយសារតែ​ការកែប្រែ​កម្មវិធី​ហោះហើរ​ពី​ដៃគូ​អាកាសចរណ៍ នេះ​បើ​យោងតាម​ក្រុមហ៊ុន​អាកាសយានដ្ឋាន​។​ ​អាកាសយានដ្ឋាន​អន្តរជាតិ​ចំនួន ៣ របស់ កម្ពុជា​បានទទួល​ភ្ញៀវទេសចរ​ចំនួន ១១,៦ លាន​នាក់​កាលពី​ឆ្នាំមុន ពោលគឺ​កើនឡើង ១០,២ ភាគរយ​បើ​ប្រៀបធៀប​ទៅនឹង​ឆ្នាំ ២០១៨ ។​ ​នៅ​ឆ្នាំ ២០១៩ អាកាសយានដ្ឋាន​អន្តរជាតិ​ភ្នំពេញ​មាន​ចំនួន​អ្នកទេសចរ​ដល់​ទៅ​ជាង ៦ លាន​នាក់​កើនឡើង កើនឡើង ១១,២ ភាគរយ​ក្នុង​ឆ្នាំ​នោះ ខណៈ​អាកាសយានដ្ឋាន​អន្តរជាតិ​ក្រុងព្រះសីហនុ​មានការ​កើនឡើង ១៥៨ ភាគរយ​ជាមួយ​អ្នកដំណើរ ១,៦ លាន​នាក់ និង​អាកាសយានដ្ឋាន​អន្តរជាតិ​សៀមរាប​ផ្ទុយទៅវិញ​ការធ្លាក់ចុះ ១២,៣ ភាគរយ​មាន​ត្រឹមតែ ៣,៩ លាន​នាក់​ដែល​ឆ្លងកាត់​អាកាសយានដ្ឋាន​នេះ​។​

​ប្រធាន​ផ្នែក​ទំនាក់ទំនង​ផ្លូវអាកាស​និង​ទំនាក់ទំនង​សាធារណៈ​នៃ​អាកាសចរណ៍​កម្ពុជា លោក ខែ​ក ណូរី​ន​ដា បាន​ឲ្យ​ដឹងថា​៖« ចំពោះ​កម្រិត​នៃ​ចរាចរណ៍​ផ្លូវអាកាស​នៅ​ប៉ុន្មាន​ខែ​ខាងមុខ យើង​មិនឃើញ​មាន​លំនាំ​ច្បាស់លាស់​ណាមួយ​ទេ​។ នៅ​ទូទាំង​ពិភពលោក​ស្ថានការណ៍​កូ​វីដ​១៩ កំពុងមាន​ដំណើរការ​ហើយ​មិនមាន​សញ្ញា​ណាមួយ​នៃ​ការដក​ការ​រឹតត្បិត​ព្រំដែន​គួរ​ឲ្យ​កត់សម្គាល់​នោះទេ​»​។​ ​វិស័យ​ទេសចរណ៍​និង​អាកាសចរណ៍​ពិភពលោក​ក៏ដូចជា​ប្រទេស​កម្ពុជា​ត្រូវបាន​រង​ការគំរាមកំហែង​យ៉ាងធ្ងន់ធ្ងរ​ដោយ​ជំងឺ​រាតត្បាត​កូ​វីដ​១៩ ។​

​លោក ធួន ស៊ីណាន​ប្រធាន​សមាគម​ទេសចរណ៍​អាស៊ី​ប៉ាស៊ីហ្វិក​បាន​ស្វាគមន៍​ចំពោះ​ព័ត៌មាន​នេះ​ដោយ​លើកឡើងថា វា​ជាស​ញ្ញា​ល្អ​សម្រាប់​ទាំង​វិស័យ​ទេសចរណ៍​និង​អាកាសចរណ៍​ដែល​កំពុងមាន​ការរីក​ចម្រើន​បន្តិច​ម្តង ៗ ។​​លោក​បន្តថា​៖ «​ខ្ញុំ​ឃើញ​ក្រុមហ៊ុន​អាកាសចរណ៍​កាន់តែច្រើន​បន្ត​ការហោះហើរ​របស់​ពួកគេ​ហើយ​យើង​រីករាយ​ដែល​បានឃើញ​វឌ្ឍនភាព​បែបនេះ​។ យើង​សង្ឃឹមថា​អ្វីៗ​នឹង​វិល​មករក​ភាពប្រក្រតី​វិញ​ឆាប់ៗ​ជាពិសេស​វិស័យ​ទេសចរណ៍​និង​បដិសណ្ឋារកិច្ច​ដែល​រង​ការប៉ះទង្គិច​យ៉ាងខ្លាំង​ពី​ជំងឺ​កូ​វីដ​១៩ ។ យើង​មិនអាច​បិទ​ច្រកចូល​ទាំងអស់​បានទេ​ពី ព្រោះ​យើង​ត្រូវការ​វិនិយោគិន​ចូល​ដើម្បី​ជំរុញ​សកម្មភាព​សេដ្ឋកិច្ច​និង​ផលិតកម្ម​» ។​ ​ទោះយ៉ាងណា លោក ធួន ស៊ីណាន​បាន​និយាយថា ត្រូវមាន​ការប្រុងប្រយ័ត្ន​បន្ថែមទៀត​ដើម្បី​ទប់ស្កាត់​ការរីក​រាលដាល​នៃ​មេរោគ​ដែល​អាច​បង្ក​អន្តរាយ​ដល់​ឧស្សាហកម្ម​ក្នុង​រយៈពេល​វែង​។​ ​ប្រទេស​កម្ពុជា​បាន​ហាមឃាត់​ការហោះហើរ​ជា​បណ្តោះអាសន្ន​ពី​ប្រទេស​ហ្វីលីពីន​ឥណ្ឌូនេស៊ី​និង​ម៉ាឡេស៊ី បន្ទាប់ពី​យន្តហោះ​មកពី​ប្រទេស​ទាំងនេះ​បាន​នាំមក​នូវ​ករណី​ថ្មី​នៃ​ជំងឺ​កូ​វីដ​១៩​មក​ក្នុងប្រទេស ។​ ​លោកនាយក​រដ្ឋមន្ត្រី​ហ៊ុនសែន និង​លោក Toshimitsu Motegi រដ្ឋមន្ត្រី​ក្រសួងការបរទេស​ជប៉ុន​បាន​ឯកភាព ឲ្យ ប្រទេស​ទាំងពីរ​បើក​ព្រំដែន​ឡើងវិញ​សម្រាប់​ជនបរទេស​។​

​ប្រទេស​ទាំងពីរ​ក៏​នឹង​ធ្វើការ​ឆ្ពោះទៅរក​ការកាត់បន្ថយ​ការ​រឹតត្បិត​ការចូល​សម្រាប់​អ្នកធ្វើដំណើរ​អាជីវកម្ម​រយៈពេល​ខ្លី​។​

​ប្រទេស​ជប៉ុន​នឹង​ផ្តល់​ការចូល​ដល់​ជនបរទេស​និង​ពាណិជ្ជករ​មកពី​ប្រទេស​សឹង្ហ​បូរី​និង​ប្រទេស​កម្ពុជា​ចាប់ពី​ខែ​នេះ ជា​ផ្នែក​មួយ​នៃ​កិច្ចខិតខំ​ប្រឹងប្រែង​រប​ស់​ប្រទេស​នេះ​ដែល​ត្រូវបាន​គេ​រំពឹងថា​នឹង​ផ្តល់នូវ​វិធានការ​សង្គ្រោះ​តិចតួច​ដល់​វិស័យ​បដិសណ្ឋារកិច្ច​ដែល​កំពុង​រង​ការប៉ះទង្គិច​នេះ​។​

​ប្រទេស​ចិន​បានប្រកាស​នៅ​ថ្ងៃ​ពុធ​នេះ​ថា​ខ្លួ ន​នឹង​ភ្ជាប់​ជើងហោះហើរ​ត្រង់​អន្តរជាតិ​ពី​ប្រទេស​ចំនួន ៨ ទៅ​ទីក្រុង​ប៉េកាំង​ចាប់ពី​ម្សិលមិញ​រួមមាន​ប្រទេស​កម្ពុជា​ក្រិ​ក ដា​ណឺ​ម៉ាក ថៃ​ប៉ា គី​ស្ថាន អូទ្រីស កាណាដា​និង​ស៊ុយអែត​ដែល​ទាំងអស់នេះ​ត្រូវបាន​គេ​ចាត់ទុកថា​ជា​ហានិភ័យ​ទាប​សម្រាប់​ការនាំ​ចូល​ជំងឺ​កូ​វីដ​១៩ ៕

ហាមដាច់ខាតការយកអត្ថបទ ពីវេបសាយ www.mahakhmer.com ដោយគ្មានការអនុញាត។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល info [at] mahakhme.com ឬទូរស័ព្ទលេខ​ 015 883 332។
អត្ថបទទាក់ទង